22:80 ܘܠܟܘܢ ܕܝܢ ܡܬܐܡܪܐ ܐܝܟܢܐ ܕܠܟܠܗܘܢ ܟܗ̈ܢܐ ܘܠܘܝ̈ܐ ܘܡܙܡܪ̈ܢܐ ܕܟܗ̈ܢܝܬܐ ܘܬܪ̈ܥܐ ܘܥܒ̈ܕܝ ܟܗ̈ܢܐ ܘܣܦܪ̈ܐ ܕܗܝܟܠܐ ܗܢܐ ܐܦܠܐ ܚܕܐ ܡܕܐܬܐ ܐܦܠܐ ܐܚܪܬܐ ܐܦܝܒܘܠܐ ܘܠܐ ܠܐܢܫ ܢܗܘܐ ܐܝܬ ܫܘܠܛܢܐ ܠܡܪܡܝܘ ܥܠ ܗܢܘܢ

32:80 ܘܐܢܬ ܥܙܪܐ ܐܝܟ ܚܟܡܬܐ ܕܐܠܗܐ ܚܘܐ ܕܝܢ̈ܐ ܘܬܒܘ̈ܥܐ ܐܝܟܢܐ ܕܢܗܘܘܢ ܕܝܢܝܢ ܒܟܠܗ ܣܘܪܝܐ ܘܦܘܢܝܩܐ ܠܟܠܗܘܢ ܗܢܘܢ ܕܐܢ ܢܥܒܪܘܢ ܠܢܡܘܣܗ ܕܐܠܗܐ ܕܝܠܟ ܘܠܗܢܘܢ ܕܝܢ ܕܠܐ ܝܕܥܝܢ ܬܠܦ
42:80 ܘܟܠܗܘܢ ܗܢܘܢ ܕܐܢ ܢܥܒܪܘܢ ܠܢܡܘܣܗ ܕܐܠܗܐ ܕܝܠܟ ܘܠܡܠܟܝܐ ܒܛܝܠܐܝܬ ܢܫܬܢܩܘܢ ܘܐܢ ܒܡܘܬܐ ܘܐܢ ܐܦ ܒܡܣܡ ܒܪܝܫܐ ܐܘ ܒܚܘܣܪܢܐ ܕܟܣܦܐ ܐܘ ܒܡܬܬܘܒܠܢܘܬܐ
52:80 ܐܡܪ ܥܙܪܐ ܣܦܪܐ ܡܒܪܟܐ ܗܘ ܡܪܝܐ ܒܠܚܘܕܘܗܝ ܗܘ ܕܝܗܒ ܗܠܝܢ ܒܠܒܗ ܕܡܠܟܐ ܠܡܫܒܚܘ ܠܒܝܬܐ ܕܝܠܗ ܗܘ ܕܒܐܘܪܫܠܝܡ
62:80 ܘܠܝ ܝܩܪ ܩܕܡܘܗܝ ܕܡܠܟܐ ܘܕܗܢܘܢ ܕܥܡܗ ܡܡܠܟܝܢ ܘܕܟܠܗܘܢ ܪ̈ܚܡܐ ܘܪ̈ܘܪܒܢܐ ܕܝܠܗ
72:80 ܘܐܢܐ ܫܦܝܪ ܠܒܝܒܐ ܗܘܝܬ ܐܝܟ ܡܥܕܪܢܘܬܐ ܕܡܪܝܐ ܐܠܗܐ ܕܝܠܝ ܘܟܢܫܬ ܡܢ ܐܝܣܪܐܝܠ ܓܒܪ̈ܐ ܐܝܟܢܐ ܕܢܣܩܘܢ ܥܡܝ
82:80 ܘܗܠܝܢ ܪ̈ܝܫܢܐ ܩ̈ܕܡܝܐ ܐܝܟ ܫܪ̈ܒܬܐ ܕܝܠܗܘܢ ܘܕܪ̈ܝܫܝ ܦ̈ܠܓܘܬܐ ܗܢܘܢ ܕܣܠܩܝܢ ܗܘܘ ܥܡܝ ܡܢ ܒܒܝܠ ܒܡܠܟܘܬܗ ܕܐܪܬܚܫܫܬ ܡܠܟܐ
92:80 ܡܢ ܒܢܝ̈ܐ ܕܦܪܘܨ ܛܐܪܘܫ ܗܘ ܕܛܐܡܘܫ ܡܢ ܒܢܝ̈ܐ ܕܥܛܪܘܬ ܓܡܠܘܣܝ
