CAL CODE HELP CLICK HERE
click on the file description for more information

81011: TgChron1 01

click on a word for lexical analysis
Click on a red-colored coordinate for comments and/or translations of the line

10:10 1 דין ספר יחוסיא פתגמי יומיא דמן יומי עלמא אדם שת אנוש׃
20:10 1 קינן
30:10 1 חנוך
40:10 1 נח
50:10 1 בנוי דיפת גמר ומגוג ומדי ויון ותובל ומשך ותירס ושום אפרכוויתהון אפריקי וגרמניא והמדאי ומקדוניא ויתיניא ואוסיא ותרקי׃ ל׳א גרמניה גיתיה והמדן ואוביסוס ויתניה ומוסיה ותרקי׃
60:10 1 ובנוי דגמר אשכנז ודיפת ותוגרמה ושום אפרכויתהון אסיא ופרכווי וברבריא׃ ל׳א ובנוי דגמר אסיה ודריגת וגרמנקיה׃
70:10 1 ובנוי דמקדון אלסו וטרסוס איטליון ודרדניא׃ ל׳א אלישה אלס טוסס אכזיה ודרדניה׃
80:10 1 ובנוי דחם ערב ומצרים אליחרק וכנען׃
90:10 1 ובנוי דערב סינידאי והנדקאי וסמראי ולובאי ומווריאטינוס וזינגאי ובנוי דמווריאטינוס זמרגד ומזג׃
01:10 1 וערב אוליד ית נמרוד הוא שרי למהוי גבר בחטאה שדי אדם זכאי ומרוד קדם ה׳׃
11:10 1 ומצרי׳ אוליד ית ניוטאי וית מריוטאי וית ליווקאי וית פנטסכיינאי׃
21:10 1 וית פנטפוליטאי וית נסיוטאי דנפקו מנהון פלישתאי וית קפוטקאי׃
31:10 1 וכנען אוליד ית בותניאס הוא דבנא ית צידון הוא בוכריה דכנען וית חת׃
41:10 1 וית יבוסאי וית אמוראי וית גרגשאי׃
51:10 1 וית חואי וית ערקאי וית אנתוסאי׃
61:10 1 וית לוטסאי וית חומצאי וית אנטיוכאי׃ ל׳א רידוס וחמץ ואנטיוך׃
71:10 1 בנוי דשם עילמאי ואתוראי וארפכסדאי ולודאי וארמאי וארמנייאי וחולאי וגתראי ומשכאי׃
81:10 1 וארפכסדיי אוליד ית שלח ושלח אוליד ית עבר׃
91:10 1 ולעבר אתילידו תרין בנין שום חד פלג ארום ביומוי אתפליגו דיירי ארעא ללישנהון ושום אחוי יקטן מטול דביומוי שריאו שניהון דבני נשא לאתקטעא מן בגלל חוביהון׃
02:10 1 ויקטן אוליד ית אלמודד דמשח ופליג ית ארעא באושליא וית שלף דשלף ית נהרוותא לתחומיא וית חצרמות דאתקן אתר כמניא לקטלא עדי אורחא וית ירח דאתקן פונדוקין והוה כל דעליל למיכל ולמשתי הוה מוכיל ליה סמא דקטול ונסיב כל מה דהוה בידוי׃
12:10 1 וית הדורם וית אוזל וית דקלה׃
22:10 1 וית עיבל וית אבימא׳ וית שבא׃
32:10 1 וית אופיר אתר מפקנות דהבא וית החוילה אתר מפקנות מרגליתא וית יובב כל אלין בנוי דיקטן׃
42:10 1 שם כהנא רבא ארפסדיי שלח׃
52:10 1 עבר <٠٠٠>
62:10 1 שרוג <٠٠٠>
72:10 1 אברם איהוא אברהם׃
82:10 1 בנוי דאברהם יצחק וישמעאל׃
92:10 1 אלין תולדתהון בוכרא דישמעאל נבט וערב ואדבאל ומבשם׃
03:10 1 צייתא ושתוקא ומסוברא חריפא ואדרומא׃
13:10 1 יטור נפיש וקדומא אלין הנון בנוי דישמעאל׃
23:10 1 ובניא דקטורה פלקתא דאברהם ילידת ית זמרן ויקשן ומדן ומדין וישבק ושוח ובנוי דיקשן זמרגד ומזג׃
33:10 1 ובנוי דמדין חוולד ועפר וחנוך ואבידע ואלדעה כל אלין בני קטורה׃
43:10 1 ואוליד אברה׳ ית יצחק בנוי דיצחק עשו וישראל׃
53:10 1 בנוי דעשו אלפיז
63:10 1 בנוי דאליפז
73:10 1 ובנוי דרעואל נחת
83:10 1 ובנוי דגבל לוטאי ושובלאי וצבעון וענה ודיתון ואצר ודיתן׃
93:10 1 ובנוי דלוטן חרי׃
04:10 1 בנוי דשובל עלין׃
14:10 1 בנוי דענה דישן <٠٠٠>׃
24:10 1 בנוי דאצר בלהן וזעון יעקן בני דיתן ארמניוס וארן׃

34:10 1 ואלין מלכיא די מלכו בארעא דאדום קדם עד לא מלך מלכא לבני ישראל בלעם בר בעור רשיעא הוא לבן ארמאה דאתחבר עם בנוי דעשו מטול למחבלא ית יעקב וית בנוי ובעא להובדא יתהון ומלך על אדום ושום קרתא דבית מלכותיה דנהבה ואיתיהיבת ליה מגן׃

44:10 1 ומית בלע דקטליה פינחס במדברא ומליך תחותוי יובב בר זרח דמן בוטרא׃
54:10 1 ומית יובב ומליך תחותוי חושם דמן ארע דרומא׃
64:10 1 ומית חושם ומליך תחותוי הדד בר בדד דקטל ית מדיינאי בחקלי מואבאי בעדן דסדרו קרבא עמהון ושום קרתא דבית מלכותיה עוית׃
74:10 1 ומית הדד ומליך תחותוי שמלה דמן משרקה׃
84:10 1 ומית שמלה ומליך תחותוי שאול דמן פלייותא קרתא רבתא דמתבניא על כיף פרת׃
94:10 1 ומית שאול ומליך תחותוי בעל חנן בר עכבור׃
05:10 1 ומית בעל הנן בר עכבור ומליך תחותוי הדד ושום קרתא דבית מלכותיה פעי ושום אנתתי<ה> מהיטבא<ל> ברת מטרד דהוה לעי במטרדותא ובסרדותא ומן דעתר וקנא נכסין הוה מתגאה והדר למימר מה הוא כספא ומה הוא דהבא׃
15:10 1 ומית הדר ופסקת מנהון מלכותא ארום אתכבישת ארעא קדם בנוי דעשו והוו רברבי אדומאי שליטין בארעא דגבלא רבא תמנת רבא עלוה רבא יתת׃
25:10 1 רבא אהליבמה רבא אלה רבא פינן׃
35:10 1 רבא קנז רבא תימן רבא מבצר׃
45:10 1 רבא מגדיאל רבא עירם אלין רברבני אדומאי׃


next chapter