61:71neG ואברך יתה בגופה ואף איתן מינה ל{ה}<ך> בר ואברכיניה ביה ותהי לכינשין ומלכין שליטין בעממיא מינה יהון

71:71neG ונפל אברהם על אנפוי ותמה ואמר בליביה הלבר מאה שנין יהי וולד ואין שרה הברת תשעין שנין תוליד
81:71neG ואמר אברהם קדם ייי הלואי ישמעאל יתקיים ויפלח קומך
91:71neG ואמר ייי בקושטא שרה אינתתך תליד לך בר ותיקרי ית שמיה יצחק ואקים ית קימי עימיה לקים עלם לבנוי בתרוי
02:71neG ועל ישמעאל קבילית צלותך הא בריכית יתיה ואפיש יתיה ואסגי יתיה לחדא לחדא תריסר רברבין יוליד ואיתיניניה לעם סגי
12:71neG וית קיימי אקיים עם יצחק דתיליד לך שרה בזימנא הדין בשתא אוחרנתא
22:71neG ופסק מלמללא עימיה ואיסתלק יקרא דייי מעילוי אברהם
32:71neG ודבר אברהם ית ישמעאל בריה וית כל מרבייני בייתיה וית כל זביני כספיה כל דכורא באינשא ביתא דאברהם וגזר ית בישרא דעורלתהון ביכרן יומא הדין כמא דמליל עימיה ייי
42:71neG ואברהם בר תשעין ותשע שנין כד גזר ית בישרא דעורלתיה
52:71neG וישמעאל בריה בר תלתיסרי שנין כד גזר ית בישרא דעורלתיה
62:71neG בכרן יומא הדין בארבעת עשר <שנין> גזר אברהם וישמעאל בריה
72:71neG וכל אינשי ביתיה מריבייני ביתא וזביני כספא מן בר עממין אתגזרו עימיה