90:853.4 ‍[‍3‍]‍ ܘܟܕ ܥܒܪܢܢ ܡܪܕܐ ܝܘܡܐ ܚܕ ܘܩܡܢ ܒܕܘܟܬܐ ܕܪܘܝܚܐ

01:853.4 ܒܦܩܥܬܐ܂ ܗܝܕܝܢ ܐܦܩܬ ܠܢܫܪ̈ܐ ܡܢ ܓܠܘܣܩ̈ܡܐ܂ ܘܐܣܪܬ
11:853.4 ܒܪ̈ܓܠܝܗܘܢ ܛܘܢܒ̈ܐ ܘܐܪܟܒܬ ܥܠ ܚܨܝܗ̈ܘܢ ܛܠ̈ܝܐ܂ ܘܦܪܚܘ
21:853.4 ܒܐܐܪ ܥܕܡܐ ܕܠܐ ܡܬܚܙܝܢ ܗܘܘ܂
31:853.4 ‍[‍4‍]‍ ܗܝܕܝܢ ܫܪܝܘ ܩܥܝܢ ܛܠ̈ܝܐ ܥܠ ܚ̈ܨܝ ܢܫܪ̈ܐ ܒܐܐܪ܂ ܓܨܐ
41:853.4 ܘܟܠܫܐ ܘܟ̈ܐܦܐ ܡܢܥܘ ܠܢ܂ ܕܒܢ̈ܝܐ ܘܦܥ̈ܠܐ ܒܛܠܝܢ܂ ܘܒܥܝܢ
51:853.4 ܕܝܢ ܕܢܒܟܘܢ ܒܝܪܬܐ ܒܫܡܝܐ ܕܥܠܝ܂ ܗܝܕܝܢ ܢܓܕܢ ܐܢܘܢ ܘܢܚܬܘ܂
61:853.4 ‍[‍1‍]‍ ܘܟܕ ܫܡܥܘ ܐܬܘܪ̈ܝܐ ܗܕܐ ܚܕܝܘ ܚܕܘܬܐ ܪܒܬܐ܂
71:853.4 ‍[‍XXVII‍]‍ ܡܥܠܬܗ ܕܐܚܝܩܪ ܩܕܡ ܦܪܥܘܢ ܡܠܟܐ ܕܡܨܪܝܢ܂
81:853.4 ‍[‍1‍]‍ ܟܕ ܥܠܬ ܥܡ ܚܝܠ̈ܘܬܝ ܐܢܐ ܐܚܝܩܪ ܠܡܨܪܝܢ܂ ܐܙܠܘ
91:853.4 ܠܘܬ ܦܪܥܘܢ ܡܠܟܐ ܘܐܘܕܥܘܗܝ ܥܒܕ̈ܘܗܝ ܕܗܐ ܓܒܪܐ ܕܒܥܝܬ
02:853.4 ܡܢ ܡܠܟܐ ܕܐܬܘܪ ܡܢܥ܂ ܡܢܐ ܢܗܘܐ ܦܘܩܕܢܟ܂ ܘܦܩܕ
12:853.4 ܦܪܥܘܢ ܘܝܗܒ ܠܢ ܕܘܟܬܐ ܠܝ ܘܠܚܝܠ̈ܘܬܝ܂
22:853.4 ‍[‍2‍]‍ ܟܢ ܦܩܕ ܦܪܥܘܢ ܘܥܠܬ ܩܕܡܘܗܝ ܘܣܓܕܬ ܠܗ܂ ܗܝܕܝܢ
32:853.4 ܐܡܪ ܠܝ܂ ܡܢܘ ܫܡܟ܂ ܐܡܪܬ ܐܒܝܩܡ ܫܡܗ ܕܥܒܕܟ ܐܝܬܘܗܝ
42:853.4 ܫܘܫܡܢܐ ܡܢ ܫܘܫܡ̈ܢܝ ܣܪܚܕܘܡ ܡܠܟܐ ܕܐܬܘܪ ܘܢܝܢܘܐ܂
52:853.4 ‍[‍3‍]‍ ܘܟܕ ܫܡܥ ܦܪܥܘܢ ܪܓܙ ܥܠܝ ܘܐܡܪ܂ ܕܗܟܢ ܒܨܝܪ ܐܢܐ
62:853.4 ܠܘܬ ܡܪܟ ܕܫܘܫܡܢܐ ܢܫܕܪ ܠܝ ܕܢܓܝܒܢܝ܂
10:953.4 ‍[‍4‍]‍ ܗܫܐ ܙܠ ܐܘ ܐܒܝܩܡ ܠܬܘܢܟ ܘܡܚܪ ܗܦܘܟ ܠܘܬܝ܂
20:953.4 ܘܐܙܠܬ܂
30:953.4 ‍[‍5‍]‍ ܫܘ̈ܐܠܐ ܕܡܠܟܐ܂ ܐ܂ ܘܦܩܕ ܦܪܥܘܢ ܠܪ̈ܘܪܒܢܘܗܝ ܕܢܠܒܫܘܢ
40:953.4 ܡܚܪ ܠܒܘܫܐ ܕܒܘܨܐ ܣܘܡܩܐ ܘܢܐܙܠܘܢ ܠܘܬܗ܂ ܘܐܦ ܡܠܟܐ
50:953.4 ܠܒܫ ܐܪܓܘܢܐ ܣܘܡܩܐ ܘܝܬܒ ܥܠ ܟܘܪܣܝܗ܂ ܘܟܠܗܘܢ
60:953.4 ܥܒܕܘ̈ܗܝ ܘܪ̈ܘܪܒܢܘܗܝ ܚܕܪܘܗܝ܂
70:953.4 ‍[‍6‍]‍ ܟܢ ܦܩܕ ܘܐܥܠܘܢܝ ܠܘܬܗ ܘܐܡܪ ܠܝ܂ ܐܘ ܐܒܝܩܡ܂ ܠܡܿܢ
80:953.4 ܕܡܿܐ ܐܢܐ܂ ܘܚܝܠ̈ܘܬܝ ܠܡܢܘ ܕܡܿܝܢ܂ ܘܐܡܪܬ ܠܗ܂ ܕܝܢ
90:953.4 ܡܪܝ܃ ܕܡܿܐ ܐܢܬ ܠܒܝܠ ܨܠܡܐ܂ ܘܥܒܕ̈ܝܟ ܠܡܫܡܫ̈ܢܘܗܝ܂
01:953.4 ‍[‍7‍]‍ ܗܝܕܝܢ ܐܡܪ ܠܝ܂ ܙܠ ܐܘ ܐܒܝܩܡ ܗܫܐ܂ ܘܡܚܪ ܬܐ܂
11:953.4 ‍[‍8‍]‍ ܒ܂ ܘܦܩܕ ܡܠܟܐ ܠܪ̈ܘܪܒܢܘܗܝ ܕܢܠܒܫܘܢ ܠܒܘ̈ܫܐ ܚܘܪ̈ܐ
21:953.4 ܕܡܼܢ ܬܟܠܬܐ ܘܢܬܛܝܒܘܢ ܠܘܬܗ܂ ܘܐܦ ܡܠܟܐ ܠܒܫ ܘܝܬܒ
31:953.4 ܥܠ ܟܘܪܣܝܗ ܘܪ̈ܘܪܒܢܘܗܝ ܩܝܡܝܢ ܩܕܡܘܗܝ܂
41:953.4 ‍[‍9‍]‍ ܘܦܩܕ ܘܐܬܛܝܒܬ ܠܘܬܗ ܘܐܡܪ ܠܝ܃ ܐܘ ܐܒܝܩܡ ܠܡܢ
51:953.4 ܕܡܿܐ ܐܢܐ܂ ܘܪ̈ܘܪܒܢܘܗܝ ܠܡܢܘ ܕܡܿܝܢ܂ ܐܡܪܬ ܠܗ܂ ܐܢܬ ܠܫܡܫܐ
61:953.4 ܘܪ̈ܘܪܒܢܝܟ ܠܙܠܝܩ̈ܐ܂
71:953.4 ‍[‍10‍]‍ ܬܘܒ ܐܡܪ܂ ܙܠ ܠܬܘ̈ܢܝܟ ܘܡܚܪ ܗܦܘܟ ܠܘܬܝ܂
81:953.4 ‍[‍11‍]‍ ܓ܂ ܘܦܩܕ ܡܠܟܐ ܠܪ̈ܘܪܒܢܘܗܝ ܕܢܠܒܫܘܢ ܙܪܓܐ ܫܥܘܬܐ
91:953.4 ܕܙܚܘܪܝܬܐ܂ ܘܐܦ ܡܠܟܐ ܠܒܫ ܗܟܢܐ ܘܝܬܒ ܥܠ ܟܘܪܣܝܗ܂
02:953.4 ܘܦܩܕ ܘܐܬܛܝܒܬ ܠܘܬܗ܂
12:953.4 ‍[‍12‍]‍ ܘܐܡܪ ܠܝ܃ ܐܘ ܐܒܝܩܡ܂ ܠܡܿܢ ܕܡܿܐ ܐܢܐ ܗܫܐ ܘܪ̈ܘܪܒܢܝ
