20:02 1 ונסיב דוד ית כליל מלכהון מעל רישיה ואשכחה מתקל קנטינר דדהבא סנינא ״ובה קביעא אבן טבא דהוה טימין דידה קנטינר דדהבא סנינא#1#״ היא הות אבנא שאיבתא דסוברא ית רימוץ דהבא באוירא והות על ריש דוד ועדי קרתא אפיק סגי לחדא׃

30:02 1 וית עמא דיבה אגלי ומסאר יתהון במסארין ובמוריגי סיפורין״סמפורין#2#״ דפרזלא והכדין עבד דוד לכל קרוי בני עמון ותב דוד וכל עמא לירושלם׃
40:02 1 והות מן בתר כדין וקמת קרבא בגזר עם פלשתאי בכן קטל סבכי דמן חושת ית ספיי מבני ערפה דמן גברייה׃
50:02 1 והות תוב קרבא עם פלשתאי וקטל דוד בר ישי הוא גברא חסידא דהוה מתער משנתיה בפלגות ליליא לשבחא קדם ייי ית לחמי אחוהי דגלית ביומא דקטל ית גלית דמן גת ואעא דמורניתיה הי כאכסן דגרדאין׃
60:02 1 והות תוב קרבא בגת והוה תמן גבר דמכילתא וצבעתיה אשתא בכל ידא ואשתה בכל רגלא סכומהון עשרין וארבעא ואוף הוא אתיליד לערפה מן גבריא׃
70:02 1 וחסד ית ישר׳ וקטל יתיה יהונתן בר שמעא אחוהי דדוד׃
80:02 1 אלין אתילידו לערפה בגת ואתמסרו ביד דוד וביד עבדוהי׃