|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
50:60 ܘܚܕ ܡܢܗܘܢ ܟܕ ܪܡܐ ܩܪܝܬܐ܂ ܢܦܠ ܦܪܙܠܗ ܒܓܘ ܡ̈ܝܐ܂ ܘܐܝܠܠ ܘܐܡܪ܂ ܒܥܐ ܐܢܐ ܡܢܟ ܡܪܝ܂ ܡܫܐܠ ܫܐܝܠ ܠܥܒܕܟ܂
60:60 ܘܐܡܪ ܠܗ ܢܒܝܗ ܕܐܠܗܐ ܐܝܟܐ ܢܦܠ܂ ܘܚܘܝܗ ܐܬܪܐ܂ ܘܦܣܩ ܩܝܣܐ ܘܐܪܡܝ ܬܡܢ܂ ܘܛܦ ܦܪܙܠܐ܂
70:60 ܘܐܡܪ ܐܪܝܡ ܕܝܠܟ܂ ܘܐܘܫܛ ܐܝܕܗ ܘܢܣܒܗ܀܀
80:60 ܘܡܠܟܐ ܕܐܕܘܡ ܡܬܟܬܫ <ܗܘܐ#3#> ܥܡ ܐܝܣܪܝܠ܂ ܘܐܬܡܠܟ ܗܘ ܘܥܒ̈ܕܘܗܝ ܘܐܡܪ܂ ܒܐܬܪ ܦܠܢ ܟܡܢܘ ܘܐܬܛܫܘ܂
90:60 ܘܫܠܚ ܢܒܝܐ ܕܐܠܗܐ ܠܡܠܟܐ ܕܐܝܣܪܐܝܠ ܘܐܡܪ ܠܗ܂ ܐܙܕܗܪ ܠܐ ܬܥܒܪ ܐܬܪܐ ܗܢܐ܂ ܡܛܘܠ ܕܬܡܢ ܐ̈ܕܘܡܝܐ ܟܡܝܢܝܢ܂
01:60 ܘܫܕܪ ܡܠܟܐ ܕܐܝܣܪܝܠ ܠܐܬܪܐ ܕܐܡܪ ܠܗ ܢܒܝܗ ܕܐܠܗܐ܂ ܘܙܗܪܗ ܕܢܙܕܗܪ ܡܢ ܬܡܢ܂ ܠܐ ܚܕܐ ܘܠܐ ܬܪ̈ܬܝܢ܂
11:60 ܘܐܬܕܠܚ ܠܒܗ ܕܡܠܟܐ ܕܐܕܘܡ ܥܠ ܦܬܓܡܐ ܗܢܐ܂ ܘܩܪܐ ܠܥܒ̈ܕܘܗܝ ܘܐܡܪ ܠܗܘܢ܂ ܠܐ ܬܚܘܘܢܢܝ/ܬܚܙܘܢܢܝ#3#/ ܡܿܢ ܡܢ ܕܝܠܢ ܠܘܬ ܡܠܟܐ ܕܐܝܣܪܝܠ܂
21:60 ܘܥܢܐ ܚܕ ܡܢ ܥܒ̈ܕܘܗܝ ܘܐܡܪ܂ ܠܐ ܗܘܐ ܡܢ ܕܝܠܢ ܡܪܝ ܡܠܟܐ ܬܡܢ܂ ܐܠܐ ܐܠܝܫܥ ܗܘ ܢܒܝܐ ܕܐܝܣܪܝܠ/ܕܒܐܝܣܪܝܠ#3#/܂ ܡܚܘܐ ܠܡܠܟܐ ܕܐܝܣܪܝܠ ܡܕܡ ܕܥܒܕ ܐܢܬ ܒܩܝܛܘܢܐ ܕܡܫܟܒܟ܂
31:60 ܘܐܡܪ ܙܠܘ ܚܙܘ ܐܝܟܘ ܐܫܕܪ ܐܕܒܪܝܘܗܝ܂ ܘܚܘܝܘܗܝ ܘܐܡܪܘ ܠܗ܂ ܗܐ ܒܕܘܬܢ܂
41:60 ܘܫܕܪ ܠܬܡܢ ܪ̈ܟܫܐ ܘܪ̈ܟܒܐ ܘܚܝܠܐ ܥܫܝܢܐ܂ ܘܐܬܘ ܒܠܠܝܐ ܘܐܬܟܪܟܘܗ ܠܩܪܝܬܐ܂