22:953.4 ܠܡܢܘ ܕܡܿܝܢ܂ ܐܡܪܬ ܠܗ ܐܢܬ ܠܣܗܪܐ ܘܪ̈ܘܪܒܢܝܟ ܠܟܘܟܒ̈ܐ܂
32:953.4 ‍[‍13‍]‍ ܐܡܪ ܠܝ܃ ܙܠ ܠܬܘܢܟ ܘܡܚܪ ܗܦܘܟ܂
42:953.4 ‍[‍14‍]‍ ܕ܂ ܘܦܩܕ ܕܝܢ ܠܪ̈ܘܪܒܢܘܗܝ ܕܢܠܒܫܘܢ ܠܒܘ̈ܫܐ ܕܙܢܝ̈ܢ
52:953.4 ܙܢܝ̈ܢ܂ ܘܘܐܠܝ̈ ܗܝܟܠܐ ܢܗܘܝܢ ܣܘܡ̈ܩܬܐ܂ ܘܡܠܟܐ ܠܒܫ ܦܪܦܝܪܐ
62:953.4 ܘܝܬܒ ܥܠ ܟܘܪܣܝܗ܂ ܘܦܩܕ ܘܐܬܛܝܒܬ ܠܘܬܗ܂
10:063.4 ‍[‍15‍]‍ ܘܐܡܪ ܠܝ܂ ܐܘ ܐܒܝܩܡ܂ ܠܡܢܘ ܕܡܿܐ ܐܢܐ ܘܪ̈ܘܪܒܢܝ
20:063.4 ܠܡܢܘ ܕܡܝܢ܂ ܐܡܪܬ ܠܗ ܓܝܪ ܕܡܿܐ ܐܢܬ ܠܐܝܪܚ ܢܝܣܢ܂
30:063.4 ܘܪ̈ܘܪܒܢܝܟ ܠܗܒܒ̈ܘܗܝ܂
40:063.4 ‍[‍16‍]‍ ܟܕ ܫܡܥ ܕܝܢ ܡܠܟܐ ܪܘܙ ܒܚܕܘܬܐ ܘܐܡܪ ܠܝ܂ ܐܘ
50:063.4 ܐܒܝܩܡ ܙܒܢܬܐ ܗܕܐ ܐܡܿܪ ܐܢܐ ܠܟ܂ ܐܢܗܘ ܕܡܣܬܟܠ ܐܢܬ
60:063.4 ܟܠܡܐ ܕܦܚܡܬܢܝ܂ ܡܪܟ ܡܠܟܐ ܣܪܚܕܘܡ ܠܡܢܘ ܕܡܿܐ܂
70:063.4 ܘܪ̈ܘܪܒܢܘܗܝ ܠܡܢܘ ܕܡܝܢ܂
80:063.4 ‍[‍XXVIII‍]‍ ‍[‍1‍]‍ ܗܝܕܝܢ ܐܡܪܬ ܠܗ܂ ܚܣ ܠܝ ܕܐܥܗܕ ܫܡܐ
90:063.4 ܕܡܪܝ ܡܠܟܐ܂ ܘܐܢܬ ܕܝܢ ܝܬܝܒ ܥܠ ܟܘܪܣܝܟ܂ ܒܪܡ ܥܠ
01:063.4 ܪ̈ܓܠܝܟ ܩܘܡ ܘܐܡܿܪ ܐܢܐ ܠܟ ܠܡܢܘ ܕܡܿܐ ܡܪܝ
11:063.4 ܡܠܟܐ ܕܐܬܘܪ܂ ܗܝܕܝܢ ܦܪܥܘܢ ܩܡ ܡܢ ܟܘܪܣܝܗ ܘܟܢ ܐܡܪܬ
21:063.4 ܠܗ܂ ܡܪܝ ܣܪܚܕܘܡ ܕܡܿܐ ܠܫܘܠܛܢܐ ܕܪܘܚܐ ܘܪ̈ܘܪܒܢܝܗ
31:063.4 ܠܒܪܩܐ܂ ܟܕ ܕܝܢ ܨܒܿܐ ܢܫܿܒܐ ܪܘܚܐ ܘܢܚܿܬ ܡܛܪܐ ܘܓܿܒܠ
41:063.4 ܛܝܢܐ܂ ܘܦܿܩܕ ܬܘܒ ܥܠ ܪ̈ܥܡܐ ܪܥܡܝܢ ܘܒܪ̈ܩܐ ܒܿܪܩܝܢ ܘܣܚܿܦ
51:063.4 ܠܒܝܠ ܨܠܡܐ܂ ܘܠܡܫܡܫ̈ܢܘܗܝ ܡܒܕܪ܂
61:063.4 ‍[‍2‍]‍ ܘܡܥܘܟ ܠܫܡܫܐ ܕܠܐ ܢܢܗܪ܂ ܘܙܠܝܩ̈ܘܗܝ ܕܠܐ ܢܬܚܙܘܢ܂
71:063.4 ܘܡܩܝܡ ܠܣܗܪܐ ܕܠܐ ܢܕܢܚ ܥܡ ܟܘܟܒ̈ܐ܂ ܘܦܿܩܕ ܠܦܢܝܬܐ
81:063.4 ܓܪܒܝܝܬܐ ܘܝܗܒ ܪ̈ܘܚܐ ܘܪ̈ܥܡܐ ܘܡܬܡܛܪ ܡܛܪܐ ܘܒܪܕܐ܂
91:063.4 ܘܡܬܚܒܛܝܢ ܘܢܬܪܝܢ ܦܩܚܘ̈ܗܝ ܘܗܒܒ̈ܘܗܝ ܟܠܗܘܢ ܕܢܝܣܢ
02:063.4 ܝܪܚܐ܂ ܗܝܕܝܢ ܟܕ ܫܡܥ ܦܪܥܘܢ ܡܠܟܐ ܗܠܝܢ ܬܘܗ ܬܘܗܬܐ
12:063.4 ܪܒܬܐ ܘܪܓܙ܂
22:063.4 ‍[‍XXIX‍]‍ ‍[‍1‍]‍ ܘܐܡܪ܃ ܐܡܪ ܠܝ ܒܫܪܪܐ ܡܢ ܫܡܟ ܐܘ ܓܒܪܐ܂
32:063.4 ‍[‍2‍]‍ ܗܝܕܝܢ ܐܡܪܬ ܐܢܐ ܐܢܐ ܐܚܝܩܪ ܣܦܪܐ܂
42:063.4 ‍[‍3‍]‍ ܟܢ ܐܡܼܪ ܠܝ ܡܠܟܐ܃ ܚܢܢ ܫܡܥܢܢ ܕܐܚܝܩܪ ܐܬܩܛܠ܂
52:063.4 ܐܝܟܢܐ ܗܝ ܗܕܐ ܬܘܒ ܐܡܪܬ ܛܝܒܘܬܐ ܠܐܠܗܐ ܡܪܚܡܢܐ ܕܦܨܝܢܝ܂
62:063.4 ܡܢ ܢܟܠܐ ܘܛܠܘܡܝܐ ܕܐܢܫܐ ܒܝܫ̈ܐ ܘܢܟܝ̈ܠܐ܂ ܟܕܒܘ ܓܝܪ ܥܠܝ
10:163.4 ܩܕܡ ܡܪܝ ܡܠܟܐ ܘܦܩܕ ܒܩܛܠܝ܂ ܘܡܪܝ ܦܨܝܢܝ ܡܢ ܩܛܠܐ܂
20:163.4 ܘܛܘܒܘܗܝ ܠܡܿܢ ܕܢܬܬܟܠ ܥܠܘܗܝ܂
30:163.4 ‍[‍1‍]‍ ܘܥܢܐ ܗܟܝܠ ܡܠܟܐ ܦܪܥܘܢ ܘܐܡܪ ܠܝ܂ ܙܠ ܐܘ ܐܚܝܩܪ
40:163.4 ܠܬܘܢܟ܂ ܘܡܚܪ ܗܦܘܟ ܠܘܬܝ ܘܐܡܪ ܠܝ ܡܠܬܐ ܕܠܐ ܫܡܥܬܗܿ܂
50:163.4 ܘܠܐ ܣܟ ܐܫܬܡܥܬ ܡܼܢ ܪ̈ܘܪܒܢܝ ܡܨܪ̈ܝܐ܂
60:163.4 ‍[‍XXX‍]‍ ‍[‍1‍]‍ ܘܐܙܠܬ ܠܝ ܠܬܘܢܝ ܘܐܬܪܥܝܬ ܒܢܦܫܝ ܕܐܝܕܐ
70:163.4 ܡܠܬܐ ܠܐ ܫܡܥܘܗܿ ܠܓܡܪ܂ ܗܝܕܝܢ ܢܣܒܬ ܐܢܐ ܐܚܝܩܪ ܐܓܪܬܐ
