100:790 יהוה מלך תדוץ ארעא יחדון נגוואן סגיעין׃

200:790 ענני יקרא ואמיטתא חזור חזור די ליה צדקתא ודינא אתר די מכוון כורסיה׃
300:790 אשא קדמוי תהלך ומצלהבא \״ומשרבב#1#״ חזור חזור מעיקוי׃
400:790 מנהרין ברקוי תבל חמת ואתחלחלת ארעא׃
500:790 טוריא היך שעוא יתמסון מן קדם יהוה מן קדם ריבון כל ארעא׃
600:790 יתניין אנגלי מרומא צדקתיה ויחמון כל עמיא״עממיא#1#״ איקריה׃
700:790 יבהתון כל פלחי פיסלא דמשתבחין בטעותא ויסגדון קדמוי כל עמיא פלחי טעותא׃
800:790 שמעת וחדת״וחדיאת#1#״ כנישתא דציון ודייצן בנתא דבית יהודה מן בגלל דינייך יהוה׃
900:790 ארום את הוא״#1#״ יהוה עילאה על כל יתבי ארעא לחדא אתעלית על כל דחליא׃
010:790 רחימיא דיהוה סנו ביש מטול דקיריס נטיר נפשת חסידוי מן אידיהון דרשיעי יפצי אינון׃
110:790 נהור דנח ומיטמר לצדיקיא ולתריצי ליבא חדווא׃
210:790 חדון צדיקיא במימרא דיהוה ואודון לדוכרן שום קודשיה׃