CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:080 לשבחא על יתבי סנהדרין די מתעסקין בסהדות אוריתא על ידוי דאסף תושבחתא״שירתא#1#״׃
200:080 פרנסא דישראל אצית דמדבר היך ענא ארונא דיוסף דשכינתיה שריא ביני כרוביא הופע׃
300:080 קדם אפרים ובנימן ומנשה עורר ית כח גבורתך עלנא ועלך מן דינא למפרוק לנא״יתנא#1#״׃
400:080 אלהא אתיב יתנא מגלותנא ואנהר זיו סבר אפך עלנא וניתפריק׃
500:080 יהוה אלהים צבאות עד אימתי לא קבילתא צלותא דעמך׃
600:080 אוכלתא להון לחם טמיש בדמעותא ואשקיתן חמר דמעא תלתי׃
700:080 שויתנא למדנא״למדיינא#1#״ לשיבבנא ובעלי דבבנא יתלעבון להון׃
800:080 אלהים צבאות אתיב יתנא מגלותנא ואנהר זיו סבר אפך עלנא ונתפריק׃
900:080 בית ישראל דמתילין לגופנא ממצרים אטילתא תריכתא עמיא״עממיא#1#״ מארעא דישראל ונציבתינון׃
010:080 פניתא מן קדמיהון כנענאי ושרשתא שורשיהון ומלאת ארעא׃
110:080 חפיין טוריא דירושלם טול בית מקדשא ובתי מדרשיא רבנין אמרין אלימין דמתילין לארזין תקיפין׃
210:080 שבישת שבשין שדרת תלמידהא עד ימא רבא ולנהר פרת יניקהא׃
310:080 למה תקיפתא גודהא״גודדהא#1#״ ומכסחין יתה כל עברי אורחא׃
410:080 ינוברינה חזיר דמן חורשא ותרנגול ברא יתפרנס מינה׃
510:080 אלהים צבאות תוב כדון אסתכר״אסתכל#1#״ מן שמיא וחמי ואדכר ברחמי גופנא הדא׃

610:080 ועוברא די נציבת ימינך ועל מלכא משיחא דחיילתא לך׃

710:080 מתוקדא בנורא ומופרכא ממזופיתא דמן קדמך ייבדון׃
810:080 תהי אידך על גבר דקיימתא ליה ביד ימינך על בר נש דחיילתא לך׃
910:080 לא נזור מבתר דחלתך תקיימיננא ובשמך נקרי׃
020:080 יהוה אלהים צבאות אתיב יתנא מגלותא אנהר זיו סבר אפך עלנא ונתפריק׃


next chapter