|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
10:51-1 ב֗תר פתגמייא האליין מן דאתכנשו כל מלכי אר[עא] למסדרא סדרי קרבא ע֗ם אברם צדיקייא֗ ו֗נפלו קדמ֗[והי] וקט֗ל מנהון ארבעה מלכין וחזר תשע משיריין חש[ב] אברם בליביה ואמר ו֗איי כען עלי מא דלמא דקבלית אגר מצותי בעלמא הדין ולית לי חולק בעלמא ד֗אתי או דלמא די֗ י֗א֗יזלון אחיהו<ן> וקריביהון דקטילייא האליין דינפלו קדמי ויתנון בכרכיהון ובמדינתהון ויצטרפון עמהון ליגיונין֗ סגין ואתיין עליי אודלמא דהווה ביידין מצוון קלילן בזמנ֗[א] קדמייא דינפלו קדמי ואתקיימין עלי או דל[מא] <דלא> [י]שתכח ביידי בזמנא תניינא ויתחלל בי שם שמייא בג[ין] כדין הווה פתגם דנבו מן קדם אדני על אברם צדיקיא למימר לא תדחול אברם אף על גב דמתכנשין עליך ליגיונין סגי֗ן ואתיין עלייך מימרי תריס לך בעלמא הדין ומג[ן] עליך לעלמא דאתי אף על גב די מסרית בע֗לי דבביך ב[ייד]יך בעלמא הדין אגר עבדיך טבי֗י֗א מתקנין לך לעלמא דאתי
20:51-1 ואמר אברם בבעו ברחמין מן קדמך֗ סגין יהבת לי וסגין אית קדמיך למתן לי ומא הנייה לי ו֗א֗נא נפיק מי֗ גו עלמא ריקן דלא בנין ואליעז֗ר֗
40:51-1 בר בי[יתי] דעל [יד]וי אתעביד לי ניסין בדרמסק ו֗ירית יתי [וה]א פתגם דנבו מן קדם אדני על אברם צדיקא למימר [לא יי]רת יתך די[ן] ארום אילאהן דנפיק מן מעיך הוא ייר֗[ת
