10:72 1 ובני ישראל למניניהון רישי אבהן ורבני אלפין ומאותא וסרכיהון דמשמשין ית מלכא לכל עיסק פלגוותא דעיילא ודנפקא ירח בירח לכולהון ירחי שתא פלוגתא חדא עסרין וארבעא אלפין׃

20:72 1 על פלוגתא קדמית׳ לירחא דניסן ישבעם בר זבדיאל ועל פלוגתיה עסרין וארבעא אלפין׃
30:72 1 מן בני פרץ ממנא לרישא לכל רבני חילוותא לירחא קדמאה׃
40:72 1 ועל פלוגתא דירחא דאייר דודי מדרעית אחוח ופלוגתיה מקלות נגודא ועל פלוגתיה עסרין וארבעא אלפין׃
50:72 1 רב חילא תליתייה לירחא דסיון בניה בר יהוידע כהנא ממנא לרישא ועל פלוגתיה עסרין וארבעא אלפין׃
60:72 1 הוא בניה גברא כל קבל תלתין ולעיל מתלתין ופלוגתיה עמיזבד בריה׃
70:72 1 רביעאה לירחא דתמוז עשהאל אחוי דיואב וזבדיה בריה אתמנא בתרוי ועל פלוגתיה עסרין וארבעא אלפין׃
80:72 1 חמישאה לירחא דאב רבא שמהות דמזרעית יזרח ועל פלוגתיה עסרין וארבעא אלפין׃
90:72 1 אשתאה לירחא דאלול עירא בר עקש דמן תקוע ועל פלוגתיה עסרין וארבעא אלפין׃
01:72 1 תמינאה לירחא דמרחשון סבכי דמן זרעית חושי לבית זרח ועל פלוגתיה עסרין וארבעא אלפין׃
11:72 1 תמינאה לירחא דמרחשון סבכי דמן זרעית חושי לבית זרח ועל פלוגתיה עסרין וארבעא אלפין׃
21:72 1 תשיעאה לירחא דכסליו אביעזר דמן ענתות לשיבט בנימן ועל פלוגתיה עסרין וארבעא אלפין׃
31:72 1 עשיראה לירחא דטבת מהרי דמן נטופא לזרעית זרח ועל פלוגתיה עסרין וארבע[א] אלפין׃
41:72 1 חדסיראה לחדסר ירחא דשבט בניה דמן פרעתון מן בני אפרים ועל פלוגתיה עסרין וארבעא אלפין׃
51:72 1 תריסראה לתריסר ירחא דאדר חלדי דמן נטופא לזרעית עתניאל ועל פלוגתיה עסרין וארבעא אלפין׃
61:72 1 ועל שבטיא דישראל לשיבט ראובן נגודא אליעז[ר] בר זכרי לשיבט שמעון שפטיהו בר מעכה׃
71:72 1 לשיבט לוי חשביה בר פמואל לבית אהרן צדוק׃
81:72 1 לשיבט יהודה אליהו מאחי דוד לשיבט יששכר עמרי בר מיכה׃
91:72 1 לשיבט זבולן ישמעיהו בר עובדיהו לשיבט נפתלי ירימות בר עזריאל׃
02:72 1 לבני אפרים הושע בר עזזיהו לפלגות שבטא דמנשה יואל בר פדהיהו׃
12:72 1 לפלגות שבטא דמנשה דבגלעד ידו בר זכריהו לשיב[ט] בנימן יעשיאל בר אבנר׃
22:72 1 לשיבט דן עזראל בר ירוחם אלין רברבי שבטיא דישראל׃
32:72 1 ולא קביל דוד ית חושבנהון למבר עסרין שנין ולרע ארום אמר ייי לאסגעא ית ישראל הי ככוכבי שמיא׃
42:72 1 יואב בר צרויה שרי לממנא ית ישר[אל] ולא ספיק לממני עד דהוה על דא רוגזא על ישראל ומיתו במותנא ולא סליק מניינא הי כמניין בפתגמי יומיא דלמלכא דוד׃
52:72 1 ועל תסברי בית מלכא עזמות בר עדיאל ועל אוריריה דבחקלה בקוריתה ובכופרניה ובמוגדליא יהונתן בר עזיהו׃
62:72 1 ועל עבדי עבידתא בחקלא לפולחנא דארעא עזרי בר כלוב׃
72:72 1 ועל כרמיא שמעי דמן רמתא ועל עבידתא דבכרמיא למרתפיא דחמרא זבדי דמן שפם׃
82:72 1 ועל זיתיא ושקמיא די בשפלתא בעל חנן דמן גדר ועל משחא יועש׃
92:72 1 ועל תורי דרען במשרא שרטי דמן שרון ועל תורי די בעמקאיא שפט בר עדלי׃
03:72 1 ועל גמליא אוביל ערבאה ועל אתנן יחדיה דמן מרון׃
13:72 1 ועל ענא יזיז הגראה כל אלין רבני קניינא די למלכא דוד׃
23:72 1 ויהונתן אחבוי דדוד מליך גבר סוכלתן וספרא הוא ויחיאל בר חכמוני עם בני מלכא׃
33:72 1 ואחיתופל מליך למלכא וחושי אורכאה״ארכאה#1#״ \שושבינא דמלכא׃ ״חברא למלכא#1#״
43:72 1 וכד הוון צריכין למפק בקרבא מתמלכין באחיתפל ומן בתר מלכת אחיתפל הוו שאלין באוריא ותומיא מן יהוידע בר בניהו ריש סנהדרין אמרכלא דכהניא ומן אביתר כהנא רבא ומן דשאלין באוריא ותומיא נפקין לקרבא מזרזי חילא קשתיא וקלעיא ועליהון רב חילא די למלכא יואב׃