51:60 ܘܩܕܡ/ܘܩܡ#3#/ ܡܫܡܫܢܐ ܕܢܒܝܗ ܕܐܠܗܐ ܠܡܦܩ܂ ܘܢܦܩ ܘܚܙܐ ܚܝܠܐ ܕܟܪܝܟ ܠܩܪܝܬܐ܂ ܘܪ̈ܟܫܐ ܘܪ̈ܟܒܐ܂ ܘܐܡܪ ܠܗ ܥܠܝܡܗ܂ ܐܘܗ ܡܪܝ ܐܝܟܢܐ ܢܥܒܪ/ܢܥܒܕ#3#/܂
61:60 ܘܐܡܪ ܠܗ ܠܐ ܬܕܚܠ܂ ܡܛܘܠ ܕܣܓ̈ܝܐܝܢ ܐܢܘܢ ܕܥܡܢ ܡܢ ܕܥܡܗܘܢ܂
71:60 ܘܨܠܝ ܐܠܝܫܥ ܩܕܡ ܡܪܝܐ ܘܐܡܪ܂ ܡܪܝܐ܂ ܦܬܚ ܥܝܢ̈ܘܗܝ ܕܛܠܝܐ ܘܢܚܙܐ܂ ܘܦܬܚ ܡܪܝܐ ܥ̈ܝܢܘܗܝ ܕܛܠܝܐ ܘܚܙܐ܂ ܘܗܐ ܛܘܪܐ ܡܠܐ ܪ̈ܟܫܐ ܘܪ̈ܟܒܐ ܕܢܘܪܐ ܚܕܪ̈ܘܗܝ ܕܐܠܝܫܥ܂
81:60 ܘܢܚܬ ܠܘܬܗܘܢ ܘܨܠܝ ܐܠܝܫܥ ܩܕܡ ܡܪܝܐ܂ ܘܐܡܪ܂ ܡܚܝ ܠܥܡܐ ܗܢܐ <ܟܠܗ#3#> ܒܫܪ̈ܓܪܓܝܬܐ܂ ܘܡܚܐ ܐܢܘܢ ܒܫܪ̈ܓܪܓܝܬܐ ܐܝܟ ܦܬܓܡܗ ܕܐܠܝܫܥ܂
91:60 ܘܐܡܪ ܠܗܘܢ ܐܠܝܫܥ܂ ܠܐ ܗܘܬ ܗܕܐ ܐܘܪܚܐ ܘܠܐ ܗܘܬ ܗܕܐ ܩܪܝܬܐ܂ ܬܘ ܒܬܪܝ/ܥܡܝ#3#/܂ ܘܐܘܒܠܟܘܢ ܠܘܬ ܓܒܪܐ ܕܒܥܝܢ ܐܢܬܘܢ܂ ܘܐܘܒܠ ܐܢܘܢ ܠܫܡܪܝܢ܂
02:60 ܘܟܕ ܥܠܘ ܠܫܡܪܝܢ܂ ܐܡܪ ܐܠܝܫܥ܂ ܡܪܝܐ ܦܬܚ ܥܝܢܝ̈ܗܘܢ ܕܗܠܝܢ ܘܢܚܙܘܢ܂ ܘܦܬܚ ܡܪܝܐ ܥܝ̈ܢܝܗܘܢ ܘܚܙܘ܂ ܘܗܐ/ܕܗܐ#3#/ ܒܓܘ ܫܡܪܝܢ ܐܢܘܢ܂
12:60 ܘܐܡܪ ܡܠܟܐ ܕܐܝܣܪܝܠ ܠܐܠܝܫܥ ܟܕ ܚܙܐ ܐܢܘܢ܂ ܡܡܚܐ ܐܡܚܐ ܐܢܘܢ ܐܒܝ܂
22:60 ܘܐܡܪ ܠܗ ܠܐ ܬܡܚܐ <ܐܢܘܢ#3#>܂ ܕܫܒܝܬ ܒܚܪܒܟ ܘܒܩܫܬܟ ܡܚܐ ܐܢܬ܂ ܣܝܡ ܠܚܡܐ ܘܡ̈ܝܐ ܩܕܡܝܗܘܢ܂ ܢܐܟܠܘܢ ܘܢܫܬܘܢ ܘܢܐܙܠܘܢ ܠܘܬ ܡܪܗܘܢ܂
32:60 ܘܬܩܢ ܠܗܘܢ ܫܪܘܬܐ ܪܒܬܐ܂ ܘܐܟܠܘ ܘܐܫܬܝܘ܂ ܘܐܙܠܘ ܠܘܬ ܡܪܗܘܢ܂ ܘܬܘܒ ܠܐ ܐܘܣܦܘ ܓܝܣ̈ܐ ܕܐܕܘܡ ܠܡܐܬܐ ܠܬܚܘܡܐ ܕܐܝܣܪܝܠ܀
42:60 ܘܡܢ ܒܬܪ ܗܝܕܝܢ/ܗܠܝܢ#3#/܂ ܟܢܫ ܒܪܗܕܕ ܡܠܟܐ ܕܐܕܘܡ ܟܠܗ ܡܫܪܝܬܗ܂ ܘܣܠܩ ܘܫܪܐ ܥܠ ܫܡܪܝܢ ܘܐܬܟܬܫ ܥܡܗ܂
