CAL CODE HELP CLICK HERE
click on the file description for more information

51023: TgJ Zep

click on a word for lexical analysis
Click on a red-colored coordinate for comments and/or translations of the line

previous chapter


(1) 10:30 יֵי״ייא#3#״וי#3#״ווי#3#״ דְמוֹחְיָא״דמוחאה#3#״ וֻמִתפַרקָא קַרתָא דְמַסגְיָא לְאַרגָזָא׃
(1) 20:30 לָא שְמַעַת״קבילת#3#״ בְקָל עַבדוֹהִי נְבִיַיָא וְלָא קַבֵילַת אֻלפָן בְמֵימְרָא דַיוי לָא אִתרְחֵיצַת וֻלפוּלחָנָא״ולדחלתא#3#״ולפולחן#3#״ דַאְלָהַה״דאלההא#3#״ לָא אִתקָרַבַת׃
(1) 30:30 רַברְבַהָא בְגַוַה כְאַריָוָן נָהְמִין דַייָנַהָא דֵיבֵי רַמשָא לָא מוֹרְכִין לְצַפרָא׃
(1) 40:30 נְבִיֵי שִקרָא״שִקרְהוֹן#2#״ דִבגַוַה״דבה#3#״ בָאְשִין גֻברִין שַקָרִין כָהְנַהָא״כָהְנַיָא#2#״ מַפְסִין״טפסין#3#״ קוּדשָא חָטְפִין בְאוֹרָיתָא׃
(1) 50:30 יוי זַכָאָה אְמַר לְאַשרָאָה שְכִינְתֵיה בְגַוַה לֵית קְֹדָמוֹהִי לְמַעְבַד שְקַר הָא כְנֵיהוֹר צַפרָא דְאָזֵיל וְתָקֵין כֵין דִינֵיה נָפֵיק לְאַפרָש לָא מִתעַכַב וְלָא יָדְעִין עַווָלַיָא בַהתָא׃
(1) 60:30 שֵיצִיתִי עַמְמַיָא אַצדִיאָה״אצדיאת#3#״ בִירָניָתְהוֹן אַחרֵיבִית שוּקֵיהוֹן מִבְלִי עָדֵי צַדִיאָה קִרוֵיהוֹן מִבְלִי אְנָש״אינשא#3#״ מִבְלִי יָתִיב׃
(1) 70:30 אְמַרִית בְרַם תִדחְלוּן מִן קְֹדָמַי תְקַבְלוּן אוּלפָן לָא יִפסוּק מְדוֹרְהוֹן מֵאְרַע בֵית שְכִינְתִי כָל טַבוָון דַאְמַרִית לְהוֹן אַיתִי לְהוֹן בְכֵין אַקדִימוּ חַבִילוּ כָל עוּבָדֵיהוֹן׃
(1) 80:30 בְכֵין סַבַרוּ לְמֵימְרִי״לי#3#״ אְמַר יוי לְיוֹם אִתגְלָיוּתִי לִמדָן אְרֵי דִינִי לְכַנָשָא עַמְמַיָא לְקָרָבָא מַלכְוָתָא לְמִשפַך עְלֵיהוֹן חִמתִי כָל תְקוֹף רוּגזִי אְרֵי בְאִישָת פוֹרעָנוּתִי יְסוּפוּן כָל רַשִיעֵי אַרעָא׃
(1) 90:30 אְרֵי בְכֵין אְשַנֵי״אשפוך#3#״ עַל עַמְמַיָא מַמלַל חַד בְחִיר לְצַלָאָה כוּלְהוֹן בִשמָא דַיוי לְמִפלַח קְֹדָמוֹהִי כְתַף חַד׃
(1) 01:30 מֵעֵבַר לְנַהְרֵי הוֹדוּ בְרַחְמִין יְתוּבָן גָלְוָת עַמִי דְאִיתַגלִיאָה וִיהוֹן מֵיתַן לְהוֹן הָא כְקוּרבָנִין״בקורבנין#3#״׃
(1) 11:30 בְעִדָנָא הַהוּא״ההיא#3#״ לָא תִיבַהתִין מִכָל עוּבָדַך בִישַיָא דִמרֵידת בְמֵימְרִי אְרֵי״#3#״ בְכֵין אְגַלֵי מִגַוִיך תַקִיפֵי תֻשבַחתִיך וְלָא תוֹסְפִין״תֵיסְפִין#2#״ עוֹד״#2#״ לְאִתרַברָבָא״לאיתררבא#3#״ עוֹד בְטוּרָא דְקֻדשִי׃
(1) 21:30 וְאַשאַר בְגַוִיך עַם עִנוְתָן וֻמקַבֵיל עֻלבָן וְיִתרַחצוּן בִשמָא דַיוי׃
(1) 31:30 שְאָרָא דְיִשׂרָאֵל לָא יַעבְדוּן שְקַר וְלָא יְמַלְלוּן כַדבִין וְלָא יִשתְכַח בְפוּמְהוֹן לִישָן דְנִכלִין״כדבין#3#״ אְרֵי אִנוּן יִתפַרנְסוּן וְיִשרוֹן <לרוחצן#3#> וְלֵית דְמַנִיד׃
(1) 41:30 שַבַחִי כְנִשתָא דְצִיוֹן יַבַעוּ יִשׂרָאֵל חְדַא וֻבוּעִי בְכָל לֵב״לבא#3#״ כְנִשתָא דִירוּשלַם׃

