The Comprehensive Aramaic Lexicon

10:93 1 ויוסף הונחת למצרים וזבין יתיה פוטיפר שליטא דפרעה רב אספקלטריה גבר מצראי מן ידיהון דסרקיי די אוחתו יתיה לתמן׃
20:93 1 והוה ייי ית יוסף והוה גבר מצלח בעבדא טבא והוה רב ושליט בביתיה דרבוניה מצרייה׃
30:93 1 וחמא רבוניה ארום ייי הווה עמיה וכל מה דהוה עבד הוה ייי מצלח על ידוי׃
40:93 1 ואשכח יוסף חן וחסד באפוי ושמש יתיה ומיני יתיה אפיטרופוס על ביתיה ועל מה דליה מסר תחות רשותיה׃
50:93 1 והוה מן זמנא דמנא יתיה אפיטרופוס על ביתיה ועל כל מה דהוה ליה וברך ייי ית ביתיה דמצרי<<ה>> בזכותיה דיוסף והוה ברכתיה דייי בכל מה דהווה ליה בבייתיה ובאפיה ברא׃
60:93 1 ושבק כל מה דיליה תחות רשותא דיוסף ולא הו<<ה>> ידע מן בתריה כל מאן דעם ארום אלהן לחמא דהוה אכל והוה יוסף יאי ברווה ושפיר בחזיו׃
70:93 1 והווה בתר פתגמ<<י>>א האלין ונטלת אתתיה דרבוני ית עיינה לוות יוסף ואמרת לה שמש עמי׃
80:93 1 וסרב ואמר לאתתיה דרבוניה הא רבוני לא ידע מן בתריה <٠٠٠٠٠> מה דליה מסר תחות רשות<<י>>׃
90:93 1 לית רב ושליט בביתה הדין מני ולא חסך מני כל מה דעם ארום אלהן יתיך בגלל דאת א<<י>>תתיה והיכדין אעבד בישתא רבתא הדא ואחטי קדם אלהי׃
01:93 1 והוה כד מללת עם יוסף יום בתר יום ולא שמע אליה למשמשה עמה בעלמ׳ הדין דלהא למהוי עמה לעלמא דאתי׃
11:93 1 והווה היך זמן יומא הדין על לגו ביתא למחשבה חשבונוי ולא הוה גבר מן עמיה דביתיה תמן בביתה׃
21:93 1 ותפשת יתה בלבושוי למימר שמש עמי ושבק לבושוי עמה וערק ונפק ונפק לשוקא׃
31:93 1 <٠٠٠ּ>׃
41:93 1 <וקרת> לאנשי בייתה ואמרת להון למימר חמון דאייתי לי גבר עבריי למגחכה {למגחכה} בן על לוותי \למשמשא עמי ״למזדמני לוותי#2#״ וצוחית בקל רם׃
51:93 1 והוי \כדי שמע ״כיון דשמע#2#״ ארום ארימת״ארעימת#2#״ קלי וצווחת״צבחת#2#״ ושבק לבושוי עמי״גבי#2#״ וערק ונפק לשוק׳״לברא#2#״׃
61:93 1 וצנעת לבושוי בידה״גבה#2#״ עד זמן דאתא רבונה לביתיה׃
71:93 1 ומלילת עמיה כפתגמיא האילן״האליין#2#״ למימר על לוותי עבדא עברא די איית<<י>>ת לן למגחכה בי׃
81:93 1 והוה כד ארימת״ארעימת#2#״ קלי וצווחת ושבק לבושוי בידי וערק לשוק׳׃
91:93 1 והוה \כד שמע ״כיון דשמע#2#״ רבוניה ית מליא דאתתיה דמללת עמיה למימר כפתגמיא האילין״האליין#2#״ עבד לי עבדך ותקף רוגזיה׃

02:93 1 ונסב אדוניה דיוסף יתיה ושוי יתיה בבית חבושי׳ באתרא דחבישוי דמלכא חבושין״חבישים#2#״ והוה תמן בבית חבושא׃

12:93 1 והוה ייי עם יוסף ושוי עלוי חן וחסד ושוי חנו באפי רב בית חבושיה
22:93 1 ושוי רב בית חבושיה״חבישי׳#2#״ \תחות רשותא דיוסף ״בידוי דיוסף#2#״ ית כל \חבושיה די בבית חבושיה ״חבישא דאית בבית חבושא#2#״ וית כל מה דהוון עבדין תמן הוא הוה עבד׃
32:93 1 לית רב בית חבושיא חמי ית כל מן דעם מן בתרה מן בגלל דהוה ייי עמיה וכלמה דהוה עבד הוה ייי מצלח על ידוי׃