The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:31 בְעִידָנָא הַהוּא יְהֵי אוּלפַן אוֹרָיתָא גְלֵי כְמַבוּעַ דְמַיִין לְבֵית דָוִד וֻליָתְבֵי יְרוּשלַם וְאַשבוֹק לְחוֹבֵיהוֹן כְמָא דְמִידַכַן בְמֵי אַדָיוּתָא וֻבִקטַם תוֹרְתָא דְחַטָתָא׃
(1) 20:31 וִיהֵי בְעִדָנָא הַהוּא אֲמַר יוי צְבָאוֹת אֲשֵיצֵי יָת שוּם טָעְוָת עַמְמַיָא מִן אַרעָא וְלָא יְהֵי דוּכרַן מִשוּמְהוֹן עוֹד וְאַף יָת נְבִיֵי <רוח#3#> שִקרָא וְיָת רוּחַ מְסָאֲבָא אֲבַטֵיל מִן אַרעָא׃
(1) 30:31 וִיהֵי אֲרֵי יִתנַבֵי גְבַר עוֹד וְיֵימְרוּן לֵיה אֲבוּהִי וְאִמֵיה יָלְדוֹהִי לָא תִתקַיַים אֲרֵי שִקרָא אִתנַבִיתָא״מלילתא#3#״ בִשמָא דַיוי וְיֵיחֲדוּן בֵיה אֲבוּהִי וְאִמֵיה יָלְדוֹהִי בְאִתנַבָיוּתֵיה׃
(1) 40:31 וִיהֵי בְעִדָנָא הַהוּא יִבַהתוּן נִבִיֵי שִקרָא גְבַר מִנְבוּאֲתֵיה בְאִתנַבָיוּתֵיה וְלָא יִתנַבוֹן עוֹד שְקַר בְדִיל לְאַלָפָא כַדבִין״שקרין#3#״׃
(1) 50:31 וְיֵימַר לָא נְבֵי אֲנָא גְבַר פָלַח בְאַרעָא אֲנָא אֲרֵי <ארעא פלחית מן טליותי#3#> אֲנָשָא אַקנְיַנִי מִזְעוּרָי׃
(1) 60:31 וְיֵימַר לֵיה מַא מַחָתָא הָאִלֵין אֲתַאָה עֲלַנָא הֲלָא בְעוּבָדֵי יְדַנַא וְיֵימַר יָאוּת לְקֵינָא בְחוֹבִין דִרחֵימנָא׃

(1) 70:31 חַרבָא אִתגְלַא עַל מַלכָא וְעַל שִלטוֹנָא חַברֵיה דִכוָתֵיה דְדָמֵי לֵיה אֲמַר יוי צְבָאוֹת קְטוֹל יָת מַלכָא וְיִתבַדְרוּן שִלטוֹנַיָא וַאֲתֵיב <ית#3#> מַחַת גְבוּרְתִי״גְבוּרְתָא#2#״ עַל תִניָנַייָא׃

(1) 80:31 וִיהֵי בְכָל אַרעָא אֲמַר יוי תְרֵין חוּלָקִין דְבַה יִשתֵיצוֹן יְסוּפוּן וְתַלתָא יִשתְאַר בַה׃
(1) 90:31 וְאַעֵיל יָת תַלתָא בְעָקָא בְכוֹר דְאִישָא וְאַצרוֹפִנוּן כְמָא דְצָרְפִין יָת כַספָא וְאַבחֲרִנוּן כְמָא דְבָחֲרִין יָת דַהבָא הוּא יְצַלֵי בִשמִי וַאֲנָא אֲקַבֵיל צְלוֹתֵיה אֲמַרִית עַמִי הוּא וְהוּא יֵימַר יוי אֲלָהִי׃