The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

10:70 ועאל מלכא והמן למשתי חמרא עם אסתר מלכתא
20:70 ואמר מלכא לאסתר אוף ביומא תנינא במשתיא דחמרא מה שאלתיך אסתר מלכתא ויתיהב ליך ומה בעותיך עד פלגות מלכותא ותתעבד
30:70 ואתיבת אסתר מלכתא ואמרת אין אשכחת רחמין קדמך מלכא ואין קדם מלכא שפיר תתיהב לי שזוב נפשי מן ידא דסנאה בשאלתי ופורקן עמי מן ידא דבעל דבבא בבעותי
40:70 ארי אזדבננא מגן אנא ועמי בית ישראל לשיצאה ולמקטל ולאובדא ואלו לעבדין ולאמהן אזדבננא שתקת ארום לית למעיקא טומין ורוחא באזניקא דמלכא
50:70 ואמר מלכא אחשורוש ואמר לאסתר מלכתא מן הוא דין ובאידין אתר הוא גברא חציפא וחייבא ומרודא די אמלכיה בלביה למעבד כדין
60:70 ואמרת אסתר גברא מעיקא ובעל דבבא המן ביש הדין והמן אישתעמים מן קדם מלכא ומלכתא
70:70 ומלכא קם ברתחה ממשתיא דחמרא ואזל לגנתא גואה והמן קם למתבע על נפשה חיותא מאסתר מלכתא ארום חזא ארום אסתקפת עלוהי בישתא מלות מלכא
80:70 ומלכא תב ברתחיה מגנתא גואה לבית משתיא דחמרא והמן גחין על דרגש דאסתר יתבא עלהא ותוה מלכא ואמר הא בקושטא לא אתא המן אלהן למשכב עם מלכתא כד אנא שרי בביתא פתגמא נפק מפום מלכא ואפוי דהמן אתחפיו בהתא
90:70 ואמר חרבונא חד מן רברבניא קדם מלכא הא קיסא דזמן המן למצלב ית מרדכי דמלל טבא בגין מלכא קאמא בביתא דהמן רומיה חמשין אמין ואמר מלכא אזלו וצלבו יתיה עלוהי

01:70 וצלבו ית המן על קיסא דזמן למרדכי ורתחא דמלכא אישתדכת