03:80 ܡܢ ܒ̈ܢܝܐ ܕܕܘܝܕ ܦܪܨ ܙܟܪܝܐ ܘܥܡܗ ܡܢ ܟܬܒܐ ܓܒܪ̈ܐ ܡܐܐ ܘܚܡܫܝܢ
13:80 ܡܢ ܒ̈ܢܝܐ ܕܡܐܬ ܡܘܐܒܝ ܘܐܠܚܢܢ ܒܪܗ ܕܙܪܚ ܘܥܡܗ ܓܒܪ̈ܐ ܡܐܬܝܢ
23:80 ܡܢ ܒ̈ܢܝܐ ܕܙܝܬܘܥ ܝܘܟܢܝܐ ܕܥܬܝܠܘ ܘܥܡܗ ܓܒܪ̈ܐ ܡܐܬܝܢ ܡܢ ܒ̈ܢܝܐ ܕܥܕܝܢܘܟܝܢ ܝܘܢܬܢ ܘܥܡܗ ܓܒܪ̈ܐ ܡܐܬܝܢ ܘܚܡ̈ܫܝܢ
33:80 ܡܢ ܒܢܝ̈ܐ ܕܡܥܣܝܐ ܥܬܠܝܐ ܘܥܡܗ ܓܒܪ̈ܐ ܡܐܬܝܢ ܘܫܒ̈ܥܝܢ
43:80 ܘܡܢ ܒܢܝ̈ܐ ܕܫܦܛܝܐ ܙܪܝܥ ܕܡܝܟܐܝܠ ܘܥܡܗ ܓܒܪ̈ܐ ܫܒ̈ܥܝܢ
53:80 ܡܢ ܒ̈ܢܝܐ ܕܝܘܐܒ ܥܘܒܕܝܐ ܒܪܗ ܕܚܙܩܝܐܝܠ ܘܥܡܗ ܓܒܪ̈ܐ ܡܐܬܝܢ ܘܬܪ̈ܥܣܪ
63:80 ܡܢ ܓܒܪ̈ܐ ܕܢܟܙܝܥ ܫܠܝܡܘܬ ܕܫܘܫܦܐ ܘܥܡܗ ܓܒܪ̈ܐ ܡܐܬܝܢ ܘܐܫܬܝܢ
73:80 ܡܢ ܒܢܝ̈ܐ ܕܒܚܝܪ ܙܟܪܝܐ ܕܒܒܝܠ ܘܥܡܗ ܓܒܪ̈ܐ ܥܣܪ̈ܝܢ ܘܬܡܢܝܐ
83:80 ܡܢ ܒܢܝ̈ܐ ܕܐܫܕܘܬ ܝܘܚܢܢ ܒܪܗ ܕܐܩܛܐ ܘܥܡܗ ܓܒܪ̈ܐ ܡܐܐ ܘܥܣܪ̈ܐ
93:80 ܡܢ ܒܢܝ̈ܐ ܕܐܕܘܢܝܩܡ ܗܢܘܢ ܐܚܪ̈ܝܐ ܘܗܠܝܢ ܫܡ̈ܗܐ ܕܝܠܗܘܢ ܐܠܝܦܕܥ ܗܘ ܕܓܠܘܠ ܘܫܡܥܝܐ ܘܥܡܗܘܢ ܓܒܪ̈ܐ ܫܒ̈ܥܝܢ
04:80 ܘܡܢ ܒܢܝ̈ܐ ܕܒܢܝܐ ܗܘ ܕܒܥܩܪܘܢ ܘܥܡܗ ܓܒܪ̈ܐ ܫܒ̈ܥܝܢ
14:80 ܘܟܢܫܬ ܐܢܘܢ ܥܠ ܗܘ ܕܡܬܐܡܪ ܬܐܪܐܢ ܢܗܪܐ ܘܫܪܝܢܢ ܬܡܢ ܝܘ̈ܡܐ ܬܠܬܐ ܘܐܬܒ‍{‍ܐܝܢܢ‍}‍‍<‍ܩܝܬ‍>‍ ܒܗܘܢ
24:80 ܘܡܢ ܟܗ̈ܢܐ ܘܡܢ ܠܘ̈ܝܐ ܠܐ ܐܫܟܚܬ ܬܡܢ
34:80 ܘܫܕܪܬ ܠܘܬ ܐܠܝܥܙܪ ܘܟܕ ܐܬܐ ܐܓܘܢ ܘܡܥܣܡܢ ܣܠܛܢ ܘܫܡܥܝܐ ܘܢܘܪܒܝܢ ܢܬܢܢ ܛ ܢܬܢ ܙܟܪܝܐ ܘܡܘܫܐ ܠܒܝܬ ܪ̈ܝܫܢܐ ܘܝܕܘ̈ܥܬܢܐ
