640:911 ואמליל בסהידוותך קביל מלכיא ולא אבהית׃

740:911 ואתפרנק בפיקודיך די רחימית׃
840:911 ואזקוף ידי לפיקודיך דרחימית ואמליל בגזירתך׃
940:911 אידכר פתגמא לעבדך די אורכתני׃
050:911 דא היא״הות#1#״ תנחומתי בסיגופי ארום מימרך קיימת יתי׃
150:911 זדונין ממיקנין לי עד לחד<א> מאוריתך לא אצליתי׃
250:911 אדכרית דינייך מן עלמא יהוה ואתנחמית׃
350:911 רתיתא אחידת יתי מרשיעי דשבקין אוריתך׃
450:911 תושבחן הוו לי גזירתך בבית מדורי׃
550:911 אדכרית בליליא שמך יהוה ונטרית אוריתך׃
650:911 דא הות לי לזכותא ארום פיקודיך נטרית׃
750:911 חולקי יהוה אמרית למיטר דבריך׃
850:911 צליתי קדמך בכל לבא חוס עלי היך מימרך׃
950:911 חשיבית לאוטבא אורחי ואתיב ריגלי לסהידותך׃
060:911 זרזית ולא אתעכבית למיטר פקודיך׃
160:911 סיעת רשיעיא אתכנשו עלי אוריתך לא אתנשיתי״נשיתי#1#״׃
260:911 בפלגות ליליא אקום לשבחא קדמך מטול דיני צדקך״צדקתך#1#״׃
360:911 חברא אנא לכל דדחלן מינך ולנטרי פיקודיך׃
460:911 טובך יהוה מליא ארעא גזירתך אליף יתי׃
560:911 טבא עבדת עם עבדך יהוה היך דבריך׃
660:911 שפיר טעם ומנדעא אליף יתי ארום בפיקודיך הימינית׃
760:911 עד לא אסתגיף אנא שלי וכדון מימרך נטרית׃
860:911 טב את״אנת#1#״ ומיטיב אליף יתי גזירתך׃
960:911 חברו עלי שקרא זידונין אנא בכל לבא אטור פיקודיך׃
070:911 אטפש״איטמטם#1#״ היך תרב יצרא דלבהון אנא אורייתך פירנוקי׃
170:911 טב לי ארום אתעניית מן בגלל דאילף גזירתך׃
270:911 טב לי אוריית פומך מן אלף ככרין דהב וסימא׃
370:911 אידך עבדו יתי ואתקינו יתי תבייניני ואילף פיקודיך׃
470:911 דחלייך יחמון יתי ויחדון ארום לפתגמך אוריכית׃
570:911 ידעית יהוה ארום זכאין דיניך ובקושטא סגפתני׃
670:911 יהי כדון חסדך לנחמותי היך מימרך לעבדך׃
770:911 ייתון עלי רחמך ואיחי ארום אוריתך פירנוקי׃
870:911 יבהתון זדונין ארום על שקרא עויתו יתי אנא אמליל בפיקודיך׃
970:911 יתובון לאולפני דחליך וידעין סהדוותך׃
080:911 יהי לבי דלא מום בגזירתך מן בגלל דלא אבהית׃
180:911 רגיגת לפורקנך נפשי לפתגמך אוריכית׃
280:911 ספו עיני למימרך למימר אימתי תנחם יתי׃
380:911 ארום הויתי היך זרנוקא דתלי בקטרא גזרתך״קיימך#1#״ לא אתנשיתי׃
480:911 כמה יומי עבדך אימתי תעביד ברודפי דינא׃
580:911 כרו לי זדונין שווחן דלא פקידתנון באוריתך׃
680:911 כל פיקודיך קושטא על שקרא רדפו יתי סעדיני׃
780:911 כזעיר שיציאו יתי בארעא ואנא לא שבקית פיקודיך׃
880:911 היך חיסדך קיים יתי ואטור סהדות פומך׃
980:911 לעלמא יהוה פתגמך קיים בשמיא׃
