70:71 1 וכדון כדנן תימר לעבדי לדוד כדנן אמר ייי צבאות אנא דברתך מן דירא מן בתר ענא למהוי מלכא על עמי ישר׳׃

80:71 1 והוה מימרי בסעדך בכל אתר דהליכתא ושיציתי ית כל בעלי דבבך מן קדמך ועבדית לך שום טב כשום אבהת עלמא רברבייה דהוון בארע׳׃
90:71 1 ואשוי אתר מתקן לעמי ואקיימנון וישרון באתרהון ולא יזועון תוב ולא יוספון בני רשעא למלעי יתהון כמה דסגיפונון בקדמיתא׃
01:71 1 ולמן יומיא דפקידית נגודיא על עמי ישר<על> ותברית ית כל בעלי דבבך וחויתי לך ארום מלכו יקיים לך ייי׃
11:71 1 ויהא ארום ישלמון יומיך למהך עם אבהתך ואקים ית בנך בתרך בר דתוליד ואתקין ית מלכותיה׃
21:71 1 הוא יבני לי בית מקדשא לשמי ואתקין ית כורסי מלכותיה עד עלמא׃
31:71 1 אנא אחבב יתיה כאבא לבריה והוא יהא חביב קדמי כברא לאבא וטובי לא אעדי מניה היכמה דעדיתי מן שאול דהוה מליך מן קדמך׃
41:71 1 ואקיימניה מהימן בעמי בבית מקדשי ובמל{ו}כ<ו>תי עד עלמא וכורסי מלכותיה יהא מתקן עד עלמא׃
51:71 1 הי ככל פתגמיא האלין והי ככל בנבואתא הדא מליל נתן עם דויד׃
61:71 1 ואתא מלכא דוד ואשתהי בצלותא קד׳ ה׳ ואמר לית אנא כמסת ה׳ אלהים ומן ביתי אמטיתני עד הלכא למחסן מלכותא׃
71:71 1 והות קלילא דא קדמך אלהים ומלילתא על בית עבדך לעלמא דאתי ואחזייתני למקם בסדר גבריא ה׳ אלהים׃
81:71 1 מה יוסיף תוב דוד למלל׳ קדמך ואת עבדתא בעותא דעבדך ליקרא יתיה ואנת ית עבדך ידעתא׃
91:71 1 ה׳ בגין עבדך וכרעותך עבדתא ית כל רבותא הדא להודעא ית עבדך ית כל רברבתא׃
02:71 1 ה׳ לית דכוותך ולית אלה בר מנך בכל די שמענא ואמרו קדמנא׃
12:71 1 ומן כעמך ישראל עמא יחידאי ובחיר בארעא דאתגלי מלאך שליח מן קדם ה׳ למפרק ליה עם ולשואה ליה שום ולמעבד להון רברבן וחסינן לתרכא מן קדם עמך דפרקתא ממצרים עממיא׃
22:71 1 ואתקינתא ית עמך ישראל לך לעם עד עלמא ואת הויתא להון לאלה׃
32:71 1 וכדון ה׳ פתגמא די מלילתא על עבדך ועל ביתיה יהא מהימן עד עלמא ועבד היכמה דמלילתא׃
42:71 1 ויהא מהימן ויתרבי שמך עד עלמא ה׳ מרי חילוותא ה׳ אלהא דישראל אלהא לישראל ובית דוד עבדך יהא מתקן קדמך׃
52:71 1 את ה׳ חויתא לעבדך למימר מלכו אקיים לך בגין כן אשכח עבדך פתחא דפומא לצלאה קדמך׃
62:71 1 וכדון ה׳ את הוא אלהא דמלילתא על עבדך ית טבתא הדא׃
72:71 1 וכדון שריתא לברכא ית בית עבדך למהוי קיים לעלמא קדמך ארום את ה׳ בריכתא ומברך יהי לעלמא׃