80:163.4 ܘܟܬܒܬ ܗܟܢ܂
90:163.4 ‍[‍2‍]‍ ܡܢ ܦܪܥܘܢ ܡܠܟܐ ܕܡܨܪܝܢ ܠܣܪܚܕܘܡ ܡܠܟܐ
01:163.4 ܕܐܬܘܪ ܘܢܝܢܘܐ ܫܠܡܐ܂ ܕܥ ܐܘ ܐܚܝ ܚܒܝܒܐ ܕܣܢܩܝܢ ܐܚ̈ܐ
11:163.4 ܠܐܚ̈ܐ ܘܡܠ̈ܟܐ ܠܡܠ̈ܟܐ܂ ܘܗܐ ܗܟܝܠ ܒܗܢܐ ܙܒܢܐ ܚܣܝܪ
21:163.4 ܢܦܩ̈ܬܐ ܐܢܐ܂ ܘܓܙ̈ܝ ܘܣܝ̈ܡܬܝ ܓܡܪܘ܂ ܒܿܥܢܐ ܡܢ ܐܚܘܬܟ
31:163.4 ܕܬܘܙܦ ܠܝ ܬܫܥܡܐܐ ܟܟܪ̈ܐ ܕܗܒܐ܂ ܘܒܬܪ ܩܠܝܠ ܦܪܥܢܐ ܠܟ
41:163.4 ܕܗܒܐ ܕܠܐ ܬܘܚܪܬܐ܀
51:163.4 ‍[‍3‍]‍ ܘܟܪܟܬ ܐܓܪܬܐ ܘܐܙܠܬ ܠܘܬ ܦܪܥܘܢ ܡܠܟܐ܂ ܟܢ ܐܡܼܪ
61:163.4 ܠܝ܂ ܐܘ ܐܚܝܩܪ ܐܝܬܝܬ ܠܝ ܦܘܢܝ ܡܠܬܐ ܕܐܡܪܬܟ܂ ܗܝܕܝܢ
71:163.4 ܐܡܪܬ ܐܝܢ ܡܪܝ܂ ܘܐܦܩܬ ܠܐܓܪܬܐ ܘܐܫܠܡܬܗܿ ܒܐܝܕ̈ܘܗܝ܂
81:163.4 ‍[‍4‍]‍ ܘܟܕ ܕܝܢ ܩܪܗܿ ܩܕܡ ܪ̈ܘܪܒܢܘܗܝ ܬܡܗܘ ܘܐܬܕܡܪܘ܂ ܘܐܡܪܘ
91:163.4 ܕܫܪܝܪܐܝܬ ܠܐ ܣܟ ܐܫܬܡܥܬ ܕܐܝܟ ܗܕܐ ܡܠܬܐ ܒܡܨܪܝܢ܂
02:163.4 ‍[‍5‍]‍ ܗܝܕܝܢ ܐܡܪܬ ܠܗܘܢ ܕܚܝܒܐ ܡܕܝܢ ܡܨܪܝܢ ܚܘܒܬܐ ܗܕܐ
12:163.4 ܕܬܦܪܘܥ ܠܐܬܘܪ ܘܢܝܢܘܐ܂ ܟܢ ܩܒܠܘ ܥܠܝܗܘܢ ܡܨܪ̈ܝܐ ܕܢܬܠܘܢ
22:163.4 ܚܘܒܬܐ ܥܗܝܕܬܐ܂
32:163.4 ‍[‍6‍]‍ ܬܘܒ ܕܝܢ ܐܡܪ ܠܝ ܦܪܥܘܢ ܡܠܟܐ܂ ܐܘ ܐܚܝܩܪ
42:163.4 ܒܿܥܐ ܐܢܐ ܡܢܟ ܕܬܒܢܐ ܠܝ ܒܝܪܬܐ ܒܝܬ ܫܡܝܐ ܠܐܪܥܐ܂ ܘܢܗܘܐ
52:163.4 ܪܘܡܗܿ ܬܪܝܢ ܐܠܦܝܢ ܐܡܝ̈ܢ ܒܫܘܝܘܬܐ܂
62:163.4 ‍[‍7‍]‍ ܘܥܢܬ ܘܐܡܪܬ܂ ܒܿܢܐ ܐܢܐ ܠܟ ܡܪܝ ܒܝܪܬܐ ܐܟܡܐ ܕܒܥܝܬ
10:263.4 ܒܪܡ ܟܐܦ̈ܐ ܘܓܨܐ ܘܟܠܫܐ ܡܢܟ ܢܗܘܘܢ ܘܒܢ̈ܝܐ ܘܐܘܡ̈ܢܐ ܡܢܝ܂
20:263.4 ܘܥܢܐ ܦܪܥܘܢ ܘܐܡܪ܃ ܕܗܟܢܐ ܢܗܘܐ܂ ܘܒܗܿ ܒܫܥܬܐ ܐܦܩܬ ܢܫܪ̈ܐ
30:263.4 ܡܢ ܓܠܘܣܩ̈ܡܐ ܘܐܪܟܒܬ ܠܛܠ̈ܝܐ ܥܠ ܚܨܝ̈ܗܘܢ܂ ܘܐܣܪܬ
40:263.4 ܛܘܢܒ̈ܐ ܒܪ̈ܓܠܝܗܘܢ܂ ܘܦܪܚܘ ܢܫܪ̈ܐ ܘܛܠ̈ܝܐ ܟܕ ܩܥܝܢ ܘܐܡܪܝܢ܂
50:263.4 ܓܨܐ ܘܟܠܫܐ ܘܟܐܦ̈ܐ ܡܢܥܘ ܠܢ ܕܐܘܡܢ̈ܝ ܡܠܟܐ ܦܪܥܘܢ
60:263.4 ܘܦܥ̈ܠܐ ܩܿܝܡܝܢ ܘܒܛܝܠܝܢ܂ ܘܨܒܝܢ ܕܢܒܢܘܢ ܒܝܪܬܐ ܠܡܠܟܐ
70:263.4 ܦܪܥܘܢ ܒܝܬ ܫܡܝܐ ܠܐܪܥܐ܂ ܬܘܒ ܩܥܝܢ ܗܘܘ ܘܐܡܿܪܝܢ ܕܡܙܘܓܘ
80:263.4 ܘܗܒܘ ܠܢ ܚܡܪܐ ܕܢܫܬܐ ܐܘ ܡܨܪ̈ܝܐ܂
90:263.4 ‍[‍8‍]‍ ܟܕ ܕܝܢ ܐܬܒܩܝܘ ܦܪܥܘܢ ܘܪ̈ܘܪܒܢܘܗܝ ܬܗܪܘ ܣܓܝ܂
01:263.4 ܘܢܣܒ ܐܚܝܩܪ ܫܒܛܐ ܘܡܚܐ ܠܪ̈ܘܪܒܢܝ ܦܪܥܘܢ ܐܝܟܢܐ ܕܢܬܠܘܢ
11:263.4 ܟܐܦ̈ܐ ܘܓܨܐ ܘܟܠܫܐ ܠܒܢ̈ܝܐ܂ ܟܕ ܥܩܬ ܠܗܘܢ ܡܢ ܡܚܘ̈ܬܐ
21:263.4 ܥܪܩܘ ܠܗܘܢ ܠܒܬܝܗ̈ܘܢ܂
31:263.4 ‍[‍9‍]‍ ܗܝܕܝܢ ܐܡܪ ܦܪܥܘܢ ܐܘ ܐܚܝܩܪ ܠܡܐ ܕܝܘܢܐ ܐܢܬ܂
41:263.4 ܡܢܘ ܡܨܐ ܢܡܢܥ ܗܿܘ ܡܕܡ ܕܐܡܿܪܝܢ ܒܗܿܘ ܪܘܡܐ
51:263.4 ܕܫܡܝܐ܂
61:263.4 ‍[‍10‍]‍ ܟܢ ܐܡܪܬ ܠܗ܂ ܐܠܘ ܡܪܝ ܣܪܚܕܘܡ ܗܪܟܐ ܢܬܚܙܐ ܗܘܐ܂
71:263.4 ܬܪ̈ܬܝܢ ܒܝܪ̈ܢ ܒܚܕ ܝܘܡܐ ܒܿܢܐ ܗܘܐ܂
81:263.4 ‍[‍11‍]‍ ܟܢ ܐܡܪ ܠܝ ܦܪܥܘܢ ܦܘܫ ܗܫܐ ܡܢ ܒܢܝܢܐ ܘܙܠ
91:263.4 ܠܬܘܢܟ܂ ܘܡܚܪ ܬܐ ܠܘܬܝ ܒܥܓܠ܂
02:263.4 ‍[‍12‍]‍ ܐܙܠܬ ܐܝܟ ܕܦܩܕܢܝ ܘܟܢ ܗܦܟܬ ܠܘܬܗ ܘܐܡܪ ܠܝ܂
12:263.4 ܐܘ ܐܚܝܩܪ܂ ܐܝܟܢ ܗܼܘ ܫܪܒܐ ܕܣܘܣܝܐ ܕܡܪܟ ܣܪܚܕܘܡ܂ ܬܡܢ