44:80 ܘܐܡܪܬ ܠܗܘܢ ܠܡܐܬܐ ܠܘܬ ܠܥܕܢ ܪܝܫܢܐ ܗܘ ܕܒܕܘܟܬܐ ܕܢܛܪ ܒܝܬ ܓܙܐ
54:80 ܟܕ ܦܩܕܬ ܐܢܘܢ ܠܡܡܠܠܘ ܠܠܥܕܢ ܘܠܐܚ̈ܐ ܕܝܠܗ ܘܠܗܢܘܢ ܕܒܕܘܟܬܐ ܢܛܪܝܢ ܒܝܬ ܓܙܐ ܠܡܫܕܪܘ ܠܢ ܠܗܢܘܢ ܕܡܟܗܢܝܢ ܒܒܝܬܗ ܕܡܪܝܐ ܕܝܠܢ
64:80 ‍[‍ܘܐܝܬܝ‍]‍ ܠܢ ܐܝܟ ܐܝܼܕܐ ܐܚܝܕܬܐ ܕܡܪܝܐ ܐܠܗܐ ܕܝܠܢ܂ ܓܒܪ̈ܐ ܝܕܘ̈ܥܬܢܐ ܡܢ ܒܢܝ̈ܐ ܕܡܚܠܝ ܗܿܘ ܕܠܘܝܐ ܕܝܣܪܐܝܠ܂ ܠܫܒܟܝܐ ܘܠܒ̈ܢܝܐ ܘܠܐܚ̈ܐ ܕܝܠܗ ܕܐܝܬܝܗܘܢ ܬܡܢܬܥܣܪ̈ܐ܂
74:80 ܘܠܚܒܫܝܐ ܘܠܚܢܘܢܐ܂ ܘܥܐܛܢ ܡܢ ܐܚ̈ܐ ܕܒܢܝܐ ܕܟܢܥܢܝܐ ܘܒܢܝ̈ܐ ܕܝܠܗܘܢ ܓܒܪ̈ܐ ܥܣܪ̈ܝܢ܀
84:80 ܘܡܢ ܥܒ̈ܕܝ ܟܗ̈ܢܐ ܗܿܢܘܢ ܕܝܗܒ ܗܘܐ ܕܘܝܕ ܘܪ̈ܝܫܢܐ ܠܦܘܠܚܢܐ ܕܠܘ̈ܝܐ܂ ܥܒ̈ܕܝ ܟܗ̈ܢܐ ܡ̈ܬܝܢ ܘܥܣܪ̈ܝܢ܂ ܕܟܠܗܘܢ ܐܫܬܘܕܥܬ ܟܬܝܒܘܬ ܫܡ̈ܗ܀ܐ
94:80 ܘܢܿܕܪܬ ܬܡܢ ܨܘܡܐ ܠܝܘܢܣ̈ܩܐ ܩܕܡ ܡܪܝܐ ܐܠܗܐ ܕܝܠܢ܂
05:80 ܠܡܒܥܐ ܡܢܗ ܡܨܠܚܢܘܬܐ܂ ܘܠܢ ܘܠܗܿܢܘܢ ܕܐܝܬ ܗܘܘ ܥܡܢ ܒܢܝ̈ܐ ܘܒܥܝܪ̈ܐ܂
15:80 ܐܬܿܟܚܕܬ ܓܝܪ ܠܡܫܐܠ ܡܢ ܡܠܟܐ ܦܪ̈ܫܐ ܘܪ̈ܓܠܝܐ ܠܠܘܝܬܐ܂ ܡܛܠ ܙܗܝܪܘܬܐ ܗܿܝ ܕܠܘܬ ܗܿܢܘܢ ܕܗܿܘܝܢ ܕܠܩܘܒܠܐ ܠܢ܂
25:80 ܐܡܼܪܢܢ ܓܝܪ ܠܡܠܟܐ܂ ܕܚܝܠܐ ܕܡܪܝܐ ܐܠܗܐ ܕܝܠܢ̤܂ ܗܿܘܐ ܥܡ ܗܿܢܘܢ ܕܒܿܥܝܢ ܠܗܼ ܒܟܠ ܬܘܪܨܐ܂
35:80 ܘܟܠܗ̈ܝܢ ܬܢܝܢ ܐܬܟܫܦܢܢ ܩܕܡ ܡܪܝܐ ܐܠܗܐ ܕܝܠܢ܂ ܘܐܫܬܼܘܝܢܢ ܠܚܘܣܝܐ܀
