The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:60 וַעְבַדוּ בְנֵי יִשׂרָאֵל דְבִיש קְֹדָם יְיָ וֻמסַרִנוּן יְיָ בְיַד מִדיָן שְבַע שְנִין׃
(1) 20:60 וֻתקֵיפַת יַד מִדיַנָאֵי עַל יִשׂרָאֵל מִן קְֹדָם מִדיַנָאֵי עְבַדוּ לְהוֹן בְנֵי יִשׂרָאֵל יָת מַטמוֹריָתָא דִבטוּרַיָא וְיָת מְעָרָתָא וְיָת מְצָדָתָא׃
(1) 30:60 וְהָוֵי כַד זָרַע יִשׂרָאֵל וְסָלְקִין מִדיַנָאֵי וַעְמָלְקָאֵי וֻבנֵי מַדנְחָא וְסָלְקִין עְלֵיהוֹן׃
(1) 40:60 וְשָרַן עְלֵיהוֹן וֻמחַבְלִין יָת עְלַלתָא דְאַרעָא עַד מַעְלַנָא דְעַזָה וְלָא מַשאְרִין מָזוֹן לְקַיָמָא נְפַש בְיִשׂרָאֵל וְאִמַר וְתוֹר וַחְמָר׃
(1) 50:60 אְרֵי אִנוּן וְגֵיתֵיהוֹן סָלְקִין וֻמַשכְנֵיהוֹן וְאָתַן כְמִסַת גוֹבָא לִסגֵי וֻלהוֹן וֻלגַמלֵיהוֹן לֵית מִניָן וְעָלִין בְאַרעָא לְחַבָלוּתַה׃
(1) 60:60 וֻמאַך יִשׂרָאֵל לַחדָא מִן קְֹדָם מִדיַנָאֵי וֻזעִיקוּ בְנֵי יִשׂרָאֵל קְֹדָם יְיָ׃
(1) 70:60 וַהְוָה כַד זְעִיקוּ בְנֵי יִשׂרָאֵל קְֹדָם יְיָ עַל עֵיסַק מִדיַנָאֵי׃
(1) 80:60 וֻשלַח יְיָ גֻברָא נְבִיָא לְוָת בְנֵי יִשׂרָאֵל וַאְמַר לְהוֹן כִדנָן אְמַר יְיָ אְלָהָא דְיִשׂרָאֵל אְנָא אַסֵיקִית יָתְכוֹן מִמִצרַיִם״מארעא דמחרים#3#״ וְאַפֵיקִית יָתְכוֹן מִבֵית עַבדוּתָא׃
(1) 90:60 וְשֵיזֵיבִית יָתְכוֹן מִיְדָא דְמִצרָאֵי וֻמִיַד כָל דָחְקֵיכוֹן וְתָרֵיכִית יָתְהוֹן מִן קְֹדָמֵיכוֹן וִיהַבִית לְכוֹן יָת אְרַעהוֹן׃
(1) 01:60 וַאְמַרִית לְכוֹן אְנָא יְיָ אְלָהְכוֹן לָא תִדחְלוּן יָת טָעְוָת <עממיא#3#> אְמוֹרָאֵי דְאַתוּן יָתְבִין בַאְרַעהוֹן וְלָא קַבֵילתוּן לְמֵימְרִי׃
(1) 11:60 וַאְתָא מַלאְכָא דַיְיָ וִיתֵיב תְחוֹת בֻטמָא דִבעָפרָה דִליוֹאָש אְבוּהִי דְעָזַר וְגִדעוֹן בְרֵיה חָבֵיט חִטִין בְמַעְצַרתָא לְעָרָקָא מִן קְֹדָם מִדיַנָאֵי׃
(1) 21:60 וְאִתחַזִי״ואיתגלי#3#״ לֵיה מַלאְכָא דַיְיָ וַאְמַר לֵיה מֵימְרָא דַיְיָ בְסַעְדָך גִבָר חֵילָא׃
(1) 31:60 וַאְמַר לֵיה גִדעוֹן בְבָעוּ רִבוֹנִי וְאִית שְכִינְתָא״מימרא#3#״ דַיְיָ <עִמַנָא#3#> בְסַעְדַנָא״ביננא#3#״ וֻלמָא עָרְעַנָא <ית#3#> כָל אִלֵין״דא#3#״ וְאָן כָל פְרִישָתֵיה דְאִשתַעִיאוּ לַנָא אְבָהָתַנָא לְמֵימַר הְלָא מִמִצרַיִם אַסְקַנָא יְיָ וֻכעַן רַטשַנָא יְיָ וֻמַסרַנָא בְיַד מִדיַנָאֵי׃
