|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
10:02 ܘܒܠܠܝܐ ܕܢܓܗ ܚܕ ܒܫܒܐ ܥܕ ܚܫܘܟ ܒܫܦܪܐ ܪܒܐ ܐܬܬ ܡܪܝܡ ܡܓܕܠܝܬܐ ܠܒܝܬ ܩܒܘܪܐ ܘܚܙܬ ܕܡܓܕܠܝܐ ܟܐܦܐ ܘܫܩܝܠܐ ܡܢ ܦܘܡ ܩܒܪܐ
20:02 ܘܪܗܛܬ ܐܬܬ ܠܘܬ ܫܡܥܘܢ ܟܐܦܐ ܘܠܘܬ ܗܘ ܬܠܡܝܕܐ ܕܪܚܡ ܗܘܐ ܠܗ ܝܫܘܥ ܘܐܡܪܐ ܠܗܘܢ ܕܫܩܠܘܗܝ ܠܡܪܢ ܡܢ ܗܘ ܒܝܬ ܩܒܘܪܐ ܘܠܐ ܝܕܥܢܐ ܐܝܟܐ ܐܘܒܠܘܗܝ
30:02 ܘܢܦܩܘ ܬܪ̈ܝܗܘܢ ܠܡܐܙܠ ܠܒܝܬ ܩܒܘܪܐ
40:02 ܘܪܗܛܝܢ ܗܘܘ ܗܘ ܕܝܢ ܬܠܡܝܕܐ ܩܕܡܗ ܠܫܡܥܘܢ ܘܐܬܐ ܠܒܝܬ ܩܒܘܪܐ
50:02 ܘܐܕܝܩ ܚܙܐ ܟ̈ܬܢܐ ܗܢܘܢ ܟܕ ܣܝܡܝܢ ܡܥܠ ܕܝܢ ܠܐ ܥܠ ܠܗ ܠܒܝܬ ܩܒܘܪܐ
60:02 ܫܡܥܘܢ ܕܝܢ ܟܕ ܡܛܐ ܥܠ ܘܚܙܐ ܟܬ̈ܢܐ
70:02 ܘܣܘܕܪܐ ܕܟܪܝܟ ܘܣܝܡ ܠܣܛܪ
80:02 ܘܗܝܕܝܢ ܥܠ ܐܦ ܗܘ ܬܠܡܝܕܐ ܠܩܒܪܐ ܘܚܙܘ ܘܗܝܡܢܘ
90:02 ܡܛܠ ܕܠܐ ܥܕܡܐ ܠܗܫܐ ܝܕ̈ܥܝܢ ܗܘܘ ܡܢ ܟܬܒ̈ܐ ܕܥܬܝܕ ܗܘ ܠܡܩܡ ܡܢ ܒܝܬ ܡܝܬܐ܂
01:02 ܬܠܡܝ̈ܕܐ ܕܝܢ ܟܕ ܚܙܘ ܗܠܝܢ ܐܙܠܘ ܠܗܘܢ܂
11:02 ܡܪܝܡ ܕܝܢ ܩܝܡܐ ܗܘܬ ܠܘܬ ܩܒܪܐ ܘܒܟܝܐ܂ ܘܐܝܟ ܕܒܟܝܐ ܐܕܝܩܬ ܠܒܝܬ ܩܒܘܪܐ
21:02 ܘܚܙܬ ܬܡܢ ܬܪܝܢ ܡܠܐܟܐ ܒܚܘܪ̈ܐ ܟܕ ܝܬܒܝܢ ܚܕ ܡܢ ܐܣ̈ܕܐ ܕܗܝ ܕܘܟܬܐ ܕܪܡܐ ܗܘܐ ܒܗ ܝܫܘܥ ܘܚܕ ܡܢ ܐܪ̈ܓܠܐ܂