45:80 ܘܦܿܪܫܬ ܡܢ ܪ̈ܝܫܝ ܫܪ̈ܒܬܐ ܕܟܗ̈ܢܐ̤܂ ܓܒܪ̈ܐ ܬܪ̈ܥܣܪ܂ ܡܫܒ̈ܚܐ ܘܠܫܡܥܝܐ ܘܥܡܗܘܢ ܡܢ ܐܚ̈ܐ ܕܝܠܗܘܢ ܓܒܪ̈ܐ ܥܣܪ̈ܐ܂
55:80 ܘܬܩܠܬ ܠܗܘܢ ܠܣܐܡܐ ܘܠܕܗܒܐ ܘܠܡ̈ܐܢܐ ܟܗ̈ܢܝܐ܂ ܠܒܝܬܗ ܕܡܪܝܐ ܕܝܠܢ܂ ܗܟܢܐ ܫܿܟܼܢ ܡܠܟܐ ܘܡܠܘ̈ܟܐ ܕܝܠܗ܂ ܘܪ̈ܘܪܒܢܐ܂ ܘܟܠܗ ܐܝܣܪܐܝܠ
65:80 ܘܐܿܫܠܡܬ ܠܗܘܢ ܟܕ ܬܩܿܠܬ܂ ܟܟܪ̈ܐ ܕܣܐܡܐ ‍{‍ܡܐ̈ܐ‍}‍ ‍{‍ܘܫ‍}‍ܬܡܐܐ ܘܚܡ̈ܫܝܢ܂ ܘܡ̈ܐܢܐ ܕܣܐܡܐ ܟܟܪ̈ܐ ܡܐܐ܂ ܘܕܕܗܒܐ ܟܟܪ̈ܐ ܡܐ̈ܐ܂ ܘܡ̈ܐܢܝ ܕܗܒܐ ܥܣܪ̈ܝܢ܂ ܘܡ̈ܐܢܐ ܕܢܚܫܐ܂ ܡܢ ܢܚܫܐ ܛܿܒܐ ܡܙܗܪܐ ܡ̈ܐܢܐ ܬܪ̈ܥܣܪ܂
75:80 ܘܐܿܡܪܬ ܠܗܘܢ܂ ܐܦ ܐܢܬܘܢ ܩܕ̈ܝܫܐ ܐܝܬܝܟܘܢ ܠܡܪܝܐ܂ ܘܡ̈ܐܢܐ ܩܕ̈ܝܫܐ܂ ܘܕܗܒܐ ܘܣܐܡܐ ܢܕܪܐ ܠܡܪܝܐ ܐܠܗܐ܂ ܕܐܒܗ̈ܐ ܕܝܠܟܘܢ܂
85:80 ܫܗܪܘ ܘܛܪܼܘ܂ ܥܕܡܐ ܕܡܫܠܡܝܢ ܐܢܬܘܢ ܠܗܘܢ ‍[‍ܠܪ̈ܝܫܝ/ܠܪ̈ܒܝ/‍]‍ ܫܪ̈ܒܬܐ ܕܟܗ̈ܢܐ ܘ̈ܕܠܘܝܐ܂ ‍[‍ܘܠܪ̈ܝܫ‍]‍ܢܐ ܕܫܪܒܬܐ ܕܐܝܣܪܐܝܠ ‍[‍ܒܐ‍]‍ܘܪܫܠܡ܂ ܒܒܝܬܓܙܐ ܕܒܝܬܗ ܕܡܪܝܐ ܕܝܠܢ܀
95:80 ܘܗܿܢܘܢ ܕܩܒܠܘ ܟܗ̈ܢܐ ܘܠܘܝ̈ܐ ܠܣܐܡܐ ܘܠܕܗܒܐ ܘܠܡ̈ܐܢܐ ܗܠܝܢ ܕܒܐܘܪܝܫܠܡܼ܂ ܐܥܼܠܘ ܠܗܝܟܠܗ ܕܡܪܝܐ܂
06:80 ܘܟܕ ܐܫܩܠܢܢ ܡܢ ܢܗܪܐ ܬܐܪܬܐ ܒܬܪܥܣܪ̈ܐ ܕܝܪܚܐ ܩܕܡܝܐ܂ ܐܬܝܢܢ ܠܐܘܪܫܠܡ ܐܝܟ ܐܝܕܐ ܐܚܝܕܬܐ ܕܡܪܝܐ ܐܠܗܐ ܕܝܠܢ܂ ܗܿܝ ܕܥܠܝܢ܂ ܘܦܼܨܝܬܿ ܠܢ ܡܢ ܡܥܠܬܐ ‍[‍ܕܡܢ‍]‍ ܟܠ ܒܥܠܕܒܒܐܼ܂ ܘܐܬܝܢܢ ܠܐܘܪܝܫܠܝܡ܀
