820:980 לחוד אנא בוכרא למלכיא דבית יהודה אתניניה עילאה על מלכי ארעא׃

920:980 לעלם אטור ליה טובי וקיימי מהימנא ליה׃
030:980 ואשוי לעלמין בנוי וכורסיה כיומיא דיקומון שמיא׃
130:980 אין ישבקון בנוי אוריתי ובדיני לא יהלכון׃
230:980 אין קיימי יפסו<ן> ופיקודי לא ינטרון׃
330:980 ואסער על ידהון דשיבטא דרשיעין מרדיהון ובמוזיקיא דמכתשין להון עוייתהון׃
430:980 וטובי לא אבטיל מיניה ולא אשקר בהמנותי׃
530:980 לא אפיס קיימי ומפקנות סיפותי לא אשני׃
630:980 חדא זימנא קיימית בשום קודשי אם לדוד אכדיב׃
730:980 בנוי לעלם יהויין וכורסיה נהיר״ניהור#1#״ היך שמשא לקיבלי׃
830:980 היך סיהרא דמיתקן לאת לעלם וסהיד בשחקא מהימן לעלמין׃
930:980 ואת שבקתא ורחקתא ארגיזתא עם משיחך׃
040:980 אשניתא קיים דעם עבדך אפיסתא לארעא כליליה׃
140:980 תקיפתא כל כרכוי שויתא פציחוי תברא׃
240:980 רמסון יתיה כל עברי אורחא הוה קלנא לשיבבוי׃
340:980 ארימתא ימינא דמעיקוי אחדיתא כל בעלי דבבוי׃
440:980 לחוד תתיב לאחורא סייפיה \״חריפא#1#״ ולא אקימתא״אוקימתא#1#״ יתיה״ידיה#1#״ בקרבא׃
540:980 בטילתא כהניא דמדין על מדבחא ומדכין עמיה וכורסי מלכותיה לארעא מיגרתא׃
640:980 קצרתא יומי עלימוי״עולימוי#1#״ עטיפתא עלוי בהתא וכיסופא לעלמין׃
740:980 עד אימתי יהוה תסלק שכינתך לעלמין תדליק היך אשתא חימתך׃
840:980 אדכר די אנא אתבריתי מן עפרא מטול מה לבטלא בריתא כל בני נשא׃
940:980 מן הוא גברא דיחי ולא יחמי מלאכא דמותא ושזיב נפשיה מן ידיה ולא ייחות לבית קבורתיה לעלמין׃
050:980 אן״האן#1#״ הינון״אינון#1#״ טבוותך דמן שירויא יהוה דקיימתא לדוד בהימנותך׃
150:980 אידכר יהוה חיסודא דעבדך סוברית בעטפי כל גידופיהון דסגיעין עממין׃
250:980 די חסידו בעלי דבבך יהוה די חסידו איחור רושמת ריגלי משיחך יהוה׃
350:980 בריך שמא דיהוה בעלמא הדין אמן ואמן בריך שמא דיהוה לעלמא דאתי אמן ואמן