090:911 לדר ודר הימנותך אתקנתא ארעא וקיימא׃
190:911 לדיניך קמו יומנא״יומא דין#1#״ ארום כולהון עבדך׃
290:911 אלולי אוריתך פרנוקי הידין״אדין#1#״ הובדית בסגופי׃
390:911 לעלם לא אתנשי״אנשי#1#״ פיקודיך ארום בהון קיימתני׃
490:911 די לך אנא פרוק יתי ארום פיקודיך תבעית׃
590:911 לוותי אמתינו רשיעיא להובדא יתי סהידוותך אתביין׃
690:911 לכל מה \דאשתרי ואשתכלל ״דאשתדל ואסתכל#1#״ חמיתי סיפא פתייא תפקדתך לחדא׃
790:911 מה״כמה#1#״ רחימית אוריתך כל יומא היא שותי׃
890:911 יתיר מבעלי דבבי מחכמה יתי פיקודיך ארום לעלם היא דילי׃
990:911 מכל מאלפי אסכלית ארום סהידוותך שותא לי״דילי#1#״׃
001:911 מן חכימיא אתביין ארום פיקודיך נטרית׃
101:911 מכל אורח בישא מנעית ריגלי מן בגלל אטור דבריך׃
201:911 מן דיניך לא עדית ארום את אליפתני׃
301:911 מה״כמה#1#״ חלין למוריגי מימריך בסימן יתיר מן דובשא לפומי׃
401:911 מפקודיך אתביין מטול היכנא סניתי כל בר נש דמשקר׃
501:911 היך שרגא די מנהרא לריגלי דבריך ונהורא לכבשי׃
601:911 אומיתי וקיימית למטר פקודי״דיני#1#״ זכותך׃
701:911 אסתגפית עד לחדא יהוה אסי יתי היך דבריך׃
801:911 נסבתא דפומי אתרעי כדון יהוה ודינך אליף יתי׃
901:911 נפשי מסתכנא על גב ידי תדירא ואוריתך לא אתנשיתי׃
011:911 סדרו רשיעיא פחא״קולא#1#״ לי ומפקודיך לא {ת}<ט>עיתי׃
111:911 אחסנית סהדוותך לעלם ארום חדות לבי הינון׃
211:911 אצליתי לבי למעבד גזירתך לעלם עד סופא׃
311:911 דחשבין מחשבן סריקן סניתי ואוריתך רחימית׃
411:911 טומרי ותריסי את לפתגמך אוריכית׃
511:911 זורו מיני מבאשין ואטור פקודי אלהי׃
611:911 סמוך יתי במימרך ואחי ולא תבהית יתי מן כליותי׃
711:911 סעוד יתי ואתפרק ואגעגע באוריתך״בגזירתך#1#״ תדירא׃
811:911 כבשתא כל דשלו״דטעיין#1#״ מגזירתך ארום שקרא נכלהון׃
911:911 פסולייא פסקתא בטילתא כל רשיעי ארעא מטול היכנא רחימית סהדוותך׃
021:911 מצלהב מדחלך״מדלוחך#1#״ בסרי ומדיניך דחילית׃
121:911 עבדית דינא וצדקתא לא תשבקינני לטלומי׃
221:911 בסים עבדך לטבא לא יטלומון יתי זידונין׃
321:911 עיני סברו לפורקנך ולמימר צדקך׃
421:911 עבד עם עבדך היך חסדך וגזירתך אליף יתי׃
521:911 עבדך אנא תביין יתי ואידע סהידותך׃
621:911 עידן למעבד רעותא דיהוה אפישו תלמידיא אורייתך׃
721:911 מטול היכנא רחימית פקודיך מדהבא ומן אובריזא׃
821:911 מטול היכנא כל פיקודיא כולהון תריצתינון כל אורח שקרא סניתי׃
921:911 פרישן סהדוותך מטול היכנא נטרתנון נפשי׃
031:911 גליף דבריך ינהר חשיכיא יתביין שרגיגי׃
131:911 פומי פתחית ואלפית ארום לפקודיך צביתי׃