16:80 ܘܟܕ ܗܘܼܐ ܠܢ ܬܡܢ ܝܘܡܐ ܬܠܝܬܝܐܼ܂ ܒܝܘܡܐ ܪܒܝܥܝܐ ܟܕ ܐܬܬܩܠ ܣܐܡܐ ܘܕܗܒܐܼ܂ ܐܬܬܫܠܡ ܒܒܝܬܗ ܕܡܪܝܐ ܐܠܗܐ ܕܝܠܢ܂ ܠܐܢܪܡܘܬ ܒܪܗ ܕܐܘܪܝܐ ܟܗܢܐ܂
26:80 ܘܥܡܗ ܐܠܝܥܙܪ ܗܘ ܕܦܝܢܚܣ ܘܐܝܬ ܗܘܘ ‍[‍ܕܝܢ‍]‍ ܥܡܗܘܢ ܝܘܒܕ ܝܫܘܥ ܒܪ ܡܚܘܕ ܗܘ ܕܐܒܢܘ ܠܘܝܐ ܐܝܟ ܡܢܝܢܐ ܘܡܬܩܠܐ ܟܠ ܡܕܡ ‍[‍ܐܬܝܗܒ‍]‍ ܟܠܗ ܡܬܩܠܐ ܒܗ ܒܫܥܬܐ/ܒܫܒܝܬܐ/܂
36:80 ܗܿܢܘܢ ܕܝܢ ܕܐܬܼܘ ܡܢ ܫܒܝܼܬܐ ܩܪܒܘ ܕܒ̈ܚܐ ܠܐܠܗܐ ܕܐܝܣܪܐܝܠ܂ ܐܡܪ̈ܐ ܬܫ̈ܥܝܢ ܘܐܫ̈ܬܐ܂ ܬ̈ܝܫܐ ܡܐ̈ܬܝܢ ܘܫܒ̈ܥܝܢ ܘܐܫ̈ܬܐ܂ ܘܕܚܠܦ ܦܘܪܩܢܐ܂ ܥ̈ܓܠܐ ܬܪ̈ܥܣܪ܂ ܟܠܗܘܢ ܕܒ̈ܚܐ ܠܡܪܝܐ܀
46:80 ܘܝܗܒܘ ܠܦܘܩ̈ܕܢܐ ܕܡܠܟܐ ܠܐܘܩ̈ܢܡܐ ܡ̈ܠܟܝܐ ܘܠܗܘܦܪ̈ܟܐ ܕܣܘܪܝܐ ܥܡܝܩܬܐ ܘܕܦܘܢܝܩܐ ܘܫܒܚܘ ܠܥܡܐ ܘܠܗܝܟܠܗ ܕܡܪܝܐ
56:80 ܘܟܕ ܗܠܝܢ ܐܫ̈ܬܡܠܝܢ܃ ܩܪܒܘ ܠܝ ܪ̈ܝܫܢܐ ܟܕ ܐܡܪܝܢ܂
66:80 ܠܐ ܦܪܫܘ ܥܡܐ ܕܐܝܣܪܐܝܠ ܘܪ̈ܝܫܢܐ ܘܟܗ̈ܢܐ ܘܠܘ̈ܝܐ ܐܚܪ̈ܢܝܝ ܓܢܣܐ ܥܡ̈ܡܐ ܕܐܪܥܐ܂ ܘܠܛܘܡ̈ܐܘܬܐ ܕܝܠܗܘܢ ܕܟ̈ܢܥܢܝܐ ܘܕܚܬܝ̈ܐ ܘܕܦܪ̈ܙܝܐ ܘܕܝܒܘ̈ܣܝܐ ܘܕܡܘܐܒܝ̈ܐ ܘܕܡܨܪ̈ܝܐ
76:80 ܥܡܪܘ ܗܘܘ ܓܝܪ ܥܡ ܒ̈ܢܬܐ ܕܝܠܗܘܢ ܘܗܿܢܘܢ ܘܒ̈ܢܝܐ ܕܝܠܗܘܢ܂ ܘܐܬܚܿܠܼܛ ܙܪܥܿܐ ܗܘ ܩܕܝܫܐ ܒܐܚܪ̈ܢܝܝ ܓܢܣܐܼ ܥܡ̈ܡܐ ܕܐܪܥܐ܂ ܘܡܫܘܬܦܝܢ ܗܘܘ ܪ̈ܝܫܢܐ ܩܕܡܝ̈ܐ ܘܪ̈ܘܪܒܢܐ ܒܠܐ ܢܡܘܣܝܘܬܐ ܗܕܐ܂ ܡܢ ܫܘܪܝܗ ܕܣܘܥܪܢܐ܂܀
