|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
62:43 2 ולות מליך שבטא דבית יהודה דשדר יתכון למתבע אולפן מן קדם ייי כדנן תימרון ליה כדנן אמר ייי אלהא דישראל פתגמיא די שמעתא׃
72:43 2 מן בגלל דאתמסי לבבך ואתכנעתא מן קדם מימרא דייי כד שמעתא ית פתגמוי על אתרא הדין ועל יתבוהי ואתכנעתא מן קדמיי ובזעתא ית לבושך ובכיתא קדמיי ואוף קדמיי שמיע אמר ייי׃
82:43 2 הא אנא מכנש יתך לות אבהתך ותתכנש לבית קבורתך בשלם ולא תתחמיין עינך בכל בישתא די אנא מייתי על אתרא הדין ועל יתבוהי ואתיבו ית מלכא פתגמא׃
92:43 2 ושדר מלכא וכנש ית כל סבי יהודה וירושלם׃
03:43 2 וסליק מלכא לבית מקדשא דייי וכל אנש יהודה ויתבי ירושלם וכהניא וליואי וכל עמא למן רבא ועד זעירא וקרא קומיהון ית כל פתגמי ספרא דקיימא דאשתכח בבית מקדשא דייי׃
13:43 2 וקם מלכא על אסטווניה וגזר ית קיימא קדם ייי למהך בתר דחלתא דייי ולמטר ית פקודוי וסהידוותיה וקיימוי בכל לבביה ובכל נפשיה למעבד ית פתגמי קיימא דכתיבין על ספרא הדין׃
23:43 2 ואקים ית כל דמשתכח בירושלם ובנימן ועבדו יתבי ירושלם בקיימא דייי אלהא דאבהתהון׃
33:43 2 ועטר יאשיה ית כל תועבתא מכל ארעתא די לבני ישראל ושעביד ית כל דמשתכח בירושלם למפלח ית ייי אלההון כל יומוי לא עדו מבתר פולחנא דייי אלהא דאבהתהון׃