31:02 ܐܡܪ̈ܝܢ ܠܗ ܗܢܘܢ ܡܠܐܟܐ ܐܢܬܬܐ ܡܢܐ ܒܟܝܬܝ ܘܠܡܢ ܒܥܝܬܝ܂ ܐܡܪܐ ܠܗܘܢ܂ ܕܫܩܠܘܗܝ ܠܡܪܝ ܘܠܐ ܝܕܥܢܐ ܐܝܟܐ ܣܡܘܗܝ܂
41:02 ܘܟܕ ܐܡܪܬ ܗܠܝܢ ܐܬܦܢܝܬ ܠܒܣܬܪܗ܂ ܘܚܙܬܗ ܠܝܫܘܥ ܟܕ ܩܐܡ܂ ܘܠܐ ܝܕܥܐ ܗܘܬ ܕܝܫܘܥ ܗܘ܂
51:02 ܗܘ ܕܝܢ ܐܡܪ ܠܗ ܐܢܬܬܐ ܡܢܐ ܒܟܝܬܝ ܘܠܡܢ ܒܥܝܬܝ܂ ܘܗܝ ܣܒܪܬ ܠܗ ܕܓܢܢܐ ܗܘ܂ ܐܡܪܐ ܠܗ ܡܪܝ ܐܢ ܐܢܬ ܫܩܠܬܝܗܝ ܐܡܪ ܠܝ ܐܝܟܐ ܣܡܬܝܗܝ ܐܙܠ ܐܫܩܠܝܘܗܝ
61:02 ܗܝܕܝܢ ܐܡܪ ܠܗ ܝܫܘܥ ܡܪܝܡ ܘܐܣܬܟܠܬܗ ܘܥܢܬ ܘܐܡܪܐ ܠܗ ܪܒܘܠܝ܂
71:02 ܘܪܗܛܬ ܠܦ̈ܝܢ ܠܘܬܗ ܕܬܩܪܘܒ ܠܗ ܗܘ ܕܝܢ ܐܡܪ ܠܗ ܠܐ ܬܩܪܒܝܢ ܠܝ ܠܐ ܥܕܟܝܠ ܣܠܩܬ ܠܘܬ ܐܒܝ ܐܠܐ ܙܠܝ ܠܘܬ ܐܚ̈ܝ ܘܐܡܪܝ ܠܗܘܢ ܕܗܐ ܣܠܩܢܐ ܠܘܬ ܐܒܝ ܘܐܒܘܟܘܢ ܘܠܘܬ ܐܠܗܝ ܘܐܠܗܟܘܢ
81:02 ܘܐܬܬ ܡܪܝܡ ܐܡܪܬ ܠܬܠܡܝܕܐ ܕܚܙܝܬܗ ܠܡܪܢ ܘܐܝܠܝܢ ܕܓܠܐ ܠܗ ܐܡܪܬ ܠܗܘܢ܀
91:02 ܘܒܗ ܒܝܘܡܐ ܗܘ ܕܚܕ ܒܫܒܐ ܐܬܪ ܕܗܘܘ ܬܠܡܝܕܐ ܘܐܚܝܕܝܢ ܗܘܘ ܬܪܥܝܗܘܢ ܡܢ ܕܚܠܬܐ ܕܝܗܘܕܝܐ܂ ܐܬܐ ܝܫܘܥ ܩܡ ܒܝܢܬܗܘܢ ܘܐܡܪ ܠܗܘܢ ܫܠܡܐ ܥܡܟܘܢ
02:02 ܘܟܕ ܐܡܪ ܗܘܐ ܚܘܝ ܐܢܘܢ ܐܝܕܘܗܝ ܘܣܛܪܗ ܘܟܕ ܚܙܘܘܗܝ ܬܠܡܝ̈ܕܐ ܚܕܝܘ
12:02 ܬܘܒ ܐܡܪ ܠܗܘܢ ܫܠܡܐ ܥܡܟܘܢ܂ ܐܝܟܢܐ ܕܫܕܪܢܝ ܐܒܝ ܡܫܕܪ ܐܢܐ ܠܟܘܢ܂
