01:20 2 ואמר חורם מלכא דצור בכתבא ושדר לשלמה בדרחם ייי ית עמיה מני יתך עליהון למלכא׃

11:20 2 ואמר חורם בריך ייי אלהא דישראל די עבד ית שמיא וית ארעא דיהב לדוד מלכא בר חכים ידע סוכלתנו וביונתא די יבנה בית מקדשא לשמא דייי וביתא למלכותיה׃
21:20 2 וכדון שדרית גבר חכים ידע ביונתא לחורם רבא׃
31:20 2 בר אתתא מבנת דן ואבוהא דאתתא משבט נפתלי ואתנסיבת לגבר דמן צור ואבוהי דחירם צוארה ידע למעבד עבידתא בדהבא ובכספא ובנחשא ובפרזלא באבניא ובקיסיא בארגונא בתכלא ובוצא ובזהוריתא ולמגלף כתב מפרש וגליף ולאלפא כל אומנוון די יתיהב ליה עם חכימייך ועם חכימי רבוני דוד אבוך׃
41:20 2 וכדון חטין ושערין ומשחא וחמרא די אמר רבוני ישדר לעבדוהי׃
51:20 2 ואנחנא נקוץ קיסין מן לבנן הי ככל צורכך וניתנון לך תורגסין לימא דיפו ואנת תסיק יתהון לירושלם׃
61:20 2 ומני שלמה ית כל תותביא דדיירין בארעא דישראל מן בתר מנינא דמנינון דוד אבוהי ואשתכחו מאה וחמשין אלפין ותלתא אלפין ושית מאה׃
71:20 2 ועבד מנהון חבורן שובעין אלפין דמסוברין בכתפא ותמניא אלפין דפסלין בטוורא ותלתא אלפין ושית מאה דשלטין מטול לאפלחא ית עמא׃