71:90 2 ועבד מלכא כורסיא דשן דפיל רבא וחפהי דהב דכי׃

81:90 2 ואשתה מסוקיין לכורסיא וכיבש בדהבא סגלגלי כורסא מדבקין ביה ואשדית מכא ומכא על אתר בית מותבא ותרין אריוון קיימין כל קבל אשדיתא׃
91:90 2 ותריסר אריוון קיימין תמן על שית מסוקיין מכא ומכא לא אתעבד היכנא לכולהון מלכוותא׃
02:90 2 וכלהון מאני משתיא דמלכא שלמה דהב וכל מאני בית מקירת מלכיא דהב טב לית בהון כספא ארום לא אתחשיב סימא ביומי שלמה למדעם׃
12:90 2 ארום אלפיא למלכא דאזלין לאפריקייה עם עבדי חורם חד לתלת שנין אתאן אלפיא אפריקייה טעינן דהבא וסימא ושן דפיל וקופין וטווסין׃
22:90 2 ורבא מלכא שלמה מן כלהון מלכי ארעא לעותר ולחכמתא׃
32:90 2 וכלהון מלכי ארעא בען ית סבר אפי דשלמה למשמע ית חכמתיה די יהב ייי בלביה׃
42:90 2 והינון מייתין לשלמה גבר דורוניה מאני סימא ומאני דהבא ופולדיסין דבוץ זיני קרבא ובוסמין סוסוון וכודנין גזירת שנא בשנא׃
52:90 2 והוה לשלמה ארבע אלפין אוריין דסוסוון וארתכין ותריסר אלפין פרשין ואשרנון בקרוי ארתיכיא בר מן מה דהוו עם מלכא בירושלם׃
62:90 2 והוה שליט בכלהון מלכיא מן פרת ועד ארעא דפלשתאי ועד תחום מצרים׃
72:90 2 ויהב מלכא ית סימא בירושלם זליל הי כאבניא וית ארזיא יהב בזילותא הי כשקמיא די בשפלתא לסוגי׃
82:90 2 ומפקין סוסוון ממצרים לשלמה ומן כלהון ארעאתא׃
92:90 2 ומותר מלי שלמה קדמאי ובתראי הלא אנון כתיבין על פתגמי נתן נביא ועל נביאותיה דאחיה דמן שילה ובחזוונא דיעדו נביא דאתנביאו על ירבעם בר נבט׃
03:90 2 ומליך שלמה בירושלם על כלהון ישראל ארבעין שנין׃
13:90 2 ושכיב שלמה עם אבהתוי וקברו יתיה בקרתא דדוד אבוי ומליך רחבעם בריה באתרוי׃