22:02 ܘܟܕ ܐܡܪ ܗܠܝܢ ܢܦܚ ܒܐܦܝܗܘܢ ܘܐܡܪ ܠܗܘܢ ܩܒܠܘ ܪܘܚܐ ܩܕܝܫܬܐ
32:02 ܕܡܢ ܕܐܢܬܘܢ ܬܫܒܩܘܢ ܠܗ ܚܛܗܘܗܝ ܢܫܬܒܩܘܢ ܠܗ܂ ܘܡܢ ܕܐܢܬܘܢ ܬܐܚܕܘܢ ܥܠܘܗܝ ܐܚܝܕ ܗܘ܀
42:02 ܬܐܘܡܐ ܕܝܢ ܚܕ ܡܢ ܬܪܥܣܪܬܐ ܠܐ ܗܘܐ ܬܡܢ ܗܘܐ ܥܡ ܐܚܪܢܐ ܟܕ ܐܬܐ ܠܘܬܗܘܢ ܝܫܘܥ
52:02 ܐܡܪ̈ܝܢ ܠܗ ܐܬܐ ܡܪܢ ܘܚܙܝܢܝܗܝ ܐܡܪ ܠܗܘܢ ܐܠܐ ܚܙܢܐ ܐ̈ܝܕܘܗܝ ܘܕܘܟܬ ܣ̈ܟܐ ܗܠܝܢ ܘܡܘܫܛ ܐܢܐ ܨܒܥܬܝ ܒܕܘܟܝܬܐ ܘܡܘܫܛ ܠ܂܂܂ ܐܝܕܝ ܒܕܘܟܐ ܕܠܘܟܝܬܗ ܕܒܣܛܪܗ ܠܐ ܡܗܝܡܢ ܐܢܐ܀
62:02 ܘܡܢ ܒܬܪ ܬܡܢ̈ܝܐ ܝܘܡܝܢ ܠܚܕ ܒܫܒܐ ܐܚܪܢܐ ܟܢܝܫ̈ܝܢ ܗܘܘ ܬܠܡܝܕܐ ܐܟܚܕܐ ܒܒܝܬܐ ܘܬܐܘܡܐ ܥܡܗܘܢ ܘܬܪ̈ܥܐ ܐܚܝܕܝܢ ܗܘܘ ܐܬܐ ܝܫܘܥ ܘܩܡ ܒܝܢܬܗܘܢ ܘܐܡܪ ܠܗܘܢ ܫܠܡܐ ܥܡܟܘܢ
72:02 ܗܝܕܝܢ ܐܡܪ ܠܬܐܘܡܐ ܐܘܫܛ ܨܒܥܟ ܘܚܙܝ ܐܝ̈ܕܝ ܘܣܝܡ ܐܝܕܟ ܥܠ ܣܛܪܝ ܘܠܐ ܬܗܘܐ ܚܣܝܪ ܗܝܡܢܘܬܐ܂
82:02 ܐܡܪ ܠܗ ܬܐܘܡܐ ܡܪܝ ܘܐܠܗܝ
92:02 ܐܡܪ ܠܗ ܝܫܘܥ ܗܫܐ ܕܚܙܝܬܢܝ ܗܝܡܢܬ ܒܝ ܛܘܒܝܗܘܢ ܠܐܝܠܝܢ ܕܠܐ ܚܙܘܘܢܝ ܘܗܝܡܢܘ ܒܝ܀
03:02 ܘܣܓܝ ܐܬܘܬܐ ܐܚܪܢܝܬܐ ܚܘܝ ܝܫܘܥ ܠܬܠܡܝܕܘܗܝ ܐܝܠܝܢ ܕܠܐ ܟܬܝܒܢ ܒܟܬܒܐ ܗܢܐ
13:02 ܗܠܝܢ ܕܝܢ ܕܐܬܟܬܒ ܕܬܗܝܡܢܘܢ ܕܝܫܘܥ ܡܫܝܚܐ ܗܘ ܒܪܗ ܕܐܠܗܐ܂ ܘܬܗܝܡܢܘܢ ܒܗ ܘܬܚܘܢ ܒܫܡܗ܂
