|
|
CAL CODE HELP CLICK HERE |
|
|
CAL CODE HELP CLICK HERE |
81050: TgTospr (Targumic Toseftot to the Prophets)
click on a word for lexical analysis
Click on a red-colored coordinate for comments and/or translations of the line
10:73 41koob (3_laid,2bus) 131rehsaK שרת עלי רוח נבואה מן קדם יי ואפקני ברוח נבואה דשרת עלי מן קדם יי ואשרייני בגו בקעתא חדא ומלייא גרמין והדין גרמייא דנפקו ממצרים בכוחהון דלא איעכבו עד זמן קיצא דיי והוה גברא במצרי<ם> [ב]יומא ההוא ושמיה יאיר והוא הוה רב שיבטיא דבית אפרים אמר להון בעידנא ההוא כולהון בית ישׂר<אל> הוו קיימין בעינויא ובפולחנא קשיא ואנן הכי הוינן עבדין יתהון מאתן ואלפין גברין בני חילא ונפקו ממצרים ואתגאו בלא פורקנא דיי ובכן מסרינון יי ביד מלכא דגת וקטל יתהון גנון ועבדוהי ואשרייני בגו ההיא בקעתא ובזמן פורקנא לא דבר יי ית ישׂר<אל> בההיא בקעתא דילמא יזעזעון ו[ה]היא בקעתא מלייא גרמי אינשא
