(1) 80:52 וְאִתנְגִיִד וֻמִית אַברָהָם בְסֵיבוּ טָבָא סִיב וֻסבַע <יוֹמִין#3#> וְאִתכְנֵיש לְעַמֵיה׃

(1) 90:52 וֻקבַרוּ יָתֵיה יִצחָק וְיִשמָעֵאל בְנוֹהִי בִמעָרַת כָפֵילתָא דְבַחקַל עַפרוֹן בַר צֹחַר חִיתָאָה דְעַל אַפֵי מַמרֵא׃
(1) 01:52 חַקלָא דִזבַן אברהם מִן בְנֵי חִתָאָה תַמָן אִתקְבַר אברהם וְשָׂרָה אִיתְתֵיה׃
(1) 11:52 וַהֲוָה בָתַר דְמִית אברהם וֻבָרֵיך יוי יָת יצחק בְרֵיה וִיתֵיב יצחק עִם בֵירָא דְמַלאַך קַייָמָא אִתַחזִי עֲלַה׃
(1) 21:52 וְאִלֵין תוֹלְדָת יִשמָעֵאל בַר אַברָהָם דִילֵידַת הָגָר מִצרֵיתָא אַמתָא דְשָׂרָה לְאַברָהָם׃
(1) 31:52 וְאִלֵין שְמָהָת בְנֵי ישמעאל בִשמָהָתְהוֹן לְתוֹלְדָתְהוֹן בוּכרָא דישמעאל נְבָיוֹת וְקֵדָר וְאַדבְאֵל וֻמִבשָם׃
(1) 41:52 וֻמִשמָע וְדוּמָה וֻמַשָא׃
(1) 51:52 חֲדַד וְתֵימָא יְטוּר נָפִיש וָקֵדמָה׃
(1) 61:52 אִלֵין אִנוּן בְנֵי ישמעאל וְאִלֵין שְמָהָתְהוֹן בָפַצחֵיהוֹן וֻבכַרכֵיהוֹן תְרֵי עֲסַר רַברְבִין לְאוּמֵיהוֹן׃
(1) 71:52 וְאִלֵין שְנֵי חַיֵי ישמעאל מְאָה וֻתלָתִין וֻשבַע שְנִין וְאִתנְגִיד וְמִית וְאִתכְנֵיש לְעַמֵיה׃
(1) 81:52 וֻשרוֹ מֵחֲוִילָה עַד חַגרָא דְעַל אַפֵי מצרים \מָטֵי לְאַתוּר ״למטי אתור#3#״ עַל אַפֵי כֹל אֲחוֹהִי שְרָא׃
(1) 91:52 וְאִלֵין תוֹלְדָת יִצחָק בַר אברהם אברהם אוֹלֵיד יָת יִצחָק׃
(1) 02:52 וַהֲוָה יִצחָק בַר אַרבְעִין שְנִין כַד נְסֵיב יָת רִבקָה בַת בְתוּאֵל אֲרַמָאָה מִפַדַן דַאֲרָם אֲחָתֵיה דְלָבָן אֲרַמָאָה לֵיה לְאִיתוּ״לאנתו#3#״׃
(1) 12:52 וְצַלִי יִצחָק קדם יוי לִקבֵיל אִיתְתֵיה אֲרֵי עַקרָא הִיא וְקַבֵיל \יוי צְלוֹתֵיה ״צלותיה יוי#3#״ וְעַדִיאַת רִבקָה אִיתְתֵיה׃
(1) 22:52 וְדָחֲקִין בְנַיָא בְמעַהָא וַאֲמַרַת אִם כֵין לְמָא דְנָן אֲנָא וַאֲזַלַת לְמִתבַע אוּלפָן מִן קדם יוי׃
(1) 32:52 וַאֲמַר יוי לַה תְרֵין עַמְמִין בְמעַכִי וְתַרתֵין מַלכְוָן מִמְעַכִי יִתפָרְשָן וֻמַלכוּ מִמַלכוּ תִתַקַף וְרַבָא יִשתַעֲבַד לִזעֵירָא׃
(1) 42:52 ושלִימוּ יוֹמַהָא לְמֵילַד וְהָא תִיוֹמִין בִמעַהָא׃
(1) 52:52 וֻנפַק קַדמָאָה סִמוֹק כוּלֵיה כָכְלָן״כִגלִים#3#״ דִסעַר וֻקרוֹ שְמֵיה עֵשָׂו׃
(1) 62:52 וֻבָתַר כֵין נְפַק אֲחוּהִי וִידֵיה אֲחִידָא בְעִקבָא דְעֵשָׂו וֻקרָא שְמֵיה יַעֲקֹב וְיִצחָק בַר שִתִין שְנִין כַד יְלֵידַת יָתְהוֹן׃
(1) 72:52 וֻרבִיוּ עוּלֵימַיָא וַהֲוָה עֵשָׂו גְבַר נְחַשִירכָן גְבַר נָפֵיק חֲקַל וְיַעֲקֹב גְבַר שְלִים מְשַמֵיש בֵית אוּלפָנָא׃
(1) 82:52 וֻרחֵים יצחק יָת עֵשָׂו אֲרֵי מִצֵידֵיה הֲוָה אָכֵיל וְרִבקָה רְחֵמַת יָת יַעֲקֹב׃
(1) 92:52 וֻבַשֵיל יַעֲקֹב תַבשִילָא וְעָל״ואתא#3#״ עֵשָׂו מִן חַקלָא וְהוּא מְשַלהֵי׃
(1) 03:52 וַאֲמַר עֵשָׂו לְיַעֲקֹב אַטעֵימנִי כְעַן מִן סִמוֹקָא סָמְקָא הָדֵין אֲרֵי מְשַלהֵי אֲנָא עַל כֵין קְרָא שְמֵיה אֲדוֹם׃
(1) 13:52 וַאֲמַר יַעֲקֹב זַבֵין <כען#3#״לי#3#״> כְיוֹם דִלהֵי יָת בְכֵירוּתָך לִי׃
(1) 23:52 וַאֲמַר עֵשָׂו הָא אֲנָא אָזֵיל לִמָמָת וֻלמָא דְנָן לִי בְכוֹרוּתָא׃
(1) 33:52 וַאֲמַר יעקב קַיָים לִי כְיוֹם דִלהֵי וְקַיֵים לֵיה וְזַבֵין יָת בְכֵירוּתֵיה לְיַעֲקֹב׃
(1) 43:52 וְיַעֲקֹב יְהַב לְעֵשָׂו לְחֵים וְתַבשִיל דִטלוֹפְחִין וַאֲכַל וֻשתִי וְקָם וַאֲזַל וְשָט עֵשָׂו יָת בְכֵירוּתָא׃