231:911 אתפני לותי וחוס עלי כהילכתא לרחימי שמך׃
331:911 אסתורי אתקין במימרך ולא תשליט בי כל שקר׃
431:911 פרוק יתי מטלומא דבר נשא ואטור פקודיך׃
531:911 זיו אפך אנהר בעבדך ואליפני ית גזירתך׃
631:911 ט{יי}<וו>פי מיא ייחתון עיני על מטול דלא נטרו אוריתא׃
731:911 זכיי את יהוה ותריצין דיניך׃
831:911 פקידתא צדקתא״זכות#1#״ סהידותא והימנותא לחדא׃
931:911 מגרת יתי טיננתי ארום איתנשיאו דבריך מעיקי׃
041:911 סנינא מימרך לחדא ועבדך רחימה׃
141:911 זוטר אנא ובסיר פיקודיך לא אתנשיתי׃
241:911 צדקתך צדקא לעלמא ואוריתך קשוט׃
341:911 עקא ומעיקא ערעו יתי פקודיך פירנוקי׃
441:911 צדקתא סהדוותך לעלם תבייניני ואתקים׃
541:911 קריתי בכל לבא עני יתי יהוה גזירתך אנטור׃
641:911 קריתך פרוק יתי ואנטור סהידותך׃
741:911 אקדימית בשפרפרא וצליתי לפתגמך אוריכית׃
841:911 אקדימו עיני מטרתא דצפר ורמש למללא במימרך׃
941:911 קלי שמע היך חסדך יהוה היך דינך קיים יתי׃
051:911 קריבו רדפי זנו מאוריתך אתרחקו׃
151:911 קריב את יהוה וכל פיקודיך קשוט׃
251:911 מן לקדמין חכימית מן סהידותך ארום לעלם יסדתינון׃
351:911 חמי סיגופי ופצי יתי ארום אוריתך לא אתנשיתי׃
451:911 נצי מצותי ופרוק יתי למימרך אסי״אחי#1#״ יתי׃
551:911 רחיק מן רשיעי פורקנא ארום גזירתך לא תבעו׃
651:911 רחמך סגיעין יהוה היך דיניך אסי״אחי#1#״ יתי׃
751:911 סגיעין רדפי ומעיקי מסהדותך לא אצליתי׃
851:911 חמיתי בזוזי ואידיינית״ואתדנית#1#״ עמהון די מימרך לא נטרו׃
951:911 חמי ארום פיקודיך רחימית יהוה היך חסדך אסי״אחי#1#״ יתי׃
061:911 שירוי פתגמך קשוט ולעלם כל דיני צדקתך׃
161:911 רברבין רדפו יתי מגן ומפתגמך דלח לבי׃
261:911 חדי אנא על מימרך היך גבר דמשכח עדי סגי׃
361:911 שקרא סניתי ורחיקית אוריתך רחימית׃
461:911 שבע זמנין ביומא שבחית יתך מטול דיני צידקך׃
561:911 שלם סגי לרחימי אוריתך בעלמא הדין ולית להון תקלא לעלמא דאתי׃
661:911 סברית לפורקנך יהוה ופיקודיך עבדית׃
761:911 נטרת נפשי סהדוותך ורחימתינון״וארחמינון#1#״ לחדא׃
861:911 נטרית פיקודיך וסהידותך ארום כל אורחותי לקבלך׃
961:911 תתקרב צלותי קדמך יהוה היך פתגמך תביינינני׃
071:911 תיתי צלותי קדמך היך מימרך פצי יתי׃
171:911 תבעיין ספותי תושבחתא ארום תלפינני גזירתך׃
271:911 תתיב לישני מימרך ארום כל דיניך צדקתא׃
371:911 תהא ידך לסייעותי ארום פיקודיך רעיתי׃
471:911 רגיגית לפורקנך יהוה ואוריתך פרנוקי׃
571:911 תחי נפשי ותשבחינך ודיניך יסייעוני׃
671:911 תעית היך עאן״אמרא#1#״ דמתבד בעי עבדך ארום פקודיך לא אתנשיתי׃