|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
12:53neG ונטל יעקב ופרס למשכניה מן להלא למוגדלא דעדר אתרא דהתמן עתיד דאיתגלי מלכא משיחא בסוף יומייא
22:53neG והוה כד שרא ישראל בארעא ההיא ואזל ראובן ובלבל ית מצעא דבלהה פילקתיה דאבוי דהות מסדרא כל קבל מצעא דלאה אימיה ואיתחשיב ע{י}לוי כאילו שמיש עימה ושמע ישראל ובאיש ליה ואמר ווי דילמא נפיק מיני פסולא היכמא דינפק מן אברהם ישמעאל ומן אבא נפק עשו מתיבא רוחא דקודשא וכן אמר ליה לא תידחל דכולהון צדיקין ולית בהון פסולא דמבתר דאיתיליד בנימין הוו בני יעקב תריסר
32:53neG בני לאה בוכרא דיעקב ראובן ושמעון ולוי ויהודה ויששכר וזבולן
42:53neG בני רחל יוסף ובנימין
52:53neG ובני בלהה אמתא דרחל דן ונפתלי
62:53neG ובני זלפה אמתא דלאה גד ואשר אילין בני יעקב דאיתילידו ליה בפדן דארם
72:53neG ואתא יעקב לות יצחק אבוי לממרא קרית ארבע היא חברון דדר תמן אברהם ויצחק
82:53neG והוו יומי יצחק מאה ותמנן שנין
92:53neG ואיתנגיד יצחק ומית ואתכנש לעמיה סיב ושבע יומין וקברו יתיה עשו ויעקב בנוי