86:80 ܘܡܚܕܐ ܕܫܡܿܥܬ ܗܠܝܢ܃ ܨܿܪܝܬ ܠܢܚ̈ܬܐ ܕܝܠܝ ܘܠܠܒܘܫܐ ܟܗܢܝܐ܂ ܘܡܢܬܫ ܗܘܝܬ ܡܢ ܣܥܪܐ ܕܪܝܫܐ ܕܝܠܝ ܘܕܕܩܢܐ ܕܝܠܝ܂ ܘܝܬܿܒܬ ܡܬܘܝܐ ܘܡܥܩܐ
96:80 ܘܐܬܟܢܫܘ ܠܘܬܝ ܟܠܗܘܢ ܗܿܢܘܢ ܕܒܙܒܢ ܡܬܬܙܝܥܝܢ ܗܘܘ ܥܠ ܡܠܬܗ ܕܡܪܝܐ ܐܠܗܐ ܕܐܝܣܪܐܝܠ ܟܕ ܐܢܿܐ ܡܬܐܒܠ ܗܘܝܬ ܥܠܝܗܿ ܕܠܐ ܢܡܘܣܝܘܬܐ܂ ܘܝܬܝܒ ܗܘܝܬ ܡܿܥܩܐ ܥܕܡܐ ܠܕܒܚܬܐ ܦܢܝܝܬܐܿ
07:80 ܘܟܕ ܩܿܡܬ ܡܢ ܨܘܡܐ ܘܡܣܕܩܐ ܐܝܬ ܗܘܐ ܠܝ ܠܢܚ̈ܬܐ ܘܠܠܒܘܫܐ ܟܗܢܝܐ܂ ܟܿܦܬ ܠܒܘܪ̈ܟܐ ܘܦܫܛܬ ܠܐܝ̈ܕܝܐ ܠܘܬ ܡܪܝܐ܂ ܐܡܿܪ ܗܿܘܝܬ܂
17:80 ܡܪܝܐ ܒܿܗܼܝܬ ܐܢܼܐ܂ ܘܡܟܚܕ ܐܢܼܐ ܩܕܡ ܦܪܨܘܦܐ ܕܝܠܟ܂
27:80 ܚܛܗ̈ܐ ܓܝܪ ܕܝܠܢ ܣܓܼܝܘ ܡܢ ܣܥܪܐ ܕܪ̈ܝܫܐ ܕܝܠܢ܂ ܠܐ ܝܕܝܥ̈ܬܐ ܕܝܠܢ ܥܒܪ̈ܝܢ ܥܕܡܐ ܠܫܡܝܐ܂
37:80 ܬܘܒ ܡܢ ܙܒ̈ܢܐ ܕܐܒ̈ܗܐ ܕܝܠܢ܂ ܘܐܝܿܬܝܢ ܒܚܛܝܬܐ ܪܒܬܐ ܥܕܡܐ ܠܝܘܡܐ ܗܢܐ܂
47:80 ܘܡܛܠ ܚܛܗ̈ܐ ܕܝܠܢ ܘܕܐܒ̈ܗܝܢ ܐܬܬܫܠܡܢܢ ܥܡ ܐ̈ܚܝܢ ܘܥܡ ܡ̈ܠܟܐ ܕܝܠܢ ܘܥܡ ܟܗ̈ܢܐ ܕܝܠܢ ܠܡ̈ܠܟܐ ܕܝܠܢ܃ ܠܣܝܦܐ ܘܠܫܒܝܼܬܐ܂ ܘܠܒܙܬܐ ܥܡ ܒܗܬܬܐ܂ ܥܕܡܐ ܠܝܘܡܐ ܕܝܘܡܢܐ
57:80 ܘܗܫܐ ܢܘܚܼ܂ ܡܛܠ ܕܩܠܝܠ ܡܕܡ ܗܘܘ ܠܢ ܪ̈ܚܡܐ ܡܢܟ ܡܪܝܐ܂ ܠܡܫܬܒܩܘ ܠܢ ܥܩܪܐ܂ ܘܫܡܐ ܒܕܘܟܬܐ ܕܡܩܕܫܐ ܕܝܠܟ܂
