CAL CODE HELP CLICK HERE
click on the file description for more information

81009: TgLam (Sperber)

click on a word for lexical analysis
Click on a red-colored coordinate for comments and/or translations of the line

02:2 חזי ייי ומסתכל מן שמיא למן אסתקפת כדנן אם חזי לבנתא דישראל למיכל פרי בטנהא עולימיא דמתלפפין בסדינין ענת מדת דינא וכין אמרת אם חזי למקטל כהנא ונבייא בבית מקדשא דייי כמא דקטלתון לזכריה בר עדוא כהנא רבא ונביא מהימן בבית מוקדשא דין ביומא דכפוריא על דאוכח יתכון דלא תעבדון דין דביש קדם ייי׃
12:2 שכבו על ארעא במחוזיהון עולימא וסבא דהוו רגילין למשכב על כרין דמילת ועל ערסין דשן דפיל בתולתי ועולימי נפלו קטילין בחרבא קטלת ביום רגזך נכסת ולא חסת׃

22:2 תהי קרי חירותא לעמך בית ישראל על יד מלכא משיחא האכמא דעבדת על יד משה ואהרן ביומא דפסחא ויתכנשון חזור חזור עולימי מן כל אתר דאתבדרו ביום תקוף רגזא דייי ולא הוה בהון שיזבא ושאר בני דלפיפית בסדינין ודרביתי בתפנוקי מלכין בעלי דבבי שיציאונון׃