22:263.4 ܨܗܠ ܒܐܬܘܪ ܘܫܡܥܢ ܣܘܣ̈ܝܬܢ ܩܠܗ ܘܡܪ̈ܡܢ ܗܪܟܐ܂
32:263.4 ‍[‍13‍]‍ ܗܝܕܝܢ ܢܦܩܬ ܠܒܪ ܘܐܚܕܬ ܠܝ ܫܘܢܪܐ ܚܕ ܡܢ
42:263.4 ܓܢܬܐ ܘܡܢܓܕ ܗܘܝܬ ܩܕܡ ܦܪܥܘܢ ܠܫܘܢܪܐ ܗܿܘ ܥܕܡܐ ܕܐܙܥܩ
52:263.4 ܘܒܓܢ܂
10:363.4 ‍[‍15‍]‍ ܘܩܪܢܝ ܦܪܥܘܢ ܡܠܟܐ ܘܐܡܪ ܠܝ܂ ܥܠܡܢܐ ܡܢܓܕ
20:363.4 ܐܢܬ ܠܫܘܢܪܐ ܗܢܐ܂
30:363.4 ‍[‍16‍]‍ ܗܝܕܝܢ ܐܡܪܬ ܠܦܪܥܘܢ ܡܠܟܐ܂ ܐܚܣܪܢܝ ܫܘܢܪܐ ܛܒ
40:363.4 ܣܓܝ ܐܘ ܡܪܝ܂ ܒܗܿܝ ܕܐܝܬ ܗܘܐ ܠܝ ܬܪܢܓܠܐ ܚܕ ܬܡܝܗ ܩܠܐ
50:363.4 ܘܡܘܕܥ ܗܘܐ ܠܝ ܥܠ ܫܥ̈ܝ ܠܠܝܐ܂ ܘܡܪܝ ܣܪܚܕܘܡ ܝܗܒܗ
60:363.4 ܗܘܐ ܠܝ ܡܘܗܒܬܐ܂
70:363.4 ‍[‍17‍]‍ ܘܒܠܠܝܐ ܗܢܐ ܐܙܠ ܫܘܢܪܐ ܠܐܬܘܪ ܘܐܟܠܗ ܠܬܪܢܓܠܐ ܕܝܠܝ܂
80:363.4 ‍[‍18‍]‍ ܗܝܕܝܢ ܦܪܥܘܢ ܐܡܼܪ ܠܝ܂ ܐܘ ܐܚܝܩܪ ܚܙܿܐ ܐܢܐ ܒܟ
90:363.4 ܐܬܐ ܕܕܝܘܢܘܬܐ ܗܫܐ܂ ܐܝܟܢܐ ܡܨܝܐ ܕܫܘܢܪܐ ܢܐܙܠ ܡܢ ܡܨܪܝܢ
01:363.4 ܠܐܬܘܪ ܒܠܠܝܐ ܚܕ܂ ܒܗܝ ܕܐܝܬ ܒܝܢܬܗܘܢ ܝܬܝܪ ܡܼܢ ܬܠܬܡܐܐ
11:363.4 ܘܫܬܝܢ ܦܪ̈ܣܚܐ ܘܕܢܐܟܘܠ ܬܪܢܓܠܐ ܕܝܠܟ ܘܬܘܒ ܢܐܬܐ
21:363.4 ܠܗܪܟܐ܂
31:363.4 ‍[‍19‍]‍ ܗܝܕܝܢ ܐܡܪܬ ܐܘ ܡܪܝ ܡܠܟܐ ܦܪܥܘܢ܂ ܘܐܝܟܢܐ ܨܗܠ
41:363.4 ܣܘܣܝܐ ܕܡܪܝ ܬܡܢ ܘܡܪ̈ܡܝܢ ܣܘ̈ܣܝܬܟܘܢ ܗܪܟܐ܂
51:363.4 ‍[‍20‍]‍ ܟܢ ܐܡܼܪ ܡܠܟܐ ܛܒ ܫܦܝܪ ܦܘܢܝܟ܂ ܒܪܡ ܦܫܩ ܠܝ
61:363.4 ܡܬܠܐ ܗܢܐ܂ ܒܢܝܐ ܚܕ ܒܢܐ ܥܡܘܕܐ ܡܕܡ܂ ܘܒܢܝܗܝ ܡܢ
71:363.4 ܬܡܢܝܐ ܐܠܦܝܢ ܘܫܒܥܡܐܐ ܘܫܬܝܢ ܘܬܠܬܐ ܠܒ̈ܢܝܢ܂ ܘܛܠܠܗ
81:363.4 ܓܝܪ ܒܬܠܬܡܐܐ ܘܫܬܝܢ ܘܚܡܫܐ ܟܐܦ̈ܝܢ܂ ܘܢܨܒ ܕܝܢ ܠܥܠ
91:363.4 ܡܢܗ ܬܪܥܣܪ ܐܝ̈ܠܢܝ ܐܪ̈ܙܐ܂ ܘܬܩܢ ܒܟܠ ܐܪܙܐ ܬܠܬܝܢ
02:363.4 ܫܒܘܩܝܢ܂ ܘܒܟܠ ܫܒܘܩܐ ܬܪܝܢ ܣܓܘ̈ܠܐ ܘܬܡܪ̈ܐ ܚܕ ܚܘܪܐ
12:363.4 ܘܐܚܪܢܐ ܐܘܟܡܐ܂
22:363.4 ‍[‍21‍]‍ ܗܝܕܝܢ ܠܦܪܥܘܢ ܡܠܟܐ ܐܡܪܬ܂ ܪ̈ܥܝܝ ܒܩܪ̈ܐ ܕܐܬܘܪ
32:363.4 ܘܢܝܢܘܐ ܝܕܥܝܢ ܠܗ܂ ܒܢܝܐ ܗܟܝܠ ܐܠܗܐ ܗܘ ܕܒܪܐ ܠܫܢܬܐ
42:363.4 ܕܗܝ ܗܝ ܥܡܘܕܐ܂ ܘܣܡ ܫ̈ܥܝ ܫܢܬܐ ܬܡܢܝܐ ܐܠܦܝܢ
52:363.4 ܘܫܒܥܡܐܐ ܘܫܬܝܢ ܘܬܠܬ ܫ̈ܥܝܢ܂ ܘܬܩܢ ܝܘ̈ܡܝ ܫܢܬܐ ܬܠܬܡܐܐ
62:363.4 ܘܫܬܝܢ ܘܚܡܫܐ ܝܘ̈ܡܝܢ܂ ܘܬܪܥܣܪ ܐܪ̈ܙܝܢ ܬܪܥܣܪ ܝܪ̈ܚܝ
10:463.4 ܫܢܬܐ܂ ܘܟܠ ܐܪܙܐ ܬܠܬܝܢ ܫܒܘܩܝ̈ܢ܂ ܟܐܡܬ ܬܠܬܝܢ ܝܘ̈ܡܝܢ܂
20:463.4 ܘܟܠ ܫܒܘܩܐ ܐܝܬ ܒܗ ܬܪܝܢ ܣܓܘ̈ܠܝܢ܂ ܚܕ ܚܘܪܐ ܘܐܚܪܢܐ
30:463.4 ܐܘܟܡܐ ܗܢܘܢ ܐܝܡܡܐ ܘܠܠܝܐ܂
40:463.4 ‍[‍22‍]‍ ܬܘܒ ܕܝܢ ܐܡܼܪ ܦܪܥܘܢ܂ ܐܘ ܐܚܝܩܪ ܟܪܘܟ ܠܝ ܬܪܝܢ
50:463.4 ܚܒ̈ܠܝܢ ܡܢ ܚܠܐ ܕܝܡܐ܂
60:463.4 ‍[‍23‍]‍ ܐܡܪܬ ܠܗ ܓܝܪ ܐܘ ܡܪܝ ܦܩܘܕ ܕܢܦܩܘܢ ܠܝ ܡܢ
70:463.4 ܒܝܬ ܩܦ̈ܣܐ ܚܒܠܐ ܚܕ ܕܐܥܒܕ ܐܟܘܬܗ܂
80:463.4 ‍[‍24‍]‍ ܐܡܪ ܠܝ ܡܠܟܐ ܐܘ ܐܚܝܩܪ ܐܢ ܚܒܠܐ ܠܐ ܥܿܒܕ ܐܢܬ
90:463.4 ܫܩܠܐ ܕܡܨܪܝܢ ܠܐ ܝܗܿܒ ܐܢܐ ܠܟ܂
01:463.4 ‍[‍26‍]‍ ܗܝܕܝܢ ܐܙܠܬ ܠܒܣܬܪܗ ܕܒܝܬܐ ܘܢܩܒܬ ܒܐܣܬܐ