(1) 41:60 וְאִתפְנִי לֵיה״לְוָתֵיה#3#״ יְיָ״מלאכא דייי#3#״ וַאְמַר אִיזֵיל בְחֵילָך דֵין וְתִפרוֹק יָת <בני#3#> יִשׂרָאֵל מִיְדָא דְמִדיַנָאֵי הְלָא שְלַחתָך׃
(1) 51:60 וַאְמַר לֵיה בְבָעוּ יְיָ״ריבוני#3#״אדני#3#״ בְמָא אַפרוֹק יָת יִשׂרָאֵל <הלא#3#> הָא זַרעִיתִי זְעֵירָא בְשִבטָא דִמנַשַה וַאְנָא חַלָש בְבֵית אַבָא׃
(1) 61:60 וַאְמַר לֵיה יְיָ אְרֵי יְהֵי מֵימְרִי בְסַעְדָך וֻתקַטֵיל״וְתִקטוֹל#2#״ יָת מִדיַנָאֵי כְגֻברָא חַד׃
(1) 71:60 וַאְמַר לֵיה אִם כְעַן אַשכַחִית רַחְמִין בְעֵינָך״קדמך#3#״ וְתַעְבֵיד לִי אָת דְאַתְ מְמַלֵיל״מתמלל#3#״ עִמִי׃
(1) 81:60 לָא כְעַן תִעדֵי מִכָא עַד מֵיתַא לְוָתָך וְאַפֵיק״ואסיק#3#״ יָת תִקרוּבתִי וַאְנִיחַ קְֹדָמָך וַאְמַר אְנָא אוֹרֵיך עַד דִתתוּב׃
(1) 91:60 וְגִדעוֹן אְתָא וַעְבַד גַדיָא בַר עִזֵי וֻמכִילְתָא דְקַמחָא אְפָא פַטִיר בִסרָא שַוִי בְסַלָא וְתַבשִילָא שַוִי בְקִדרָא״בבורמא#3#״באילפיסא#3#״ וְאַפֵיק לְוָתֵיה לִתחוֹת בֻטמָא״אילנא#3#״ וְקָרֵיב׃
(1) 02:60 וַאְמַר לֵיה מַלאְכָא דַיְיָ סַב יָת בִסרָא וְיָת פַטִירָא וְאַחֵית לְכֵיפָא דֵיכִי וְיָת תַבשִילָא שְפוֹך״שדי#3#״ וַעְבַד כֵן׃
(1) 12:60 וְאוֹשֵיט מַלאְכָא דַיְיָ יָת רֵיש שוֹטִיתָא דְבִידֵיה וֻקָרֵיב בְבִסרָא וֻבפַטִירָא וֻסלֵיקַת אִישָתָא מִן טִנָרָא וַאְכַלַת יָת בִסרָא וְיָת פַטִירָא וֻמַלאְכָא דַיְיָ אִסתַלַק מִלָקְֹבֵיל עֵינוֹהִי׃
(1) 22:60 וַחְזָא גִדעוֹן אְרֵי מַלאְכָא דַיְיָ הוּא וַאְמַר גִדעוֹן בְבָעו״קבל בעותי#3#״ יְיָ אְלֹהִים אְרֵי עַל כֵין חְזֵיתִי מַלאְכָא דַיְיָ אַפִין בְאַפִין׃
(1) 32:60 וַאְמַר לֵיה יְיָ שְלָם לָך לָא תִדחַל לָא תְמוּת׃
(1) 42:60 וֻבנָא תַמָן גִדעוֹן מַדבְחָא קְֹדָם יְיָ וֻפלַח עְלוֹהִי קְֹדָם יְיָ דַעְבַד לֵיה שְלָמָא עַד יוֹמָא הָדֵין עַד כְעַן אִיתוֹהִי בְעָפרָת אְבוּהִי דְעָזַר׃
(1) 52:60 וַהְוָה בְלֵיליָא הַהוּא וַאְמַר לֵיה יְיָ סַב יָת תוֹר בַר תוֹרֵי דִלאְבוּך וְתוֹרָא תִניָנָא דְאִתפַטֵים שְבַע שְנִין וֻתפַגַר״ותפכר#3#״ יָת אֵיגוֹרָא דְבַעלָא דִלאְבוּך וְיָת אְשֵירְתָא דַעְלוֹהִי תְקוּץ׃
(1) 62:60 וְתִבנֵי מַדבְחָא קְֹדָם יְיָ אְלָהָך עַל רֵיש תֻקפָא הָדֵין בְסִדרָא וְתִסַב יָת תוֹרָא תִניָנָא וְתַסֵיק עְלָתָא בְאָעֵי אְשֵירְתָא דִתקוּץ׃
(1) 72:60 וֻדבַר גִדעוֹן עַסרָא גֻברִין מֵעַבדוֹהִי וַעְבַד כְמָא דְמַלֵיל עִמֵיה יְיָ וַהְוָה מִדְדָחֵיל מִבֵית אְבוּהִי וֻמִן אְנָשֵי קַרתָא מִלְמַעְבַד בִימָמָא וַעְבַד בְלֵילְיָא׃

