CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:540 לשבחא על יתבי סנהדרין דמשה דאיתאמר בנבואה על ידהון דבני קרח שיכלא טבא ותושבחתא ואודאתא׃
200:540 בעא לבי ממלל טב אימר אנ{י}<א> עובדי למלכא ממלל לישני״#1#״ מוחי היך קולמוס ספרא רגיל׃
300:540 שופרך מלכא משיחא עדיף מבני נשא אתיהיב רוח נבואה בספוותך מטול כן״היכנא#1#״ ברכינך יהוה״אלהא#1#״ לעלמא׃
400:540 זריז סייפך על ירכך \״היך#1#״ גיברא למקטל מלכין עם שילטונין הודך״זיוך#1#״ ושבהורך׃
500:540 ושבהורך סגי \בגין כן״בכין#1#״ תצלח למרכב על סוסי״כורסי#1#״ מלכותא על עסק הימנותא וקשוט וענותנותא וצדקתא וילפינך יהוה למעבד דחילן ביד ימינך׃
600:540 גיררך שליפין למקטל אוכלוסין עממין תחותך יפלון ובני״וגיררי#1#״ קשתייך ישתלחון בלב סנאי״בעלי דבבי#1#״ מלכא׃
700:540 כורסי יקרך יהוה״אלהא בשמיא#1#״ קיים לעלמי עלמין \חוטרא תריצתא ״מלכות תריץ#1#״ חוטרא דמלכותך׃
800:540 \״ואנת מלכא משיחא#1#״ מטול די רחימתא צדקתא וסניתא רישעא מטול היכנא רבייך יהוה אלהך מישחא דחדוא יתיר מן חברך׃
900:540 מירא״מורא#1#״ דכיא ואקסיל אלואון וקציעתא מתגמרין כל לבושייך מן היכליא דמכבשין בשין דפיל מארע מני יחדונך׃
010:540 פילכי מלכותא אתין למקביל אפך וליקרותך״#1#״ בזמן דמעתד ספר אורייתא בסטר ימינך ומכתבתא \״בפרשגן זיותך#1#״ באובריזון דמן אופיר׃
110:540 שמעי כנישתא דישראל אוריית פומיה וחמי פרישות עובדוי ותצלי אודנך לפתגמי אוריתא ותתנשי עובדין בישין דרשיעי עמיך ובית טעוות דפלחת בית אבוייך׃
210:540 ובכן ירגג״יירוג#1#״ מלכא שופרייך ארום הוא ריבונייך ותסגדין ליה׃
310:540 ויתבי כרכא דצור \בתקרובתא ייתון ״תהון אתיין למקבל#1#״ ואפיך ישחרון לבית מקדשייך עתירי עממיא׃
410:540 כל \״שבח#1#״ שפר ארג נכסי פילכי אוצרי מלכיא דמטמרן מלגיו יקרבון \״קורבנין קדם מלכא ודורונין#1#״ לכהניא דמרמצין בדהבא סנינא לבושיהון׃
510:540 בלבושיהון ציורין יקרבון קורבניהון קדם מלכא דעלמא ושאר חבריהון די מיתבדרין ביני עממיא יתיתין בחדוא לותיך לירושלם׃

610:540 יתתיין בחדון ותושבחתא״וביע#1#״ ויעלון בהיכלא דמלך עלמין׃

710:540 באתר אבהתך יהויין צדיקיא בנך תמנינון לרברביא״לארכונין#1#״ בכל ארעא׃
810:540 בעידנא ההיא תימרון נדכר״אידכר#1#״ שמך בכל דר ודר מטול היכנא עמיא״עממיא#1#״ דמיתגיירין יהודון שמך״לותך#1#״ לעלם ולעלמי עלמין׃


next chapter