(1) 51:30 אַגלִי יוי דַייַנֵי שִקרָא מִגַוִיך פַלִי״שיצי#3#״ בַעְלֵי דְבָבַך״בעיל דְבָבַך#2#״ מַלכֵיה דְיִשׂרָאֵל יוי אְמַר לְאַשרָאָה שְכִינְתֵיה בְגַוִיך לָא תִדחְלִין מִן קְֹדָם בִישָא עוֹד׃

(1) 61:30 בְעִדָנָא הַהוּא״ההיא#3#״ יִתאְמַר לִירוּשלַם לָא תִדחְלִין צִיוֹן לָא יִתרַשְלָן יְדִיך׃
(1) 71:30 יוי אְלָהִיך אְמַר לְאַשרָאָה שְכִינְתֵיה בְגַוִיך גִיבָר פָרִיק״יפרקיניך#3#״ יִחדֵי עְלַך בְחַדוָא יִכבוֹש עַל חוֹבַך בְרַחמְתֵיה יְדוּץ עלַך בִדיָץ׃
(1) 81:30 דַהְווֹ מְעַכְבִין בִיך זִמנֵי מוֹעְדַך \אַרחֵיקִית מִנִיך ״אַרחֵיקִית מִגַוִך#2# ״איתרחקת מינך#3#״ וָי עְלֵיהוֹן עַל \דַהְווֹ נָטְלִין ״דנטלין#3#״ זֵינְהוֹן לְקִבלִיך וֻמחַסְדִין לִיך׃
(1) 91:30 הָאְנָא עָבֵיד״אעביד#3#״ גְמֵירָא עִם כָל מְשַעבְדַך בְעִדָנָא הַהוּא״ההיא#3#״ וְאַפרוֹק יָת מְטֻלטְלַיָא וֻמבֻדְרַיָא אְקָרֵיב וַאְשַוֵינוֹן לְתוּשבְחָא וֻלשוֹם בְכָל אְרַע״ארעא#3#״ בַהתַתהוֹן׃
(1) 02:30 בְעִדָנָא הַהוּא״ההיא#3#״ <אַעֵיל יָתְכוֹן וֻבעִדָנָא הַהוּא#2#> \אְקָרֵיב יָת גָלְוָתְכוֹן ״אְכַנֵיש יָתְכוֹן#2#״ אְרֵי אַתֵין יָתְכוֹן לְשוֹם וֻלתוּשבְחָא בְכָל עַמְמֵי אַרעָא כַד אְתֵיב יָת גָלְוָתְכוֹן לְעֵינֵיכוֹן אְמַר יוי׃