CAL CODE HELP CLICK HERE
click on the file description for more information

81011: TgChron2 01

click on a word for lexical analysis
Click on a red-colored coordinate for comments and/or translations of the line

previous chapter


10:10 2 ואתוקף שלמה בר דוד על מלכותיה ומימרא דייי אלהיה הוה בסעדיה ורבייה לעילא׃
20:10 2 ואמר שלמה לכל ישראל לרבני אלפין ומאוותא ולדייניא ולכל רבא לכל ישראל רישי אבהתא׃
30:10 2 ואזלו שלמה וכל קהלא עמיה לרמתא די בגבעון ארום תמן הוה משכן זמנא דייי דעבד משה עבדא דייי במדברא׃
40:10 2 ברם ארונא דייי אסיק דוד מקרית יערים כד אתקין ליה דוד ארום פרש ליה משכנא בירושלם׃
50:10 2 ומדבחא דנחשא די עבד בצלאל בר אורי בר חור שוי קדם משכנא דייי ותבעיה שלמה וקהלא׃
60:10 2 ואסיק שלמה תמן על מדבחא דנחשא קדם ייי די במשכן זמנא ואסיק עלוי עלוון אלפא׃
70:10 2 בליליא ההוא אתגלי ייי לשלמה ואמר ליה תבע מה אתן לך׃
80:10 2 ואמר שלמה קדם ייי את עבדתא עם דוד אבא טבתא רבתא ואמליכתא יתי באתרוהי׃
90:10 2 דון ייי אלהים יהי מהימן פתגמך דמלילתא עם דוד אבא ארום אנת אמלכתני על ישראל עם סגי הי כעפרא דארעא׃
01:10 2 כדון חכמתא ומנדעא הב לי ואפוק קדם עמא הדין ואיעול ארום מן יספק למדן ית עמך הדין רבא׃
11:10 2 ואמר ייי לשלמה חלף דהות דא מחשבתא עם לבבך ולא תבעתא עותר ונכסין ויקר וית נפשאת שנאך ואוף יומין סגיעין לא שיילתא ושיילתא לך חכמתא ומנדעא די תספיק למדן ית עמי דאמליכתך עלוהי׃

21:10 2 חכמתא ומנדעא יהיבין לך ועותרא ונכסין ויקר אתן לך די לא היכנא למלכיא די קדמך ומן בתרך לא יהא כן׃

31:10 2 ואתא שלמה לרמתא די בגבעון ומתמן לירושלם לקדם משכן זמנא ומלך על ישראל׃
41:10 2 וכנש שלמה ארתכין ופרשין והוו ליה אלפא וארבע מאה ארתכין ותריסר אלפין פרשין ואשרנון בקרוי רתיכיא בר מן מה דהוו עם מלכא בירושלם׃
51:10 2 ויהב שלמה ית כספא וית דהבא מזדלזלין בירושלם הי כאבניא וית ארזיא יהב הי כשקמיא די בשפלתא לסוגי׃
61:10 2 ומפקנות סוסוותא דלשלמה ממצרים ומזון דזבנין תגרי מלכא לית איפשר דיזבנון מזון אלא הן מן מלכא בדמין׃
71:10 2 ומסקין ומפקין ממצרים רתיכא בשית מאה סלעין דכסף וסוסא במאה וחמשין והכדין לכלהון מלכי חתאי ומלכי ארם על ידיהון מפקין׃
81:10 2 ואמר שלמה למבני בית מקדשא לשמא דייי וביתא למלכותיה׃


next chapter