|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
40:12 ܘܟܕ ܢܓܗܬ ܐܬܐ ܝܫܘܥ ܩܡ ܥܠ ܓܢܒ ܝܡܬܐ܂ ܘܬܠܡܝܕܘܗܝ ܠܐ ܐܣܬܟܠܘ ܕܗܘܝܘ܂
50:12 ܐܡܪ ܠܗܘܢ ܛ̈ܠܝܐ ܠܡܐ ܐܝܬ ܠܟܘܢ ܡܕܡ ܠܡܠܥܣ ܒܗ ܐܡܪܝܢ ܠܗ ܠܐ
60:12 ܐܡܪ ܠܗܘܢ ܐܪܡܘ ܡܨܝܕܬܟܘܢ ܡܢ ܓܒܗ ܕܝܡܝܢܐ ܕܣܦܝܢܬܐ܂ ܘܡܫܟܚܝܢ ܐܢܬܘܢ܂ ܘܟܕ ܐܪܡܝܘ ܐܝܟ ܕܐܡܪ ܠܗܘܢ ܒܥܘ ܠܡܣܩܘܬܗ ܠܡܨܝܕܬܐ ܠܣܦܝܢܬܐ ܘܠܐ ܐܫܟܚܘ ܡܢ ܝܘܩܪܐ ܕܢܘܢ̈ܐ ܣܓܝ̈ܐܐ ܕܐܚܕܬ܂
70:12 ܗܝܕܝܢ ܐܡܪ ܬܠܡܝܕܐ ܗܘ ܕܪܚܡ ܗܘܐ ܠܗ ܝܫܘܥ܂ ܠܫܡܥܘܢ ܗܢܐ ܡܪܢ ܗܘ܂ ܫܡܥܘܢ ܕܝܢ ܟܕ ܫܡܥ ܕܡܪܢ ܗܘ܂ ܢܣܒ ܟܝܬܘܢܗ ܡܚܐ ܒܚܨܘܗܝ܂ ܘܢܦܠ ܒܝܡܬܐ ܘܣܚܐ ܗܘܐ ܘܐܬܐ
80:12 ܡܛܠ ܕܠܐ ܪܚܝܩܝܢ ܗܘܘ ܡܢ ܝܒܫܐ ܘܫܪܟܐ ܕܬܠܡܝܕܐ ܐܬܝܢ ܗܘܘ ܒܣܦܝܢܬܐ ܟܕ ܢܓܕܝܢ ܠܗ ܠܡܨܝܕܬܐ ܗܝ
90:12 ܘܟܕ ܣܠܩܘ ܠܝܒܫܐ ܐܫܟܚܘ ܩܕܡܘܗܝ ܕܝܫܘܥ ܓܘܡܪܐ ܕܢܘܪܐ ܘܢܘܢܐ ܟܕ ܪܡܐ ܥܠܝܗܘܢ ܘܠܚܡܐ ܟܕ ܣܝܡ
01:12 ܐܡܪ ܠܗܘܢ ܝܫܘܥ ܐܝܬܘ ܡܢ ܗܢܘܢ ܢܘܢ̈ܐ ܕܨܕܬܘܢ ܗܫܐ
11:12 ܘܣܠܩ ܫܡܥܘܢ ܢܓܕܗ ܠܡܨܝܕܬܐ ܠܝܒܫܐ ܟܕ ܡܠܝܐ ܘܐܫܟܚܘ ܗܘܘ ܒܗ ܢܘܢ̈ܐ ܪ̈ܘܪܒܐ ܡܐܐ ܘܚܡܫ̈ܝܢ ܘܬܠܬܐ ܘܒܗܢܐ ܝܘܩܪܐ ܟܘܠܗ ܡܨܝܕܬܐ ܗܝ ܠܐ ܐܨܛܪܝܬ
21:12 ܐܡܪ ܠܗܘܢ ܝܫܘܥ ܬܘ ܐܫܬܪܘ܂ ܘܚܕ ܡܢ ܬܠܡܝܕܘܗܝ ܠܐ ܡܡܪܚ ܗܘܐ ܠܡܫܐܠܘܬܗ ܕܡܢܘ ܡܛܠ ܕܡܗܝܡܢܝܢ ܗܘܘ ܕܗܘܝܘ
31:12 ܘܢܣܒ ܝܫܘܥ ܠܚܡܐ ܘܢܘܢܐ ܘܒܪܟ ܥܠܝܗܘܢ ܘܝܗܒ ܠܗܘܢ
41:12 ܗܢܐ ܗܘܐ ܕܬܠܬܐ ܙܒܢܝܢ ܕܐܬܚܙܝ ܝܫܘܥ ܠܬܠܡܝܕܘܗܝ ܒܬܪ ܕܩܡ ܡܢ ܒܝܬ ܡܝܬܐ
