(1) 10:70 וַהֲוָה בִשנַת אַרבַע לְדָריָוַש מַלכָא הֲוָה פִתגָם נְבוּאָה מִן קְֹדָם יוי עִם זְכַריָה בְאַרבְעָה לְיַרחָא תְשִיעָאָה בְכִסלֵו׃

(1) 20:70 וֻשלַח לְבֵית אֵל שַׂראַצַר וְרַגַם מַלַך וְגֻברוֹהִי לְצַלָאָה קְֹדָם יוי׃
(1) 30:70 לְמֵימַר לְכָהֲנַיָא דִמשַמְשִין \בְבֵית מַקדְשָא דַיוי ״קדם ייי#3#״ צְבָאוֹת וֻלסָפְרַיָא לְמֵימַר הֲאַבכֵי בְיַרחָא חֲמִישָאָה \הֲאַמנַע נַפשִי ״האיתמנע עצמי#3#״ מִתַפנוּקִין כְמָא דַעֲבַדִית דְנָן כַמָא שְנִין׃
(1) 40:70 וַהֲוָה פִתגָם נְבוּאָה מִן קְֹדָם יוי צְבָאוֹת״#2#״ עִמִי לְמֵימַר׃
(1) 50:70 אֵימַר לְכָל עַמָא דְאַרעָא וֻלכָהֲנַיָא לְמֵימַר אֲרֵי צָיְמִין אַתוּן וְסָפְדִין בַחֲמִישָאָה וֻבִשבִיעָאָה דְנָן שִבעִין שְנִין הֲצוֹם תַענֵי אַתוּן מִתעַנַן קְֹדָמָי׃
(1) 60:70 וֻדאַתוּן אָכֲלִין וֻדאַתוּן שָתַן הֲלָא לְאֵיטָבָא לְכוֹן אַתוּן אָכְלִין וֻלאֵיטָבָא לְכוֹן אַתוּן שָתַן׃
(1) 70:70 הֲלָא יָת פִתגָמַיָא דִשלַח יוי בְיַד <עבדוהי#3#> נְבִיַיָא קַדמָאֵי כַד הֲוָת יְרוּשלַם יָתְבָא וִשלֵיוָא וְקִרוַהָא סַחרָנַהָא וְדָרוֹמָא וְשָפֵילתָא יָתִיב׃
(1) 80:70 וַהְוָה פִתגָם נְבוּאָה מִן קְֹדָם יוי עִם זְכַריָה לְמֵימַר׃
(1) 90:70 כִדנָן אֲמַר יוי צְבָאוֹת לְמֵימַר דִין דִקשוֹט דִינוּ וְחִסדָא וְרַחֲמֵי עֲבִידוּ גְבַר עִם אֲחוּהִי׃
(1) 01:70 וְאַרמְלָא וִיתַם וְגִיוֹר וֻמִסכֵין לָא תֵינְסוּן וֻבִישַת גְבַר אֲחוּהִי לָא תְחַשְבוּן בְלִבְהוֹן״בְלִבְכוֹן#2#״׃
(1) 11:70 וְסָרִיבוּ לְקַבָלָא וִיהַבוּ כַתפְהוֹן מְרוֹד״מלוד#3#״ וְאֻדנְהוֹן יַקַרוּ מִלְמִשמַע׃
(1) 21:70 וְלִבְהוֹן שַוִיאוּ תַקִיף כְשָמִירָא מִלְקַבָלָא יָת אוֹרָיתָא וְיָת פִתגָמַיָא דִשלַח יוי צְבָאוֹת בְמֵימְרֵיה בְיַד נְבִיַיָא קַדמָאֵי וַהֲוָה רְגַז רַב מִן קְֹדָם יוי צְבָאוֹת׃
(1) 31:70 וִיהֵי״וַהְוַה#2#״ כְמָא דְאִתנַבִיוּ לְהוֹן נְבִיַיָא וְלָא קַבִילוּ כֵין יְצַלוֹן קְֹדָמַי וְלָא אֲקַבֵיל צְלוֹתְהוֹן אֲמַר יוי צְבָאוֹת׃
(1) 41:70 וַאֲבַדְרִינוּן בֵינֵי עַמְמַיָא דְלָא יְדַעוּנִין וְאַרעָא תִצדֵי בָתְרֵיהוֹן מִדְעָדֵי וֻמִדְתָאֵיב עַל דְשַוִיאוּ אֲרַע חַמדְתָא לְצָדוּ׃