11:463.4 ܬܪܝܢ ܢܩ̈ܒܝܢ܂ ܘܥܠܬ ܫܡܫܐ ܒܢܩ̈ܒܐ܂ ܘܒܕܪܬ ܡܼܢ ܚܠܐ ܕܝܡܐ
21:463.4 ܒܢܩܒ̈ܐ ܘܫܪܝ ܟܪܟ ܐܝܟ ܚܒܠܐ܂
31:463.4 ‍[‍27‍]‍ ܐܡܪܬ ܠܡܠܟܐ܂ ܦܩܕ ܠܥܒ̈ܕܝܟ ܕܢܣܒܘܢ ܚܒ̈ܠܐ܂
41:463.4 ‍[‍29‍]‍ ܘܟܢ ܐܡܪ ܦܪܥܘܢ ܡܠܟܐ ܐܘ ܐܚܝܩܪ ܗܐ ܐܝܬ ܠܢ ܟܐܦܐ
51:463.4 ܚܕܐ ܕܪ‍{‍ܝܚ‍}‍‍<‍ܚܝ‍>‍ܐ ܗܐ ܕܣܓܝ ܬܡܝܗ ܣܘܥܪܢܗܿ܂ ܘܓܝ̈ܕܐ ܡܢܗܝܢ ܬܒܝܪ̈ܐ
61:463.4 ܨܒܿܐ ܐܢܐ ܕܬܚܘܛܝܗܿ ܠܢ܂ ܘܣܡܘܗܿ ܩܕܡܝ ܥܒ̈ܕܝ ܦܪܥܘܢ܂
71:463.4 ‍[‍30‍]‍ ܗܝܕܝܢ ܚܙܝܬ ܟܐܦܐ ܐܚܪܬܐ ܕܙܥܘܪ ܡܢܗܿ ܘܬܒܝܪܐ܂
81:463.4 ܘܫܩܠܬܗܿ ܘܣܡܬܗܿ ܩܕܡ ܦܪܥܘܢ ܘܐܡܪܬ ܠܗ܂ ܬܗܘܐ ܝܿܕܥ ܐܘ
91:463.4 ܡܪܝ ܕܓܒܪܐ ܐܢܐ ܗܪܟܐ ܢܘܟܪܝܐ ܗܫܐ܂ ܘܠܐ ܐܝܬܝܬ ܥܡܝ ܐܘܪ̈ܓܢܐ
02:463.4 ܕܐܫܟ̈ܦܐ܂ ܦܩܘܕ ܠܪ̈ܚܡܝܟ ܐܫܟܦ̈ܐ ܕܒܡܕܝܢܬܟ ܘܢܩܕܘܢ ܠܢ
12:463.4 ܡܢ ܟܐܦܐ ܗܕܐ ܩܕܐ ܕܐܚܘܛܝܗܿ ܠܟܘܢ ܒܥܓܠ܂
22:463.4 ‍[‍31‍]‍ ܗܝܕܝܢ ܦܪܥܘܢ ܘܪ̈ܘܪܒܢܘܗܝ ܐܬܕܡܪ ܒܐܚܝܩܪ ܚܟܝܡܐ
32:463.4 ܘܫܒܚܘܗܝ ܘܐܡܪܘ܂ ܒܪܝܟܘ ܡܪܝܐ ܕܝܗܒ ܠܟ ܗܟܢ ܚܟܡܬܐ
42:463.4 ܘܝܕܥܬܐ ܐܘ ܐܚܝܩܪ܂
52:463.4 ‍[‍XXXI‍]‍ ܡܦܩܬܗ ܕܐܚܝܩܪ ܡܢ ܡܨܪܝܢ ܘܗܦܘܟܝܗ
62:463.4 ܕܠܘܬ ܣܪܚܕܘܡ ܡܠܟܐ ܕܐܬܘܪ ܘܢܝܢܘܐ܂
10:563.4 ‍[‍1‍]‍ ܟܕ ܚܙܐ ܕܝܢ ܦܪܥܘܢ ܘܪܘܪ̈ܒܢܘܗܝ ܕܐܙܕܟܝܘ ܡܢ ܐܚܝܩܪ
20:563.4 ܣܦܪܐ܂ ܘܦܫܩ ܘܫܪܐ ܠܟܠܗܘܢ ܡܬܠܝ̈ܗܘܢ ܘܣܥܝܝ̈ܗܢ܂ ܘܠܐ ܦܫܘ
30:563.4 ܠܗܘܢ ܥܠܘܗܝ ܥܠܬܐ ܡܕܡ܂
40:563.4 ‍[‍2‍]‍ ܗܝܕܝܢ ܦܪܥܘܢ ܐܓܙܪ ܠܗ ܩܢܝܢܐ ܘܡܕܐܬܐ ܕܬܠܬ ܫ̈ܢܝܢ
50:563.4 ܕܟܠܗܿ ܐܪܥܐ ܕܡܨܪܝܢ܂ ܘܐܣܪܚ ܠܗ ܐܦ ܬܫܥܡܐܐ ܟܟܪ̈ܝܢ ܕܗܒܐ
60:563.4 ܕܐܓܪܬܐ ܗܿܝ ܕܟܬܒ ܗܘܐ܂
70:563.4 ‍[‍3‍]‍ ܘܫܪܬܚ ܠܟܠܗܘܢ ܥܒ̈ܕܝ ܘܚܝܠ̈ܘܬܝ ܡܘܗܒ̈ܬܐ ܕܠܐ ܡܢܝܢ܂
80:563.4 ܟܢ ܐܦܣ ܠܐܚܝܩܪ ܕܢܗܦܘܟ ܒܚܝܠ̈ܘܬܐ ܕܥܡܗ ܠܐܬܘܪ ܘܢܫܩܬ
90:563.4 ܒܘܪ̈ܟܝ ܡܠܟܐ ܦܪܥܘܢ ܘܗܦܟܬ ܠܐܬܘܪ ܒܚܕܘܬܐ ܪܒܬܐ܂
01:563.4 ‍[‍XXXII‍]‍ ‍[‍1‍]‍ ܘܥܠܬ ܠܘܬ ܡܠܟܐ ܣܪܚܕܘܡ ܒܐܝܩܪܐ ܘܪܝܡ
11:563.4 ܪܝܫܐ ܘܚܕܝ ܚܕܘܬܐ ܪܒܬܐ ܒܚܙܬܝ܂ ܘܐܘܬܒܢܝ ܡܼܢ ܝܡܝܢܗ
21:563.4 ܘܐܡܪ ܠܝ܃ ܐܘ ܐܚܝܩܪ ܣܦܪܐ ܕܝܠܝ ܒܥܝ ܡܢܝ ܟܠܡܐ
31:563.4 ܕܨܒܿܐ ܐܢܬ ܘܡܬܪܓܪܓ ܐܢܬ܂
41:563.4 ‍[‍4‍]‍ ܗܝܕܝܢ ܐܡܪܬ ܠܗ܂ ܡܪܝ ܡܠܟܐ ܠܥܠܡ ܚܝ܂ ܟܠܡܕܡ
51:563.4 ܕܬܬܠ ܠܝ ܢܗܘܐ ܠܝܒܘܣܡܝܟ ܐܣܦܘܩܠܛܪܐ܂ ܡܛܠ
61:563.4 ܕܒܡܨܥܝܘܬ ܚܟܡܬܗ ܚܝܿܐ ܐܢܐ ܗܠܝܢ ܚܝ̈ܐ܂ ܐܘ ܡܪܝ ܡܠܟܐ
71:563.4 ܣܪܚܕܘܡ܂
81:563.4 ‍[‍7‍]‍ ܟܢ ܫܪܝ ܡܠܟܐ ܕܐܬܘܪ ܡܫܐܠ ܠܝ ܥܠ ܟܠܡܐ ܕܥܒܕܬ
91:563.4 ܩܕܡ ܦܪܥܘܢ ܡܠܟܐ ܕܡܨܪܝܢ܂ ܘܐܫܬܥܝܬ ܠܗ ܥܠ ܚܕܐ ܚܕܐ
02:563.4 ܡܢܗܝܢ ܘܗܘ ܫܡܿܥ ܘܡܬܕܡܪ܂
12:563.4 ‍[‍8‍]‍ ܬܘܒ ܐܫܠܡܬ ܠܗ ܟܠܡܐ ܕܝܗܒ ܗܘܐ ܠܝ ܦܪܥܘܢ ܡܠܟܐ
22:563.4 ܕܡܨܪܝܢ܂ ܘܣܓܕܬ ܒܬܪܟܢ ܠܡܠܟܐ ܣܪܚܕܘܡ ܘܐܡܪܬ܂
32:563.4 ‍[‍9‍]‍ ܫܠܡܟ ܘܚܘܠܡܢܟ ܒܥܐ ܐܢܐ ܕܡܪܝܐ ܢܬܠ ܠܟ
