The Comprehensive Aramaic Lexicon

10:40 1 בני יהודה פרץ וחצרון׃
20:40 1 וראיה בר שובל אוליד ית יחת ויחת אוליד ית אחומי וית להד אלין זרעית יהודה ויתבין בצרעה׃
30:40 1 ואלין רבניא דיתבין בעיטם יזרעאל וישמא וידבש ושום אחתהון הצללפוני׃
40:40 1 ופנואל אבא דגדור ועזר אבא דחושה אלין בני חור בוכרא דאפרת היא מרים ואתמנא רבא בבית לחם׃
50:40 1 ולאשחור רבא דתקוע הוון תרתין נשין חלא׳ ונערה׃
60:40 1 וילידת ליה נערה ית אחזם וית חפר וית תמני וית אחשתרי אלין בני נערה׃
70:40 1 ובני חלאה צרת <٠٠٠>׃
80:40 1 וקוץ אוליד ית ענוב וית צובבה וגניסת אחרא׳ הוא חור בוכרא דמרים׃
90:40 1 והוה יעבץ הוא עתניאל יקיר וחכים באוריתא יתיר מן אחוהי ואמיה קרת שמיה יעבץ למימר ארום בצערא ילדתיה׃
01:40 1 וצלי יעבץ לאלהא דישראל למימר אין ברכא תברכנני בבניא ותסגי ית תחומי בתלמידיא ותהי ידך עמי במשקל ומ{כ}<ט>רא ותעביד לי חבריא דיכמתי מן בגלל דלא ירגזינני יצרא בישא ואייתי ה׳ ית מה דשאיל׃
11:40 1 וכלוב אחוי דשוחא אוליד ית פירוג הוא אבא דאשתון׃
21:40 1 ואשתון אוליד ית בית רפא וית פסח וית תחנה אבי עיר נחש אליין אנשי סנהדרין רבתא׃
31:40 1 ובני קנז עתניאל הוא יעבץ ושריה ובני עתניאל חתת׃
41:40 1 ומעונותי אוליד ית עפרה ושריה אוליד ית יואב רב חילא דאומניא ארום אומניא הוו׃
51:40 1 ובני כלב בר יפנה הוא חצרון והוון צווחין ליה כלב בר יפנה מטול דפני לביה מן עיטת מאל<ל>ייא ואליין בנוי עירו אלה ונעם ונבי אלה קנז׃
61:40 1 ובני יהללאל <٠٠٠>׃
71:40 1 ובריה דעזרא יתר ומרד ועפר וילון ואעדיאת מניה ית מרים היא אפרת ית שמי וית ישבח אבא דעשתמע׃
81:40 1 ואנתתיה יהודיתא רביאת ית משה כד שחלתיה מן מיא וקרת שמיה ירד דאוחית מנא לישראל רבא דגדור דבנא חורבנהון דישר׳ וית חבר דחבר ישראל לאבוהון דבשמיא רבא דסוכו דטליל על בית ישר׳ בזכותיה וית יקותיאל דאמתינו ישראל לאלהא דבשמי׳ ביומוי ארבעין שנין במדברא רבא זנוח דשבק אלהא על חובי ישראל אמטולתיה אליין שמהן קרת ליה בתיה ברת פרעה ברוח נבואה ואתגירת ונסבה ליה מרד לאתו הוא כלב דמרד במלכת מאלליא׃
91:40 1 ובני אתת הודיה אחתיה דצעת רבא דקעילה דמן גרם ואשתמוע דמן מעכה׃
02:40 1 ובני שימון אמנון ורנה בר חנן ותילון ובני ישעי זוחת ובר זוחת׃
12:40 1 בני שלה בר יהודה ער אבי לכה ולעדה רבא דמרשה וגניסת בית עבידת בוצא דלבושי מלכיא וכהניא מסירין לבית אשבע׃
22:40 1 ונבייא וספרי׳ דנפקו מזרעא דיהוש׳ וגבעונאי דמתיהבין לעבדין בבית מקדשא מטול דכדיבו לרברביא דישראל ויואש הוא מחלון ושרף הוא כליון די נסיבו נשין מבנת מואב ובועז רב חכימיא דמתיבת בית לחם דמתעסקין בפתגמי עתיק יומין׃
32:40 1 הנון תלמידי אוריתא דאמט{י}<ו>להון אתברי עלמא דיתבין על דינא ומיצבי עלמא ובנן {ו}משכללין ית חורבני בית ישראל עם שכינת מלכא דעלמא בפולחן אורתיא ובעבור ירחיא ובקביעות רישי שניא ומועדיא אתיתבו תמן וסכמין מן שמיא על דעתהון ביומי רות אמא דמלכותא עד יומי שלמה מלכא׃
42:40 1 בני שמעון נמואל וימין יריב זרח שאול הוא זמרי דאשאיל גופיה לפורענותא׃
52:40 1 שלום בריה מבשם בריה משמע בריה׃
62:40 1 ובני משמע <٠٠٠>׃
72:40 1 ולשמעי בנין אשתסר ובנן אשתה ולאחהי לא הוו בנין סגיעין וכל גניסתהון לא אסגיעו בנין עד בני יהודה׃
82:40 1 ויתיבו בבירא דשבע ומולדה וחצר תעלא׃
92:40 1 ובבלהה ובעטם ובתולד׃
03:40 1 ובביתאל ובחרמה ובצקלג׃
13:40 1 ובאוריוות ארתיכיא ובדרת סוסיא ובבית בראי ובשערים אלין קרויהון עד דמליך דוד׃
23:40 1 וקסטרוותהון עיטם ועין ורמון ותכן ועיטן קרוין חמש׃
33:40 1 וכל קסטרוותהון די בחוזרניהון קרויא האלין עד בעל דא מותבנהון והתיחסן להון׃
43:40 1 ומן שובב וימלך ויוטה בר אמציה׃
53:40 1 ויואל ויהוא בר יושבי׳ בר שריה בר עשיאל׃
63:40 1 ואליועיני <٠٠٠>׃
73:40 1 וזיזא בר שפעי <٠٠٠>׃
83:40 1 אלין דאתיין מפרשין בשמהן אמרכולין בגניסת בית אבהתהון תקיפו לסוגעי׃
93:40 1 ואזלו למעלני גדר עד למדינחא דחילתא למתבע אתר כשר למרעיתא לענהון׃
04:40 1 ואשכחו אתר כשר למרעיתא שמין ושפיר וארעא פטימתא ופתיית תחומין ושדוכא ושליוותא ארום מן בני חם הוון עמא דיתבין תמן מן לקדמין׃

14:40 1 ואתו אליין דאתפרשו בשמהן ביומי יהזקיהו מליך שבטא דיהודה ומחו ית משכניהון וית מרודיא ואשכחו תמן וגמרונון עד יומא הדין ויתיבו באתריהון ארום אתר כשר למרעית ענהון תמן׃

24:40 1 ומנהון מן בני שמעון אזלו לטורא דגבלא גוברין חמש מאה ופלטיה ונעריה ורפיה ועזיא׳ בני ישעי אתמני לרבני חילא ברישיהון׃
34:40 1 ומחו ית שאר שיזבתא לדבית עמל׳ ויתיבו תמן עד יומא הדין׃