90:7 חָזֵה הֲוֵית עַד דִּי כָרְסָוָן רְמִיו וְעַתִּיק יוֹמִין יְתִב לְבוּשֵהּ כִּתְלַג חִוָּר וּשְׂעַר רֵאשֵהּ כַּעֲמַר נְקֵא כָּרְסְיֵהּ שְבִיבִין דִּי נוּר גַּלְגִּלּוֹהִי נוּר דָּלִק׃

01:7 נְהַר דִּי נוּר נָגֵד וְנָפֵק מִן־קֳדָמוֹהִי אֶלֶף אלפים״#ק#אַלְפִין״ יְשַמְּשוּנֵּהּ וְרִבּוֹ רבון״#ק#רִבְבָן״ קָדָמוֹהִי יְקוּמוּן דִּינָא יְתִב וְסִפְרִין פְּתִיחוּ׃
11:7 חָזֵה הֲוֵית בֵּאדַיִן מִן קָל מִלַּיָּא רַבְרְבָתָא דִּי קַרְנָא מְמַלֱּלָה חָזֵה הֲוֵית עַד דִּי קְטִילַת חֵיוְתָא וְהוּבַד גִּשְמַהּ וִיהִיבַת לִיקֵדַת אֶשָּא׃
21:7 וּשְאָר חֵיוָתָא הֶעְדִּיו שָלְטָנְהוֹן וְאַרְכָה בְחַיִּין יְהִיבַת לְהוֹן עַד זְמַן וְעִדָּן׃
31:7 חָזֵה הֲוֵית בְּחֶזְוֵי לֵילְיָא וַאֲרוּ עִם עֲנָנֵי שְמַיָּא כְּבַר אֱנָש אָתֵה הֲוָה וְעַד עַתִּיק יוֹמַיָּא מְטָה וּקְדָמוֹהִי הַקְרְבוּהִי׃
41:7 וְלֵהּ יְהִיב שָלְטָן וִיקָר וּמַלְכוּ וְכֹל עַמְמַיָּא אֻמַיָּא וְלִשָּנַיָּא לֵהּ יִפְלְחוּן שָלְטָנֵהּ שָלְטָן עָלַם דִּי לָא יֶעְדֵּה וּמַלְכוּתֵהּ דִּי לָא תִתְחַבַּל׃
51:7 אֶתְכְּרִיַּת רוּחִי אֲנָה דָנִיֵּאל בְּגוֹא נִדְנֶה וְחֶזְוֵי רֵאשִי יְבַהֲלֻנַּנִי׃
61:7 קִרְבֵת עַל חַד מִן קָאֲמַיָּא וְיַצִּיבָא אֶבְעֵא מִנֵּהּ עַל כָּל דְּנָה וַאֲמַר לִי וּפְשַר מִלַּיָּא יְהוֹדְעִנַּנִי׃
71:7 אִלֵּין חֵיוָתָא רַבְרְבָתָא דִּי אִנִּין אַרְבַּע אַרְבְּעָה מַלְכִין יְקוּמוּן מִן אַרְעָא׃
81:7 וִיקַבְּלוּן מַלְכוּתָא קַדִּישֵי עֶלְיוֹנִין וְיַחְסְנוּן מַלְכוּתָא עַד עָלְמָא וְעַד עָלַם עָלְמַיָּא׃
91:7 אֱדַיִן צְבִית לְיַצָּבָא עַל חֵיוְתָא רְבִיעָיְתָא דִּי הֲוָת שָנְיָה מִן כלהון״#ק#כָּלְּהֵין״ דְּחִילָה יַתִּירָה שניה״#ק#שִנַּהּ״ דִּי פַרְזֶל וְטִפְרַיהּ דִּי נְחָש אָכְלָה מַדֲּקָה וּשְאָרָא בְּרַגְלַיהּ רָפְסָה׃
02:7 וְעַל קַרְנַיָּא עֲשַׂר דִּי בְרֵאשַהּ וְאָחֳרִי דִּי סִלְקַת ונפלו״#ק#וּנְפַלָה״ מִן־קדמיה״#ק#קֳדָמַהּ״ תְּלָת וְקַרְנָא דִכֵּן וְעַיְנִין לַהּ וְפֻם מְמַלִּל רַבְרְבָן וְחֶזְוַהּ רַב מִן חַבְרָתַהּ׃
12:7 חָזֵה הֲוֵית וְקַרְנָא דִכֵּן עָבְדָה קְרָב עִם קַדִּישִין וְיָכְלָה לְהוֹן׃
22:7 עַד דִּי אֲתָה עַתִּיק יוֹמַיָּא וְדִינָא יְהִב לְקַדִּישֵי עֶלְיוֹנִין וְזִמְנָא מְטָה וּמַלְכוּתָא הֶחֱסִנוּ קַדִּישִין׃
32:7 כֵּן אֲמַר חֵיוְתָא רְבִיעָיְתָא מַלְכוּ רביעיא״#ק#רְבִיעָאָה״ תֶּהֱוֵא בְאַרְעָא דִּי תִשְנֵא מִן כָּל מַלְכְוָתָא וְתֵאכֻל כָּל אַרְעָא וּתְדוּשִנַּהּ וְתַדְּקִנַּהּ׃
42:7 וְקַרְנַיָּא עֲשַׂר מִנַּהּ מַלְכוּתָה עַשְׂרָה מַלְכִין יְקֻמוּן וְאָחֳרָן יְקוּם אַחֲרֵיהוֹן וְהוּא יִשְנֵא מִן קַדְמָיֵא וּתְלָתָה מַלְכִין יְהַשְפִּל׃
52:7 וּמִלִּין לְצַד עליא״#ק#עִלָּאָה״ יְמַלִּל וּלְקַדִּישֵי עֶלְיוֹנִין יְבַלֵּא וְיִסְבַּר לְהַשְנָיָה זִמְנִין וְדָת וְיִתְיַהֲבוּן בִּידֵהּ עַד עִדָּן וְעִדָּנִין וּפְלַג עִדָּן׃
62:7 וְדִינָא יִתִּב וְשָלְטָנֵהּ יְהַעְדּוֹן לְהַשְמָדָה וּלְהוֹבָדָה עַד סוֹפָא׃
72:7 וּמַלְכוּתָה וְשָלְטָנָא וּרְבוּתָא דִּי מַלְכְוָת תְּחוֹת כָּל שְמַיָּא יְהִיבַת לְעַם קַדִּישֵי עֶלְיוֹנִין מַלְכוּתֵהּ מַלְכוּת עָלַם וְכֹל שָלְטָנַיָּא לֵהּ יִפְלְחוּן וְיִשְתַּמְּעוּן׃
82:7 עַד כָּה סוֹפָא דִי מִלְּתָא אֲנָה דָנִיֵּאל שַׂגִּיא רַעְיוֹנַי יְבַהֲלֻנַּנִי וְזִיוַי יִשְתַּנּוֹן עֲלַי וּמִלְּתָא בְּלִבִּי נִטְרֵת׃