42:563.4 ܒܐܡܝܢܘ܂ ܘܡܕܡ ܡܢ ܩܢܝܢܐ ܕܡܪܝ ܠܐ ܪܓܐ ܐܢܐ܂ ܐܠܐ ܗܒܠܝ
52:563.4 ܠܢܕܢ ܒܪܝ ܕܐܫܬܠܛ ܥܠܘܗܝ ܒܦܘܩܕܢܟ ܘܒܡܠܬܟ܂
62:563.4 ‍[‍10‍]‍ ܗܝܕܝܢ ܦܩܕ ܡܠܟܐ ܣܪܚܕܘܡ ܘܐܫܠܡܘܗܝ ܠܝ ܠܢܕܢ
10:663.4 ܒܪ ܚܬܝ ܐܣܝܪ ܒܣܘܛܡ̈ܐ ܘܐܘܒܠܬܗ ܠܒܝܬܐ܂ ܘܫܪܝܬ
20:663.4 ܠܡܢܓܕܘܬܗ ܩܫܝܐܝܬ܂ ܘܡܚܬܗ ܕܝܢ ܐܠܦ ܫܒ̈ܛܝܢ ܥܠ
30:663.4 ܚܨܗ܂ ܘܐܠܦ ܥܠ ܟܬܦܬܗ܂ ܘܐܠܦ ܥܠ ܟܪܣܗ ܘܐܠܦ ܥܠ
40:663.4 ܛܚܘܪܗ ܘܐܠܦ ܥܠ ܪ̈ܓܠܘܗܝ܂ ܘܟܠܝܘܡ ܡܿܚܐ ܗܘܝܬ ܠܗ܂
50:663.4 ܘܟܕ ܒܿܥܐ ܗܘܐ ܕܢܬܢܝܚ܂ ܒܦܪܘܬܕܩܐ ܘܡܚܪܝܐ ܡܪܡܐ ܗܘܝܬ
60:663.4 ܠܗ ܕܢܣܘܩ ܪܝܚܐ ܣܪܝܐ܂ ܘܠܚܡܐ ܘܡ̈ܝܐ ܠܬܘܪܣܝܗ ܒܡܬܩܠܐ
70:663.4 ܝܗܿܒ ܗܘܝܬ܂
80:663.4 ‍[‍11‍]‍ ܘܐܫܠܡܬܗ ܒܐܝ̈ܕܝ ܢܒܘܚܝܠ ܘܕܒܫܥܝܡ ܛܠ̈ܝܐ
90:663.4 ܕܢܛܪܘܢܝܗܝ܂ ܘܐܡܪܬ ܠܗܘܢ ܓܝܪ܂ ܗܘܝܬܘܢ ܟܬܒܝܢ ܟܠܗܝܢ
01:663.4 ܡ̈ܠܐ ܕܐܡܿܪ ܐܢܐ ܠܢܕܢ ܒܝܫ ܓܕܐ܂ ܕܗܟܢܐ ܝܩܪܬܗ ܘܚܒܒܬܗ܂
11:663.4 ܘܗܘ ܠܐ ܐܣܬܟܠ܂ ܒܪܡ ܕܝܢ ܗܘ ܒܼܥܐ ܩܛܠܝ ܘܐܒܝܕܘܬܝ
21:663.4 ܡܢ ܚܝ̈ܐ܂ ܗܝܕܝܢ ܐܡܪ ܠܢܕܢ ܒܪ ܚܬܗ܂
31:663.4 ‍[‍XXXIII‍]‍ ‍[‍75‍]‍ ܒܪܝ ܐܡܝܿܪ ܗܘ ܒܡ̈ܬܠܐ ܡܿܢ ܕܠܐ ܫܡܿܥ
41:663.4 ܒܐܕܢܗ ܡܢ ܒܣܬܪ ܩܕܠܗ ܐܫܡܥܘܗܝ܀ ܘܥܢܐ ܢܕܢ ܘܐܡܪ ܠܝ܂
51:663.4 ܥܠ ܡܢܐ ܪܓܝܙ ܐܢܬ ܥܠܝ ܐܘ ܐܚܝܩܪ܂ ܐܡܝܪ ܒܟܬܒܐ ܠܐ
61:663.4 ܬܦܪܘܥ ܒܝܫܬܐ ܒܓܘ ܒܝܫܬܐ܂
71:663.4 ‍[‍76‍]‍ ܬܘܒ ܐܡܪ ܐܚܝܩܪ܂ ܒܪܝ ܐܢܐ ܝܩܪܬܟ ܘܪܒܝܬܟ܂
81:663.4 ܘܩܕܡ ܟܘܪܣܝ ܡܠܟܘܬܐ ܐܩܝܡܬܟ܂ ܘܐܢܬ ܕܝܢ ܕܚܝܬܢܝ ܡܢ
91:663.4 ܡܘܬܒܝ ܘܪܚܡܬ ܩܛܠܝ܂ ܒܪܡ ܕܝܢ ܐܠܗܐ ܦܨܝܗܝ ܕܛܠܝܡ
02:663.4 ܗܘܝܬ܂ ܡܛܠ ܕܐܠܗܐ ܕܚܿܐ ܠܡܫܩ̈ܠܐ܂ ܘܝܿܨܦ ܕܬܒܝܪ̈ܐ ܠܒܐ܂
12:663.4 ‍[‍77‍]‍ ܒܪܝ ܗܘܝܬ ܠܟ ܐܝܟ ܥܩܪܒܐ ܕܡܚܬ ܥܘܩܣܗܿ
22:663.4 ܒܫܘܥܐ ܘܠܐ ܪܓܫ ܒܗܿ܂ ܘܡܚܬ ܒܡܚܛܐ܂ ܘܐܡܪܬ ܡܚܛܐ܂
32:663.4 ܠܥܩܪܒܐ ܗܐ ܥܘܩܣܝ ܩܫܐ ܗܘ ܡܼܢ ܕܝܠܟܝ܂
42:663.4 ‍[‍78‍]‍ ܒܪܝ ܗܘܝܬ ܠܟ ܗܟܝܠ ܐܝܟ ܐܢܫ ܕܫܩܿܠ
52:663.4 ܟ̈ܐܦܐ ܕܢܪܓܘܡ ܠܐܠܗܐ܂ ܘܟܐܦ̈ܘܗܝ ܠܐ ܡܬܡܢܥܝܢ܂ ܘܡܩܕܐ
62:663.4 ܠܗ ܚܛܗܐ ܪܒܐ܀
10:763.4 ‍[‍79‍]‍ ܒܪܝ ܗܘܝܬ ܠܟ ܐܝܟ ܥܙܐ ܕܩܡܬ ܥܠ ܥܣܒܐ
20:763.4 ܕܦܘܬܐ ܕܬܐܟܘܠ ܡܢܗ܂ ܐܡܪܬ ܦܘܬܐ ܠܥܙܐ܂ ܠܡܢܐ ܐܟܠܐ ܐܢܬ
30:763.4 ܡܢܝ ܕܓܠܕܟܝ ܒܝ ܨܒܥܝܢ ܠܗ܂ ܐܡܪܬ ܕܝܢ ܥܙܐ ܒܚܝ̈ܝ
40:763.4 ܡܢܟܝ ܐܟܠܐ ܐܢܐ ܘܒܡܘܬܝ ܒܥܢܩܟܝ ܓܠܕܝ ܡܨܛܒܥܢܐ܀
50:763.4 ‍[‍80‍]‍ ܒܪܝ ܗܘܝܬ ܠܝ ܐܝܟ ܐܢܫ ܕܚܙܐ ܟܢܬܗ ܕܡܼܢ
60:763.4 ܩܘܪܫܐ ܪܥܠ܂ ܘܗܘ ܫܿܩܠ ܡܝ̈ܐ ܘܢܿܣܟ ܒܪܝܫܗ܀
70:763.4 ‍[‍81‍]‍ ܒܪܝ ܗܘܝܬ ܝܕܿܥ ܕܐܢ ܢܐܪܟ ܕܘܢܒܗ ܕܚܙܝܪܐ ܫܒܥ
80:763.4 ܐܡ̈ܝܢ܂ ܠܐ ܩܿܐܡ ܒܕܘܟܬ ܣܘܣܝܐ܂ ܘܐܦܠܐ ܐܢ ܢܗܘܐ ܣܥܪܗ
90:763.4 ܪܟܝܟ ܐܝܟ ܬܟܠܬܐ܀
01:763.4 ‍[‍82‍]‍ ܒܪܝ ܐܢܐ ܐܡܪܬ ܕܐܢܬ ܬܗܘܐ ܚܠܦܝ ܘܬܐܚܘܕ
11:763.4 ܕܘܟܬܝ ܘܬܩܢܐ ܝܘܠܦܢܝ ܘܗܘ̈ܦܟܝ ܟܠܗܘܢ܂
21:763.4 ‍[‍83‍]‍ ܐܢܬ ܗܟܝܠ ܠܝܘܠܦܢܝ ܠܐ ܩܒܠܬ ܘܠܡܠ̈ܝ ܠܐ