67:80 ܠܡܬܓܠܝܘ ܢܗܝܪܐ ܕܝܠܟ܂ ܒܒܝܬܗ ܕܡܪܝܐ ܐܠܗܐ ܕܝܠܢ܂ ܠܡܬܠ ܬܘܪܣܝܐ ܒܙܒܼܿܢܐ ܕܥܒܼܕܘܬܐ ܕܝܠܢ܂ ܘܟܕ ܦܿܠܚܝܢ ܗܘܼܝܢ ܥܒܿܕܘܬܐܼ܂ ܠܐ ܐܫܬܒܩܢܢ ܡܢ ܡܪܝܐ܂
77:80 ܐܠܐ ܥܒܼܕ ܠܢ ܒܛܝܒܘܬܐ ܩܕܡ ܡ̈ܠܟܐ ܦܪ̈ܣܝܐ܂ ܠܡܬܠ ܠܢ ܬܘܪܣܝܐ
87:80 ܘܠܡܫܒܚܘ ܠܗܝܟܠܗ ܕܡܪܝܐ ܕܝܠܢ܂ ܘܠܡܩܡܘ ܠܨܗܝܘܢ ܚܪܒܬܐ܂ ܠܡܬܠ ܠܢ ܡܫܪܪܘܬܐ ܒܝܗܘܕ ܘܒܐܘܪܝܫܠܝܡ܂܀
97:80 ܘܗܫܐ ܡܢܐ ܢܿܐܡܪ ܡܪܝܐ ܟܕ ܐܝܬ ܠܢ ܗܠܝܢ܃ ܥܒܼܪܢܢ ܠܦܘܩ̈ܕܢܐ ܕܝܠܟܿ܂ ܗܠܝܢ ܕܝܗܒܬ ܒܐܝܼܕܐ ܕܥ̈ܒܼܕܐ ܕܝܠܟ ܢܒ̈ܝܐ ܟܕ ܐܡܪ ܐܢܬ܂
08:80 ܕܐܪܥܐ ܠܿܗܝ ܕܥܐܠܝܢ ܐܢܬܘܢ ܠܡܐܪܬܗܿ ܐܝܬܝܗܿ ܐܪܥܐ ܡܣܝܒܬܐ ܒܡܣܝܒܘܬܐ ܕܐܚܪ̈ܢܝܝ ܓܢܣܐ ܕܐܪܥܐ܂ ܘܡܢ ܛܡܘܐܬܐ ܕܝܠܗܘܢ ܡܠܐܘܗܿ ܛܡܘܐܬܐ܂
18:80 ܗܫܐ ܠܒ̈ܢܬܐ ܕܝܠܗܘܢ ܠܐ ܬܥܡܪܘܢ ܥܡ ܒܢܝ̈ܐ ܕܝܠܟܘܢ܂ ܘܠܒ̈ܢܬܐ ܕܝܠܟܘܢ ܠܐ ܬܬܠܘܢ ܠܒܢܝ̈ܐ ܕܝܠܗܘܢ܂
28:80 ܘܠܐ ܬܒܥܘܢ ܫܝܢܐ ܕܠܘܬܗܘܢ ܒܟܠܗ ܙܒܼܿܢܐ ܐܝܟܢܐ ܕܬܬܼܡܨܘܢ ܘܬܐܟܠܘܢ ܠܛܒ̈ܬܗܿ ܕܐܪܥܐ܂ ܘܬܘ‍{‍ܬܪ‍}‍‍<‍ܪܬ‍>‍ܘܢ ܠܒܢܝ̈ܐ ܕܝܠܟܘܢ ܥܕܡܐ ܠܥܠܡ܀
38:80 ܘܗܠܝܢ ܟܠܗܝ̈ܢ ܕܓܕܫ̈ܝܢ ܠܢ ܗܼ̈ܘܝܢ ܡܛܠ ܥܿܒ̈ܕܐ ܕܝܠܢ ܒܝܼܫ̈ܐ܂ ܘܚܛܗ̈ܐ ܕܝܠܢ ܒܝܼܫ̈ܐ ܘܚܛܗ̈ܐ ܗܠܝܢ ܪ̈ܘܪܒܐ܂ ܐܢܬ ܓܝܪ ܡܪܝܐ ܐܩܼܠܬ ܠܚܛܗ̈ܐ ܕܝܠܢ܂
48:80 ܘܝܗܒܼܬ ܠܢ܂ ܕܐܝܟ ܗܢܐ ܥܩܪܐ܂ ܬܘܒ ܟܕ ܗܦܟܢܢ ܠܡܥܼܒܪ ܢܡܘܣܐ ܕܝܠܟ܂ ܠܗܿܝ ܕܠܡܬܚܠܛܘ ܒܛܡܘܐܬܐ ܕܥܡ̈ܡܐ ܕܐܪܥܐܼ܂