52:60 ܘܗܘܐ ܟܦܢܐ ܪܒܐ ܒܫܡܪܝܢ܂ ܟܕ ܗܢܘܢ ܫܪܝܢ ܥܠܝܗ܂ ܥܕܡܐ ܕܐܙܕܒܢ ܪܝܫܐ ܕܚܡܪܐ ܒܬܡܢܐܝܢ/ܒܡܐܬܝܢ#3#/ ܕܟܣܦܐ܂ ܘܪܘܒܥܐ ܕܩܒܐ ܕܚܪ̈ܝ ܝܘܢܐ ܒܚܡܫܐ ܕܟܣܦܐ܂
62:60 ܘܡܠܟܐ ܕܐܝܣܪܝܠ ܥܒܪ ܗܘܐ ܥܠ ܫܘܪܐ܂ ܘܐܢܬܬܐ ܚܕܐ ܡܒܓܢܐ ܩܕܡܘܗܝ ܘܐܡܪܐ܂ ܦܪܘܩܝܢܝ ܡܪܝ ܡܠܟܐ܂
72:60 ܘܐܡܪ ܠܗ܂ ܢܦܪܩܟܝ ܡܪܝܐ܂ <ܐܢܐ#3#> ܡܢ ܐܝܡܟܐ ܐܦܪܩܟܝ܂ ܡܢ ܐܕܪܐ ܐܘ ܡܢ ܡܥܨܪܬܐ܂
82:60 ܐܡܪ ܠܗ ܡܠܟܐ ܡܐ ܠܟܝ܂ ܐܡܪܐ ܠܗ܂ ܐܢܬܬܐ ܗܕܐ ܐܡܪܬ ܠܝ ܗܒܝ/ܕܗܒܝ#3#/ <ܠܝ#2#> ܒܪܟܝ ܢܐܟܠܝܘܗܝ ܝܘܡܢܐ܂ ܘܒܪܝ ܢܐܟܘܠ ܡܚܪ܂
92:60 ܘܒܫܠܢ ܒܪܝ ܘܐܟܠܢܝܗܝ܂ ܘܐܡܪܬ ܠܗ ܠܝܘܡܢܐ/ܒܝܘܡܢܐ#3#/ ܐܚܪܢܐ܂ ܗܒܝ/ܕܗܒܝ#3#/ ܒܪܟܝ ܢܐܟܠܝܘܗܝ܂ ܘܐܛܫܝܬܗ ܠܒܪܗ܂
03:60 ܘܟܕ ܫܡܥ ܡܠܟܐ ܡ̈ܠܝܗ ܕܐܢܬܬܐ ܟܕ ܡܗܠܟ ܥܠ ܫܘܪܐ܂ ܨܪܝ ܠܒܘܫ̈ܘܗܝ܂ ܘܚܙܐ ܥܡܐ ܕܣܩܐ ܠܒܝܫ ܥܠ ܒܣܪܗ ܡܢ ܠܓܘ܂
13:60 ܘܐܡܪ܂ ܗܟܢܐ ܢܥܒܕ ܠܝ ܐܠܗܐ ܘܗܟܢܐ ܢܘܣܦ ܠܝ܂ ܐܢ ܢܦܘܫ ܪܝܫܗ ܕܐܠܝܫܥ ܒܪ ܫܦܛ ܥܠܘܗܝ ܝܘܡܢܐ܂
23:60 ܘܐܠܝܫܥ ܝܬܒ <ܗܘܐ#3#> ܒܒܝܬܗ܂ ܘܣܒ̈ܐ ܝܬܒܝܢ ܗܘܘ ܩܕܡܘܗܝ܂ ܘܫܕܪ ܓܒܪܐ ܡܢ ܩܕܡܘܗܝ܂ ܘܥܕܠܐ ܢܐܬܐ ܐܝܙܓܕܐ ܥܠܘܗܝ܂ ܐܡܪ ܗܘ ܠܣ̈ܒܐ܂ ܚܙܝܬܘܢ ܕܫܕܪ ܒܪ ܩܛܘܠܐ ܗܢܐ ܠܡܣܒ ܪܝܫܝ܂ ܚܙܘ ܡܐ ܕܐܬܐ ܐܝܙܓܕܐ܂ ܐܚܘܕܘ ܬܪܥܐ ܘܚܘܒܨܘܗܝ ܠܒܪ܂ ܡܛܠ ܕܩܠܐ ܕܪ̈ܓܠܝ ܡܪܗ ܒܬܪܗ܂
33:60 ܘܥܕ/ܘܟܕ#3#/ ܗܘ ܡܡܠܠ ܥܡܗܘܢ܂ ܐܬܐ ܐܝܙܓܕܐ ܥܠܘܗܝ܂ ܘܐܡܪ܂ ܗܐ ܗܕܐ ܗܝ ܒܝܫܬܐ ܡܢ ܩܕܡ ܡܪܝܐ܂ ܡܢܐ ܐܨܠܐ ܬܘܒ ܠܡܪܝܐ܂
