100:541 תושבחתא לדוד ארוממינך \״ייי#1#״ אלהי מלכא ואברך שמך לעלמי עלמין׃

200:541 בכל יומא אברכינך ואשבח שמך לעלמי עלמין׃
300:541 רב יהוה ומשבח לחדא ולרבותיה לית סוף׃
400:541 דרא לדרא ישבח עובדך וגבורתך יתנון׃
500:541 שיבהור איקר זיוך ומילי פרישותך אמליל׃
600:541 ועושנא דחלתך יימרון ורבנותך ישתעון׃
700:541 דכרן סגיעי״סוגעי#1#״ טובך יביעון וצדקתך ישבחון׃
800:541 חננא ורחמנא יהוה מרחיק רגז ומסגי למעבד טבון״טבוואן#1#״׃
900:541 טב יהוה לכולא ורחמוי על כולהון עובדוי׃
010:541 יהודונך יהוה כולהון עובדך וחסידיך יברכונך׃
110:541 איקר מלכותך יימרון וגבורתך ימללון׃
210:541 להודעא לבני נשא גבורתוי ואיקר שיבהור מלכותיה׃
310:541 מלכותך מלכותא דכל עלמיא ושולטנותך בכל דר ודר׃
410:541 סעיד יהוה לכל נפילין וזקיף לכולהון כפיפין׃
510:541 עיניהון דכולא לותך סבירן״מסברין#1#״ ואת יהב להון״לכולהון#1#״ ית״#1#״ מיכלהון בזמניה׃
610:541 פתח ית אידך ומסבע לכולהון חיי רעותהון׃
710:541 זכאי יהוה בכל אורחתיה וחסידא בכל עובדוי׃
810:541 קריב יהוה לכל דקריין ליה״יתיה#1#״ לכולהון דקרין יתיה בקשוט׃
910:541 רעות דחלוי יעבד וית בעותהון ישמע ויפרקינון׃
020:541 נטיר יהוה ית כל רחימוי וית כל רשיעי ישיצי׃
120:541 שבחא דיהוה ימליל פומי ויברכון כל בני בסרא שום קודשיה לעלמי עלמין׃