51:12 ܘܟܕ ܠܥܣܘ ܐܡܪ ܝܫܘܥ ܠܫܡܥܘܢ ܐܢܬ ܫܡܥܘܢ ܒܪܗ ܕܝܘܢܢ ܪܚܡ ܐܢܬ ܠܝ ܐܡܪ ܠܗ ܐܝܢ ܡܪܝ ܐܡܪ ܠܗ ܐܪܥܝ ܠܝ ܐܡܪ̈ܝ܂
61:12 ܬܘܒ ܐܡܪ ܠܗ ܝܫܘܥ ܐܢܬ ܫܡܥܘܢ ܒܪܗ ܕܝܘܢܢ ܪܚܡ ܐܢܬ ܠܝ ܛܒ ܐܡܪ ܠܗ ܐܝܢ ܡܪܝ ܐܡܪ ܠܗ ܐܪܥܝ ܠܝ ܢܩܘܬܝ
71:12 ܬܘܒ ܐܡܪ ܠܗ ܝܫܘܥ ܫܡܥܘܢ ܒܪܗ ܕܝܘܢܢ ܪܚܡ ܐܢܬ ܠܝ܂ ܟܪܝܬ ܠܗ ܠܫܡܥܘܢ ܥܠ ܕܬܠܬ ܙܒܢܝܢ ܐܡܪ ܠܗ ܝܫܘܥ ܗܟܘܬ ܐܡܪ ܠܗ ܫܡܥܘܢ ܟܘܠ ܡܕܡ ܝܕܥ ܐܢܬ ܕܪܚܡ ܐܢܐ ܠܟ ܝܕܥ ܐܢܬ ܘܐܡܪ ܠܗ ܐܪܥܝ ܠܝ ܥܪܒܝ܂
81:12 ܐܡܝܢ ܐܡܪܢܐ ܕܟܕ ܛܠܐ ܗܘܝܬ ܐܣܪ ܗܘܝܬ ܚ̈ܨܝܟ ܘܡܗܠܟ ܗܘܝܬ ܠܐܝܟܐ ܕܨܒܐ ܐܢܬ ܘܡܐ ܕܣܐܒܬ ܬܪܝܡ ܐܝܕܝܟ ܘܐܚܪܢ ܢܐܣܘܪ ܠܟ ܚܨܝܟ ܘܢܕܚܝܟ ܠܐܬܪ ܕܠܐ ܨܒܐ ܐܢܬ܂
91:12 ܗܕܐ ܕܝܢ ܐܡܪ ܕܒܐܝܢܐ ܡܘܬܐ ܢܫܬܒܚ ܫܡܥܘܢ ܠܐܠܗܐ ܘܟܕ ܐܡܪ ܗܠܝܢ ܐܡܪ ܠܫܡܥܘܢ ܬܐ ܒܬܪܝ܂
02:12 ܐܬܦܢܝ ܫܡܥܘܢ ܘܚܙܐ ܠܗܘ ܠܬܠܡܝܕܐ ܕܪܚܡ ܗܘܐ ܠܗ ܝܫܘܥ ܟܕ ܐܬܐ ܒܬܪܗ ܗܘ ܕܢܦܠ ܥܠ ܚܕܝܗ ܕܝܫܘܥ ܒܐܚܫܡܝܬܐ ܘܐܡܪ ܗܘܐ ܠܗ ܡܪܝ ܡܢܘ ܡܫܠܡ ܠܟ܂
12:12 ܠܗܢܐ ܟܕ ܚܙܝܗܝ ܫܡܥܘܢ ܕܐܬܐ ܒܬܪܗ ܐܡܪ ܠܗ ܘܗܢܐ ܡܪܝ ܡܢܐ
22:12 ܐܡܪ ܠܗ ܝܫܘܥ ܐܢ ܨܒܢܐ ܕܗܢܐ ܢܩܘܐ ܥܕܡܐ ܕܐܬܐ ܐܢܐ ܠܟ ܡܐ ܠܟ ܕܗܫܐ ܐܢܬ ܬܐ ܒܬܪܝ܀
32:12 ܘܢܦܩܬ ܗܕܐ ܡܠܬܐ ܒܝܬ ܬܠܡܝܕܐ ܕܗܘ ܬܠܡܝܕܐ ܠܐ ܡܐܬ ܝܫܘܥ ܕܝܢ ܠܐ ܗܘܐ ܥܠ ܕܠܐ ܡܐܬ ܐܡܪ ܗܘ ܐܠܐ ܕܐܢ ܨܒܢܐ ܕܢܩܘܐ ܥܕܡܐ ܕܐܬܢܐ
42:12 ܗܢܘ ܬܠܡܝܕܐ ܕܐܣܗܕ ܥܠ ܗܠܝܢ ܘܟܬܒ ܐܢ̈ܝܢ ܘܝܕܥܝܢ ܐܢܚܢܢ ܕܫܪܝܪܐ ܗܝ ܣܗܕܘܬܗ܀
52:12 ܘܣܓܝܐܬ̈ܐ ܐܚܪ̈ܢܝܬܐ ܥܒܕ ܝܫܘܥ ܕܐܠܘ ܚܕܐ ܚܕܐ ܡܢܗܝܢ ܡܬܟܬܒܢ ܗܘܝ ܥܠܡܐ ܠܐ ܣܦܩ ܗܘܐ ܠܗܝܢ܀