31:763.4 ܫܡܥܬ܂ ܘܠܐ ܠܐܠܗܐ ܐܟܫܪܬ܂ ܘܠܐ ܗܘ ܫܡܥ ܩܠܟ܀
41:763.4 ‍[‍84‍]‍ ܒܪܝ ܗܘܝܬ ܠܝ ܐܝܟ ܐܪܝܐ ܕܐܪܥ ܚܡܪܐ
51:763.4 ܒܥܕܢ ܨܦܪܐ܂ ܘܐܡܪ ܓܝܪ ܐܪܝܐ ܠܚܡܪܐ܂ ܫܠܡ ܗܘ ܡܐܬܝܟ܂
61:763.4 ܐܡܼܪ ܕܝܢ ܚܡܪܐ܂ ܫܠܡܟ ܢܦܓܥ ܗܘܐ ܒܗܿܘ ܕܐܣܪܢܝ ܒܙܒܢ
71:763.4 ܪܡܫܐ܂ ܘܠܘܝ ܠܐ ܚܙܝܬ ܦܪܨܘܦܟ܀
81:763.4 ‍[‍85‍]‍ ܒܪܝ ܗܘܝܬ ܠܝ ܐܝܟ ܦܚܐ ܕܥܠ ܙܒܠܐ܂ ܐܡܪܬ
91:763.4 ܠܗ ܨܦܪܐ ܡܢܐ ܥܒܕܬ ܗܪܟܐ ܦܚܐ܂ ܐܡܼܪ ܓܝܪ ܦܚܐ܂ ܡܨܠܐ ܐܢܐ
02:763.4 ܠܐܠܗ̈ܐ ܡܪ̈ܝܡܐ܂ ܐܡܪܬ ܬܘܒ ܨܦܪܐ܂ ܘܡܢܘ ܗܢܐ ܕܣܡܝܟ ܐܢܬ
12:763.4 ܥܠܘܗܝ܂ ܐܡܪ ܦܚܐ܂ ܚܘܛܪܝ ܗܘ ܕܡܣܬܡܟ ܐܢܐ ܥܠܘܗܝ
22:763.4 ܒܨܠܘܬܐ܂ ܘܐܡܪܬ ܨܦܪܐ܂ ܘܡܢܘ ܗܢܐ ܕܒܦܘܡܟ܂ ܐܡܪ ܦܚܐ܂ ܗܢܐ
32:763.4 ܡܐܟܠܐ ܗܼܘ ܕܐܝܠܝܢ ܕܨܝܒܝܢ ܠܘܬܝ܂ ܨܦܪܐ ܕܝܢ ܐܡܪܬ܂ ܡܕܝܢ
42:763.4 ܐܦ ܐܢܐ ܩܪܒܢܐ ܘܐܟܠܢܐ܂ ܐܡܪ ܦܚܐ ܩܪܘܒܝܿ ܘܩܪܒܬ ܨܦܪܐ
52:763.4 ܕܬܐܟܘܠ܂ ܐܚܕܗܿ ܦܚܐ ܒܨܘܪܗܿ܂ ܗܝܕܝܢ ܥܢܬ ܨܦܪܐ ܘܐܡܪܬ ܠܦܚܐ܂
62:763.4 ܐܢ ܗܘ ܕܠܚܡܟ ܗܢܐ ܠܟܦ̈ܢܐ ܗܼܘ ܠܐ ܢܩܒܠ ܐܠܗܐ
10:863.4 ܙܕܩ̈ܬܟ܂ ܘܐܢܗܘ ܕܨܘܡܐ ܗܢܐ ܘܨܠܘܬܐ ܠܐܠܗܐ ܗܼܘ܂ ܠܐ ܢܩܒܠ
20:863.4 ܨܘܡܟ ܘܐܦܠܐ ܨܠܘܬܟ܂ ܘܠܐ ܢܫܠܡ ܐܠܗܐ ܥܡܟ ܒܛܒ̈ܬܐ܀
30:863.4 ‍[‍86‍]‍ ܒܪܝ ܗܘܝܬ ܠܝ ܐܝܟ ܩܠܡܐ ܕܗܘܝܐ ܒܚ̈ܛܐ܂ ܘܠܐ
40:863.4 ܡܘܬܪܐ ܡܕܡ ܐܠܐ ܡܚܒܠܘ ܡܚܒܠܐ܀
50:863.4 ‍[‍87‍]‍ ܒܪܝ ܗܘܝܬ ܠܝ ܐܝܟ ܟܠܒܐ ܕܡܼܢ ܩܘܪܐ ܥܠ
60:863.4 ܠܒܝܬܐ ܠܡܫܚܢ܂ ܘܟܕ ܫܚܢ܂ ܫܪܝ ܢܒܚ ܥܠ ܒܢ̈ܝ ܒܝܬܗ܂
70:863.4 ‍[‍88‍]‍ ܒܪܝ ܗܘܝܬ ܠܝ ܐܝܟ ܚܙܝܪܐ ܕܐܙܠ ܥܡ ܪ̈ܘܪܒܢܐ
80:863.4 ܠܒܢܐ ܕܢܣܚܐ܂ ܘܟܕ ܣܚܐ ܘܢܦܩ ܡܢ ܒܢܐ܂ ܐܫܟܚ ܣܝܢܐ
90:863.4 ܘܐܬܓܪܓܚ ܒܗ܀
01:863.4 ‍[‍89‍]‍ ܒܪܝ ܟܠܒܐ ܐܝܢܐ ܕܠܐ ܡܬܐܟܠ ܡܢ ܨܝܕܗ̈ ܡܐܟܠܐ
11:863.4 ܕܕܐܒ̈ܐ ܢܗܘܐ܀
21:863.4 ‍[‍90‍]‍ ܒܪܝ ܥܝܢܐ ܕܕܝܩܐ ܠܡܕܡ ܢܚܨܘܢܗܿ܀
31:863.4 ‍[‍91‍]‍ ܒܪܝ ܐܢܐ ܦܪܨܘܦ ܡܠܟܐ ܚܘܝܬܟ܂ ܘܠܐܝܩܪܐ
41:863.4 ܪܒܐ ܡܢܥܬܟ ܘܪܒܝܬܟ܂ ܘܚܠܦ ܛܒܬܐ ܦܪܥܬܢܝ ܒܝܫܬܐ܂
51:863.4 ܕܥܿܒܕ ܒܝܫܬܐ ܥܡܟ ܡܢܐ ܬܦܪܥܝܘܗܝ܂
61:863.4 ‍[‍92‍]‍ ܒܪܝ ܗܘܝܬ ܠܝ ܐܝܟ ܟܟܘܫܬܐ܂ ܐܡܪܘ ܠܝ ܓܝܪ
71:863.4 ܐܪܦܝ ܡܢܟܝ ܓܢܒܘܬܐ ܘܢܥܒܕ ܠܟܝ ܡܠܟܐ ܗܡܢܝܟܐ ܡܼܢ
81:863.4 ܕܗܒܐ܂ ܐܡܪܬ ܕܝܢ܂ ܐܢܐ ܐܘܡܢܘܬ ܐܒܝ ܘܐܡܝ ܠܐ ܫܿܒܩܐ ܐܢܐ܀
91:863.4 ‍[‍93‍]‍ ܒܪܝ ܐܢܐ ܟܠ ܡܐܟܠܐ ܒܣܝܡܐ ܐܘܟܠܬܟ ܘܐܢܬ
02:863.4 ܕܝܢ ܠܚܡܐ ܒܨܝܪܐ ܠܐ ܣܒܥܬܢܝ ܘܐܢܐ ܛܡܝܪ ܘܡܚܦܝ܂ ܘܐܢܬ
12:863.4 ܫܿܬܐ ܚܡܪ̈ܢܐ ܘܠܢܫ̈ܝ ܕܪܒܝܘܟ ܨܒܿܐ ܗܘܝܬ ܠܒܝܫܘܬܟ܀
22:863.4 ‍[‍94‍]‍ ܒܪܝ ܐܢܐ ܪܒܝܬܟ ܐܝܟ ܐܪܙܐ ܦܐܝܐ܂ ܘܐܢܬ ܐܡܟܬܢܝ
32:863.4 ܘܚܦܪܐ ܐܚܬܬܢܝ ܒܣܘܓܐܐ ܕܢܫܫ̈ܝܟ܀
42:863.4 ‍[‍95‍]‍ ܒܪܝ ܐܢܐ ܣܿܒܪ ܗܘܝܬ ܕܒܢܝܬ ܠܝ ܡܓܕܠܐ ܚܣܝܢܐ
52:863.4 ܕܐܣܬܬܪ ܒܗ ܡܼܢ ܒܥܠܕܒܒ̈ܝ ܘܡܪܝܐ ܦܨܝܢܝ ܡܢܗ܂ ܒܕ ܐܢܐ܂
