60:50 1 בארה בריה הוא בארה נביא דאוביל בגלותא תגלת פלנאסר מלכא דאתור והוא הוה אמרכול לשיבט ראובן׃

70:50 1 ואחוהי לגניסתהון לאתיחסא לגניסתהון די ממנן עליהון לרישא יעיאל וזכריהו׃
80:50 1 ובלע בר עזז בר שמע בר יואל הוא יתיב בערער ועד נבו ועד מישר מעון׃
90:50 1 ולמדינחא יתיב עד מעלי למדברא ומן נהר פרת ארום גיתיהון גיתיהון סגיעו בארעא דגלע׳׃
01:50 1 וביומי שאול עבדו קרבא עם הונגראיי ונפלו בידיהון ויתיבו במשכניהון על כל אפי מדנח גלעד׃
11:50 1 ובני גד לקבליהון יתיבו בארע בותנן עד סלווכיה׃
21:50 1 יואל ריש סנהדרין ושפם רב בית אולפנא ויעני דיינא בבותנן׃
31:50 1 ואחוהון לבית אבהתהון מיכאל ומשלם ושמע ויורי ויעכן וזיע ועבר שבעתיהון נגודיא׃
41:50 1 אליין בני אביחיל בר חורי בר ירוח בר גלעד בר מיכאל בר ישישי בר יחדו בר בוז׃
51:50 1 אחי בר עבדאל בר גוני מתמנא לרישא לבית אבהתהון׃
61:50 1 ויתיבו בגלעד בבותנן ובכופרנהא ובכל פרוולי מישרא על מפקניהון׃
71:50 1 כולהון אתיחסו ביומי יותם מליך שבטא דבית יהודה וביומי ירבעם מלכא דישראל׃
81:50 1 בני ראובן וגד ופלגות שבטא דמנשה מן גברי חילא גוברין נטלי תריסין ומזרזי סייפין ונגדי קשתא ומאולפי קרבא ארבעין וארבעא אלפין ושבמאה ואישתין נפקי חילא׃
91:50 1 ועבדו קרבא עם הונגראיי ויטור ונפיש ונודב׃
02:50 1 וסייעו עליהום אחיהון בית ישראל ואתמסרן בידיהון הונגראיי וכל דעמהון ארום קדם ה׳ צלו בקרבא וקבל צלותהון ארום אתרחיצו במימריה׃
12:50 1 ושבו גיתיהון גמליהון חמשין אלפין ועאן מאתן וחמשין אלפין וחמרין תרין אלפין ונפשא דבני נשא מאה אלפין׃
22:50 1 ארום קטילין סגיעין נפלו ארום מן קדם מימרי דה׳ קרבא ויתיבו באתריהון עד גלותא דסנחריב מלכ׳ דאתור׃
32:50 1 ובני פלגות שבטא דמנשה יתיבו בארעא מן בותנן עד מישר חרמון וטור מסרי פירוי וטור חרמון הנון סגיעו׃
42:50 1 ואילין רישי בית אבהתהון עפר וישעי ואליאל ועזריאל וירמיה והודויה ויחדיאל גוברין ג{ו}<י>ברי חילא אנשי שמהן מתמנן רישין לבית אבהתהון׃
52:50 1 ושקרו באלהא אבהתהון וטעו בתר טעות עמי ארע׳ דשיצי ה׳ מן קדמיהון׃
62:50 1 וגרי מימריא דאלהא דישראל ית תגראת פול מלכא דאתור וית תגראת תלגת פלנסר מלכא דאתור ואגלונון לשיבט ראובן לשיבט גד ולפלגות שיבט מנשה ואיתיאונון לחלח וחבור טורי קבלא ונהר גוזן עד יומא הדין׃
72:50 1 בני לוי <٠٠٠>׃
82:50 1 ובני קהת <٠٠٠>׃
92:50 1 ובני עמרם <٠٠٠>׃
03:50 1 אלעזר אוליד ית פינחס פינחס אוליד ית אבישוע׃
13:50 1 ואבישוע אוליד ית בקי ובקי אוליד ית עזי׃
23:50 1 ועזי אוליד ית זרחי׳ וזרחיה אוליד ית מריות׃
33:50 1 מריות אוליד ית אמריה ואמריה אוליד ית אחיטוב׃
43:50 1 ואחיטו׳ אוליד ית צדוק וצדוק אוליד ית אחימעץ׃
53:50 1 ואחימעץ אוליד ית עזריה ועזריה אוליד ית יוחנן׃
63:50 1 ויוחנן אוליד ית עזריה הוא דאתמנא לכהין בביתא די בנא שלמ׳ בירושלם׃
73:50 1 ואוליד עזריה ית אמריה ואמריה אוליד ית אחיטוב׃
83:50 1 ואחיטוב אוליד ית צדוק וצדו׳ אוליד ית שלום׃
93:50 1 ושלום אוליד ית חלקיה וחלקיה אוליד ית עזריה׃
04:50 1 ועזרי׳ אוליד ית שריה ושריה אוליד ית יהוצדק׃
14:50 1 ויהוצדק אזל בגלותא כד אגלי ה׳ ית אנש יהודה ויתבי ירושלם ביד נבוכדנצר׃