(1) 82:60 וְאַקדִימוּ אְנָשֵי קַרתָא בְצַפרָא וְהָא מִתָרַע אֵיגוֹרָא דְבַעלָא וַאְשֵירְתָא דַעְלוֹהִי קְצִיצָא וְיָת תוֹרָא תִניָנָא מַסַק עַל מַדבְחָא דִבנֵי׃

(1) 92:60 וַאְמַרוּ גְבַר לְחַברֵיה מַן עְבַד <ית#3#> פִתגָמָא הָדֵין וֻתבַעוּ וֻבעוֹ וַאְמַרוּ גִדעוֹן בַר יוֹאָש עְבַד <ית#3#> פִתגָמָא הָדֵין׃
(1) 03:60 וַאְמַרוּ אְנָשֵי קַרתָא לְיוֹאָש אַפֵיק יָת בְרָך וְיִתקְטִיל אְרֵי תָרַע יָת אֵיגוֹרָא דְבַעלָא וַאְרֵי קָץ אְשֵירְתָא דַעְלוֹהִי׃
(1) 13:60 וַאְמַר יוֹאָש לְכָל דְקָמוּ עְלוֹהִי הַאַתוּן תִתפַרעוּן לְבַעלָא אִם אַתוּן תִפרְקוּן יָתֵיה דְיִתפְרַע לְבַעלָא יִתקְטִיל בְרַם אַרכָא יְהִיב לֵיה״לְבַעלָא#3#״ עַד צַפרָא אִם צְרוֹך אִית בֵיה יִתפְרַע לֵיה בַעלָא אְרֵי תָרַע יָת אֵיגוֹרֵיה׃
(1) 23:60 וֻקרָא לֵיה בְיוֹמָא הַהוּא יְרֻבַעַל לְמֵימַר יִתפְרַע לֵיה בַעלָא אְרֵי תָרַע יָת אֵיגוֹרֵיה׃
(1) 33:60 וְכָל מִדיַנָאֵי וַעְמָלְקָאֵי וֻבנֵי מַדנְחָא אִתכְנִישוּ כַחדָא וַעְבַרוּ וֻשרוֹ בְמֵישַר יִזרְעַאל׃
(1) 43:60 וְרוּחַ גְבוּרָא מִן קְֹדָם יְיָ לְבֵישַת יָת גִדעוֹן וֻתקַע בְשוֹפָרָא וְאִתכְנֵיש אְנָש אְבִיעַזַר בָתְרוֹהִי׃
(1) 53:60 וְאִזגַדִין שְלַח בְכָל \שִבטָא דִמנַשַה ״תחום מנשה#3#״ וְאִתכְנִישוּ אַף אִנוּן בָתְרוֹהִי וְאִזגַדִין שְלַח בְשֵיבַט אָשֵר וֻבשֵיבַט זְבוּלוּן וֻבשֵיבַט נַפתָלִי וֻסלִיקוּ לְקַדָמוּתְהוֹן׃
(1) 63:60 וַאְמַר גִדעוֹן קְֹדָם יְיָ אִם אִיתָך פָרֵיק בִידִי״על ידי#3#״ יָת יִשׂרָאֵל כְמָא דְמַלֵילתָא׃
(1) 73:60 הָאְנָא מַחֵית יָת גִזְתָא דְעַמרָא בְבֵית אִדְרֵי אִם טַלַא יְהִי עַל גִזְתָא בִלחוֹדַה וְעַל כָל אַרעָא יוּבשָא וְאִדַע אְרֵי תִפרוֹק בִידִי יָת יִשׂרָאֵל כְמָא דְמַלֵילתָא׃
(1) 83:60 וַהְוָה כֵן וְאַקדֵים בְיוֹמָא דְבָתְרוֹהִי וַעְצַר יָת גִזְתָא וֻנפַץ״וֻנפַק#3#״ טַלָא מִן גִזְתָא מְלֵי לִקנָא״לגינא#3#״ מַיָא׃
(1) 93:60 וַאְמַר גִדעוֹן קְֹדָם יְיָ לָא יִתקַף רֻגזָך בִי״עלי#3#״ וַאְמַלֵיל בְרַם זִמנָא הָדָא אְנַסֵי כְעַן לְחוֹד זִמנָא <הדא#3#> בְגִזְתָא יְהֵי כְעַן יֻבשָא עַל גִזְתָא בִלחוֹדַה וְעַל כָל אַרעָא יְהֵי טַלָא׃
(1) 04:60 וַעְבַד יְיָ כֵן בְלֵיליָא הַהוּא וַהְוָה יוּבשָא עַל״אל#3#״ גִזְתָא בִלחוֹדַה וְעַל כָל אַרעָא הְוָה טַלָא׃