The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

(1) 10:10 מַטַל פִתגָמָא דַיוי עַל יִשרָאֵל בְיַד מַלאָכִי <דיתקרי שמיה עזרא ספרא#3#>׃
(1) 20:10 רַחֵימִית יָתְכוֹן אֲמַר יוי וְאִם תֵימְרוּן בְמָא רְחֵימתַנָא הֲלַא אֲחָא עֵשָו לְיַעֲקֹב אֲמַר יוי וֻרחֵימִית יָת יַעֲקֹב׃
(1) 30:10 וְיָת עֵשָו רַחֵיקִית״שניתי#3#״ וְשַוִיתִי יָת טוּרוֹהִי לְצָדוּ וְיָת אַחסָנְתֵיה לְצָדוּת״לדירות#3#״ מִדבָר׃
(1) 40:10 אֲרֵי יֵימְרוּן אֲדוֹמָאֵי אִתְמַסכַננָא כְעַן עֲתַרנָא וֻנתוּב וְנִבנֵי חָרבָתָא כִדנָן אֲמַר יוי צְבָאוֹת אִינוּן יִבנוֹן וַאֲנָא אֲפַגַר וְיִקרוֹן לְהוֹן תְחוּמָא דְעַמֵיה רַשִיעָא וְעַמָא דְאַיתִי״דייתי#3#״ יוי עֲלֵיהוֹן לוֹט עַד עָלְמָא׃
(1) 50:10 וְעֵינֵיכוֹן יִחזְיָן וְאַתוּן תֵימְרוּן יִסגֵי יְקָרָא דַיוי דְאַפתִי יָת תְחוּם יִשרָאֵל׃
(1) 60:10 הָא עַל בְרָא אֲמִיר לְיַקָרָא יָת אַבָא וְעַבדָא לְמִדחַל מִן קְֹדָם רִבוֹנֵיה וְאִם כְאָב אֲנָא אָן דְאַתוּן מְיַקְרִין קְֹדָמַי״מִן קְֹדָמַי#3#״ וְאִם כְרִבוֹן אֲנָא אָן דְאַתוּן דָחֲלִין מִן קְֹדָמַי אֲמַר יוי צְבָאוֹת לְכוֹן כָהֲנַיָא דִמבַסְרִין עַל שְמִי וְאִם תֵימְרוּן בְמָא בַסַרנָא עַל שְמָך׃
(1) 70:10 מְקָרְבִין אַתוּן <ית#3#> עַל מַדבְחִי קוּרבַן מְרַחַק וְאִם \תֵימְרוּן בַמָא מְרַחַק ״והויתון אמרין במא רחקנא יתך#3#״ בִדאַתוּן אָמַרִין פָתוּרָא דַיוי בְסִיר הוּא׃
(1) 80:10 וֻדאַתוּן מְקָרְבִין דַעֲוִיר לְדַבָחָא הֲלָא בִיש וֻדאַתוּן מְקָרְבִין דַחֲגִיר וְדִמרִיע הֲלָא בִיש קָרִיבָהִי כְעַן לְשִלטוֹנָך דַעֲלָך הֲיִתרְעֵי בָך אוֹ הֲיִסַב אַפָך אֲמַר יוי צְבָאוֹת׃
(1) 90:10 וֻכעַן צַלוֹ כְעַן קְֹדָם יוי אֲלָהָא וִיקַבֵיל צְלוֹתַנָא מִיַדכוֹן הֲוָת דָא הֲיִתנַסבוּן לְכוֹן אַפִין אֲמַר יוי צְבָאוֹת׃
(1) 01:10 אַף מַן הָכָא בְכוֹן וִיגֵיף דַשֵי בֵית מַקדְשִי וְלָא תְקָרְבוּן עַל מַדבְחִי קוּרבַן מְרַחַק לָא רַעֲוָא קְֹדָמַי בְכוֹן אֲמַר יוי צְבָאוֹת וְקוּרבַן לְרַעֲוָא לָא אֲקַבֵיל מִיַדכוֹן׃
(1) 11:10 אֲרֵי מִמַדנַח שִמשָא וְעַד מֵיעֲלֵיה רָב שְמִי בֵינֵי עַמְמַיָא וֻבכָל עִדָן דְאַתוּן עָבְדִין רְעוּתִי״#2#״ אֲנָא מְקַבֵיל צְלוֹתְכוֹן וֻשמִי רַבָא מִתקַדַש עַל יְדֵיכוֹן וֻצלוֹתְכוֹן כְקֻרבַן דְכֵי קְֹדָמַי אֲרֵי רָב שְמִי בֵינֵי עַמְמַיָא אֲמַר יוי צְבָאוֹת׃
(1) 21:10 וְאַתוּן מַחֲלִין יָתֵיה בִדאַתוּן אָמְרִין פָתוּרָא דַיוי בְסִיר הוּא וֻבסִירָן מַתְנָתָא מִנֵיה׃
(1) 31:10 וְאִם תֵימְרוּן הָא דְאֵיתִינָא מִלֵיאוּתַנָא וְשַנֵיקתוּן״ושביקתון#3#״ יָתֵיה אֲמַר יוי צְבָאוֹת <וֻמֵיתַן אַתוּן דַאֲנִיס וֻדחֲגִיר וְדִמרִיע#2#> וֻמֵיתַן אַתוּן <לֵיה#2#> בְקוּרבָנִין הַאֲקַבֵיל יָתֵיה בְרַעֲוָא מִיַדכוֹן אֲמַר יוי׃

(1) 41:10 וְלִיט דְיַעֲבֵיד בִנכַל וְאִית בְעַדרֵיה דְכַר וְהוּא חַיָיב לְמִידַר״לי נדר#3#״לִנדַר#3#״למינדר#3#״ וֻדָבַח דִמחַבַל קְֹדָם יוי אֲרֵי מַלַך רַב אֲנָא אֲמַר יוי צְבָאוֹת וֻשמִי חַסִין בְעַמְמַיָא׃