58:80 ܠܐܼ ܪܓܼܙܬ ܥܠܝܢ܃ ܠܡܘܒܕܘ ܠܢܿ܂ ܥܕܡܐ ܕܠܐ ܢܫܬܼܒܩ ܥܩܪܐ ܘܙܪܥܐ ܘܫܡܐ ܕܝܠܢ
68:80 ܡܪܝܐ ܡܪܝܐ̈ ܐܠܗܐ ܕܐܝܣܪܐܝܠ܂ ܫܪܝܪܐ ܐܝܬܝܟ܂ ܐܫܬܼܒܩ ܠܢ ܥܩܪܐ ܒܝܘܡܢܐ܂
78:80 ܗܐ ܗܫܐ ܐܝܬܝܢ ܩܕܡܝܟ܂ ܒܠܐ ܢܡܘܣܝܘ̈ܬܐ ܕܝܠܢ܂ ܠܐ ܓܝܪ ܐܝܬ ܠܡܩܡ ܬܘܒ ܩܕܡܝܟ ܥܡ ܗܠܝܢ܀
88:80 ܘܟܕ ܡܨܠܐ ܥܙܪܐ ܘܡܘܕܐ ܗܘܐ ܟܕ ܒܿܟܐ ܘܢܦܝܼܠ ܥܠ ܐܪܥܐ ܩܕܡ ܗܝܟܠܐ܂ ܐܬܟܢܼܫܘ ܥܠܘܗܝ ܡܢ ܐܘܪܝܫܠܝܡ܂ ܥܡܐ ܣܓܝܐܐ ܣܓܝ܂ ܕܓܒܪ̈ܐ ܘܢܫ̈ܐ܂ ܘܥܠܝ̈ܡܐ ܘܛܠܝ̈ܐ܂ ܒܟܝܐ ܓܝܪ ܐܝܬ ܗܘܐ ܪܒܐ ܣܘܓܐܐ܂
98:80 ܘܟܕ ܐܙܥܩ ܝܘܟܢܝܐ ܕܥܿܐܠ ܡܢ ܒܢܝ̈ܐ ܕܐܝܣܪܐܝܠ ܐܡܼܪ܂ ܥܙܪܐ ܚܢܢ ܚܛܝܼܢܢ ܒܡܪܝܐ܂ ܘܐܥܡܪܢܢ ܢܫ̈ܐ ܐܚܪ̈ܢܝܬ ܓܢܣܐ ܡܢ ܥܡܐ ܕܐܪܥܐ ܥܡܢ ܘܗܫܐ ܐܝܬ ܗܘ ܣܒܪܐ ܠܐܝܣܪܐܝܠ
09:80 ܡܛܠ ܗܠܝܢ܂ ܒܗܕܐ ܬܗܼܘܐ ܠܢ ܡܘܡ̈ܬܐ ܠܘܬ ܡܪܝܐ܂ ܠܡܦܩܘ ܠܟܠܗ̈ܝܢ ܢܫ̈ܐ ܕܝܠܢ܃ ܗܠܝܢ ܕܡܢ ܐܚܪ̈ܢܝܝ ܓܢܣܐ ܥܡ ܒܢܝ̈ܐ ܕܝܠܗܝܢ܂ ܐܝܟ ܕܐܬܼܬܕܝܢܬܿ ܠܟ܀ ܘܟܠܗܘܢ ܗܿܢܘܢ ܕܡܬܬܦܝܣܝܢ ܠܢܡܘܣܗ ܕܡܪܝܐ܂
19:80 ܟܕ ܩܡܘ ܘܐܡܪܘ ܠܘܬ ܥܙܪܐ܂ ܩܘܡ ܫܡܠܐ܃ ܠܘܬܟ ܗܘ ܓܝܪ ܣܘܥܪܢܐ܂ ܘܚܢܢ ܥܡܟ܂ ܟܕ ܡܬܚܝܠ ܐܢܬܼ ܥܒܼܕ܂
29:80 ܘܟܕ ܩܼܡ ܥܙܪܐ܂ ܐܘܡܼܝ ܠܪ̈ܝܫܝ ܫܪ̈ܒܬܐ ܕܟܗ̈ܢܐ ܘܕܠܘ̈ܝܐ܂ ܠܟܠܗܘܢ ܒܢܝ̈ܐ ܕܐܝܣܪܐܝܠ܂ ܠܡܥܒܕ ܐܝܟ ܗܠܝܢ܂ ܘܐܝܡܼܝܘ܀