62:863.4 ܒܥܝܬ ܠܟ ܛܒ̈ܬܐ ܘܐܢܬ ܦܪܥܬܢܝ ܒܝܫ̈ܬܐ܂ ܡܟܝܠ
10:963.4 ܐܚܛܛ ܥܝܢܝ̈ܟ ܘܐܦܣܘܩ ܠܫܢܟ܂ ܘܒܣܝܦܐ ܐܣܒ ܪܝܫܟ܀
20:963.4 ܘܥܢܐ ܢܕܢ ܘܐܡܪ ܠܐܚܝܩܪ܂ ܚܣ ܠܝ ܕܢܗܘ̈ܝܢ
30:963.4 ܡܢܟ ܒܝܫ̈ܬܐ ܐܠܐ ܐܢ ܛܒ̈ܬܐ܂ ܘܐܝܟ ܛܝܒ̈ܘܬܟ ܥܒܕ ܥܡܝ܂
40:963.4 ܘܫܒܘܩ ܠܝ ܟܠܡܐ ܕܩܕܡܬ ܘܐܡܪܬ܂ ܡܛܠ ܕܠܐܠܗܐ ܐܪܓܙܬ
50:963.4 ܒܚܛܗ̈ܝ܂ ܘܒܐܡܝܢܘ ܕܝܢ ܡܩܒܠ ܠܬܝܒ̈ܐ ܘܠܕܚܛܝܢ܂ ܐܢܬ
60:963.4 ܕܝܢ ܩܒܠܝܢܝ܂ ܕܐܗܘܐ ܡܫܡܫ ܪܟܫܟ ܘܐܪܥܐ ܠܚܙܝܪ̈ܝܟ
70:963.4 ܘܐܚܘܡ ܙܒܠܟ܂ ܘܐܢܐ ܡܿܢ ܐܬܩܪܐ ܓܒܪܐ ܒܝܫܐ܂ ܘܐܢܬ ܓܒܪܐ
80:963.4 ܛܒܐ܀
90:963.4 ‍[‍97‍]‍ ܬܘܒ ܐܡܪ ܠܗ ܐܚܝܩܪ܃ ܒܪܝ ܢܕܢ ܥܠܝܡܘܬ ܢܫܪܐ
01:963.4 ܛܒܐ ܗܝ ܡܼܢ ܥܠܝܡܘܬ ܥܘܪܒܐ ܣܪܝܐ܀
11:963.4 ‍[‍98‍]‍ ܒܪܝ ܐܡܪܘ ܠܕܐܒܐ ܐܬܪܚܩ ܡܢ ܩܪܝܒܘܬܗܿ
21:963.4 ܕܥܢ̈ܐ ܕܠܐ ܬܐܬܐ ܢܦܬܗܿ ܥܠܝܟ܂ ܐܡܿܪ ܓܝܪ ܕܐܒܐ ܠܐ ܡܬܪܚܩ
31:963.4 ܐܢܐ܂ ܒܕ ܢܦܬܐ ܓܝܪ ܕܥܢ̈ܐ ܣܡܐ ܗܝ ܠܥܝ̈ܢܐ ܕܝܠܝ܀
41:963.4 ‍[‍99‍]‍ ܒܪܝ ܐܥܠܘܗܝ ܠܕܐܒܐ ܠܘܬ ܣܦܪܐ ܐܝܟܢܐ ܕܢܐܠܦ܂
51:963.4 ܐܡܪ ܠܗ ܡܠܦܢܐ܃ ܐܡܪ ܐܠܦ ܒܝܬ܂ ܥܢܐ ܕܐܒܐ ܘܐܡܪ܂ ܐܡܪܐ
61:963.4 ܘܓܕܝܐ ܒܟܪܣܝ܂
71:963.4 ‍[‍100‍]‍ ܒܪܝ ܡܢ ܙܒܢܐ ܕܐܠܦܬܟ ܐܡܪܬ ܠܟ ܕܐܠܗܐ
81:963.4 ܫܠܝܛܐ ܗܘ ܟܐܢܐ ܘܕܝܢܐ ܬܪܝܨܐ܂ ܕܥܒܕܿܝܢ ܛܒ̈ܬܐ ܦܿܪܥ ܠܗܘܢ
91:963.4 ܛܒ̈ܬܐ܂ ܘܕܥܒܿܕܝܢ ܒܝܫܬܐ ܦܿܪܥ ܠܗܘܢ ܒܝܫ̈ܬܐ܂ ܘܣܐܡ
02:963.4 ܒܪܝܫܗܘܢ ܫܘܢܩܐ ܕܒܓܗܢܐ܂ ܒܕ ܠܝܬ ܓܝܪ ܒܝܢܝ ܘܠܟ ܣܛܪ
12:963.4 ܡܢ ܐܠܗܐ ܫܠܝܛܐ܂ ܗܼܘ ܕܝܢ ܢܦܪܥܟ ܐܟܡܐ ܕܫܿܘܐ ܐܢܬ܀
22:963.4 ܒܪܝ ܠܪܝܫܗ ܕܚܡܪܐ ܣܡܘܗܝ ܥܠ ܦܬܘܪܐ܂ ܘܢܦܠ
32:963.4 ܘܐܬܓܢܕܪ ܥܠ ܐܪܥܐ܂ ܐܡܪܘ ܕܝܢ ܥܠ ܢܦܫܗ ܗܘ ܐܬܚܡܬ
42:963.4 ܕܠܐ ܢܩܒܠ ܪܘܡܪܡܐ܂
52:963.4 ‍[‍101‍]‍ ܒܪܝ ܐܫܬܪܪܬ ܒܟ ܡܠܬܐ ܗܿܝ ܕܐܡܝܪܐ ܕܝܠܕܬܝܗܝ
62:963.4 ܩܪܝܘܗܝ ܒܪܟ܂ ܘܗܿܘ ܕܪܒܝܬܝܗܝ ܩܪܝܘܗܝ ܥܒܕܟ܀
10:073.4 ‍[‍102‍]‍ ܒܪܝ ܘܕܫܪܝܪܐ ܗܕܐ ܗܼܝ܂ ܐܢܕܝܢ ܒܪ ܚܬܟ
20:073.4 ܗܼܘ ܒܐܣܬܐ ܫܩܦܝܗܝ܂ ܘܥܠ ܐܪܥܐ ܫܕܝܘܗܝ܂
30:073.4 ‍[‍103‍]‍ ܘܕܝܕܥ ܟܣܝ̈ܬܐ ܐܠܗܐ ܗܘ܂ ܘܕܦܪܥ ܠܟܠܢܫ ܐܝܟ
40:073.4 ܥܒܕܘ̈ܗܝ܂ ܐܢ ܛܒ̈ܐ ܘܐܢ ܒܝܫ̈ܐ ܗܼܘ ܢܦܪܥܟ ܐܟܡܐ ܕܫܿܘܐ ܐܢܬ܂
50:073.4 ܐܢܐ ܗܟܝܠ ܡܟܝܠ ܡܕܡ ܠܐ ܐܡܪܢܐ ܠܟ܀
60:073.4 ‍[‍XXXIV‍]‍ ‍[‍1‍]‍ ܘܟܕ ܫܡܥ ܕܝܢ ܢܕܢ ܣܟܠܐ ܡ̈ܠܐ ܗܠܝܢ ܐܬܢܦܚ
70:073.4 ܒܪ ܫܥܬܗ܂ ܘܗܘܐ ܐܝܟ ܙܩܐ ܕܢܦܝܚ܂ ܘܐܒܕ ܘܐܬܦܪܬܘ ܕܦܢ̈ܬܗ
80:073.4 ܘܡܝܬ܂
90:073.4 ‍[‍2‍]‍ ܐܟܡܐ ܕܐܡܝܪ ܒܡ̈ܬܠܐ܂ ܕܢܥܒܕ ܓܝܪ ܛܒܬܐ܃ ܛܒܬܐ
01:073.4 ܢܦܪܥܝܘܗܝ ܡܪܝܐ ܘܒܝܫܬܐ ܬܘܒ ܒܒܝܫܬܐ ܢܬܦܪܥ܂
11:073.4 ܫܠܡܬ ܒܐܝ̈ܕܝ ܩܫܝܫܐ ܐܠܝܣ ܪܝܫ ܕܝܪ̈ܝܐ ܕܪܒܢ ܗܘܪܡܙܕ ܕܟܠ̈ܕܝܐ܂ ܡܛܠ ܒܪ ܕܕܗ ܡܝܩܪܐ
21:073.4 ܡܪܝ ܐܕܝ ܡܝܛܪܦܘܠܝܛܐ ܕܣܥܪܕ܂ ܘܗܕܐ ܝܓ ܒܐܝܪܚ ܢܝܣܢ܂ ܫܢܬ ܐܨܚ ܠܡܪܢ܂ ܠܗ
31:073.4 ܫܘܒܚܐ܂