20:91 2 ונפק לקדמוי יהוא בר חנני סכותא״סכואה#1#״ ואמר למלכא יהושפט הכשר לך דעם חייבא הליכתא לסייעא ולסנאי ייי תרחים ובדא אית עלך רוגזא מן קדם ייי׃

30:91 2 ברם פתגמין טבין אשתכחו עמך ארום פלית אשירתא מן ארעא וכוינתא״ואתקנתא#1#״ לבך למתבע אולפן מן קדם ייי׃
40:91 2 ויתיב יהושפט בירושלם ותב ונפק לאלפא בעמא מבאירא דשבע עד טוורא דבית אפרים ואתיבנון לדחלתא דייי אלהא דאבהתהון׃
50:91 2 ואקים דיינין בארעא בכל קרוי יהודה כריכן מקרי לקרי׃
60:91 2 ואמר לדייניא חמון מה אתון עבדין ארום לא קדם בני נשא אתון דיינין ארום קדם מימרא דייי ושכנתיה שריא עמכון בעיסק דינא׃
70:91 2 וכדון יהי דחלתא דייי עליכון אסתמרו ועבידו ארום לית קדם ייי אלהנא שקר ומיסב אפין וקבלות שחדא׃
80:91 2 ואוף בירושלם אקים יהושפט מן ליואי וכהניא ומרישי אבהתא דבית ישראל לדינא קדם ייי ולמלי מצותא ותבו לירושלם׃
90:91 2 ופקיד עליהון למימר הכדין תעבדון בדחלתא דייי בהימנותא וקשטא ובלב שלים׃
01:91 2 וכל מצו די יעול לותכון מאחוכון דיתבין בקרויהון בין גברא דחייב דין קטול לגברא דזכאי מן דין קטול ביני אוריתא לתפקידתא לקיימיא ולדיניא ותזהרון יתהון ולא יתחייבון קדם ייי ויהא רוגזא עליכון ועל אחוכון הכדין תעבדון ולא תתחיבון׃
11:91 2 והא אמריהו כהנא רבא דממנא לריש עליכון לכל פתגמא דייי וזכריהו בר ישמעאל ארכונא לבית יהודה לכל פתגמא דמלכא וסרכיא ליואי קדמיכון תקופו ועבידו ויהא מימרא דייי בסעדכון דטבא׃