10:22 2 ואמליכו יתבי ירושלם ית אחזיהו בריה זעירא באתרוהי ארום כלהון קדמאי קטלו משריא דאתא עם ארבאי למשריית פלשתאי ואפריקאי ומליך אחזיהו בר יהורם מליך שבטא דבית יהודה׃

20:22 2 בר ארבעין ותרתין שנין אחזיהו כד מלך ושתא חדא מלך בירושלם ושום אמיה עתליהו בת עמרי׃
30:22 2 אוף הוא אזל באורחת אנשי בית אחאב ארום אמיה הות ממלכא יתיה לאתחייבא׃
40:22 2 ועבד דביש קדם ייי היכמה דעבדו אנשי בית אחאב מטול דאנון הוון ליה ממלכין בתר דמית אבוי לחבלא ליה׃
50:22 2 אוף במלכתהון אזל והליך עם יהורם בר אחאב מלכא דישראל לקרבא על חזאל מלכא דארם ברמת גלעד וקטלו ארמאי ית יורם׃
60:22 2 ותב לאתסאה ביזרעאל ארום מחיא די מחוהי ברמתא באגחותיה עם חזאל מלכא דארם ועזריהו בר יהורם מליך שבטא דבית יהודה נחת למחמי ית יהורם בר אחאב ביזרעאל ארום מרע הוא׃
70:22 2 ומן קדם ייי הות תסקפת אחזיהו למיתי לות יורם וכד אתא נפק עם יהורם לות יהוא בר נמשי די רבייה אליהו על פם מימרא דייי לשיצאה ית בית אחאב׃
80:22 2 והוה כד אידיין יהוא עם בית אחאב ואשכח ית רברבי יהודה ובני אחי אחזיהו משמשין לאחזיהו וקטלינון׃
90:22 2 ותבע ית אחזיהו ואחדוהי והוא מטמר בשמרון ואתיוהי לות יהוא וקטליה וקברוהי ארום אמרו בריה דיהושפט הוא די תבע ית דחלתא דייי בכל לביה ולא אית לבית אחזיהו גבר דליה חילא למיחד מלכותא׃
01:22 2 ועתליהו אמיה דאחזיהו חמת ארום מית ברה וקמת וקטלת ית כל זרעא דמלכותא די לאנש בית יהודה׃
11:22 2 ונסיבת יהושבעת ברת מלכא ית יואש בר אחזיהו דילידת ליה צביה מן באירא דשבע וגניבת יתיה ממצע בני מלכא דאתקטילו ויהבת יתיה וית תורבינתיה בקדש קודשיא וטמרתיה יהושבעת ברת מלכא יהורם אתת יהוידע כהנא ארום היא הות אחתיה דאחזיהו מן קדם עתליהו ולא קטלתתיה׃
21:22 2 והוה עמהון בבית מקדשא דייי מטמר שית שנין ועתליה מלכת על ארעא דישראל׃