The Comprehensive Aramaic Lexicon

(1) 10:30 יֵי קַרתָא אָשְדַת״אָשְדֵי#2#״ דַם <זַכַי#2#> כוּלַה כַדבִין בִיזָא מַליָא לָא פָסִיק קְטוֹל׃
(1) 20:30 קָל נִיקוּש מַחָא״מוחי#3#״ וְקָל זְיָע גַלגַלִין וְסוּסָוָון מְפֻנכִין וֻרתִכִין מְקַפְצִין׃
(1) 30:30 פָרַש מַסֵיק לְהוֹב וְצִלהוּב סֵיפִין וְצִחצוּח מוֹרָניָן וֻסגֵי קְטִילִין וַהֲמוֹן פַגרִין וְלֵית סוֹף לִקטִילַיָא יִתַקלוּן בִקטִילֵיהוֹן׃
(1) 40:30 מִידְסַגִיאוּת״מִסְגִיאַת#2#״ אִתרְגוֹשַת קַרתָא דְהִיא כְטָעִיתָא נָפְקַת בָרָא שַפִירַת רֵיו״חֵן#3#״ יָדֲעָא חַרשִין מָסְרָא עַמְמַיָא בִטעוּתַה וֻמַלכְוָת בְחַרשַהָא״בְחֻרשַהָא#3#״׃
(1) 50:30 הָאֲנָא שָלַח רוּגזִי עֲלַך אֲמַר יוי צְבָאוֹת וַאֲגַלֵי בַהתַת חוֹבַך עַל אַפַך וְאַחזִי עַמְמַיָא בַהתְתִיך וֻמַלכְוָתָא קְלָנִיך׃
(1) 60:30 וְאַרמֵי עֲלַך שִקוּצִין וַאֲנַבְלִינִיך וַאֲשַוֵינִיך מְכָעֲרָא לְעֵינֵי <עממיא#3#> כָל חָזַך׃
(1) 70:30 וִיהֵי כָל דְיִחזֵינִיך יִתרַחַק מִנִיך וְיֵימַר אִתבְזֵיזַת נִינְוֵיה מַן יִדוֵי עֲלַך אִיכָא אַשכַח דִמנַחֲמִין לִיך׃
(1) 80:30 הָא אַת טָבָא מֵאֲלַכסַנדַריָא רַבְתָא דְיָתְבָא בֵינֵי נַהֲרָוָתָא מַיָא סְחוֹר סְחוֹר לָה דְשוּרַה״דתוקפה#3#״ יַמָא מֵי יַמָא שוּרַהָא׃
(1) 90:30 \כוּש סֻמכָוָתַה ״סומכוותה דכוש תקיפין#3#״ וֻמִצרַיִם וְלֵית סוֹף פוּטָאֵי וְלוּבָאֵי הֲווֹ בְסַעֲדִיך׃
(1) 01:30 אַף הִיא לְגָלוּתָא תְהָך בְשִביָא אַף עוּלֵימַהָא יִטָרְפוּן בְרֵיש כָל שוּקַיָא וְעַל יַקִירַהָא רְמוֹ עַדבִין וְכָל רַברְבַהָא יִדַדקוּן״יִדַקדְקוּן#2#״ בְשֵישְלָן׃
(1) 11:30 אַף אַת״ית#3#״ דָמיָא לְרָויָא <תהי#3#> מְסַלעֲמָא אַף אַת תִבעַן סֲעֵיד״סָעֵיד#2#״ מִבְעֵיל דְבָבָא׃
(1) 21:30 כָל כַרכַך דָמַן לְתֵינִין בַכִירָן דְאִם יַרעֲדוּנוּנִין״יְדַעדוּנוּנוּן#2#״ יִתְרָן וְיִשתַאֲרוּן בְהוֹן צִמוּקִין דְכָשְרִין לְמֵיכַל׃
(1) 31:30 הָא עַמִיך חַלָשִין כִנשַיַא בְגַוִיך לְבַעֲלֵי דְבָבַך אִתפַתָחָא יִתפַתְחוּן תַרעֵי אַרעִיך שֵיצִיאַת״אכלת#3#״ אִישָתָא תוּקפַך׃
(1) 41:30 מַיָא בִציָרָא כְנוֹשִי לִיך תַקִיפִי כַרכַך אַסגַא מַרוָא וְשַעֲבִידִי בְטִינָא אַתקִיפִי בִניָנִיך״כרכך#3#״׃
(1) 51:30 לְתַמָן יֵיתוֹן עֲלָך עַמְמַיָא דְתַקִיפִין כְאִישָתָא יְשֵיצוֹנִיך קָטוֹלֵי חַרבָא יִתכַנשוּן עֲלַך <קטולין#3#> מַשרְיָת עַמְמִין דְסַגִיאִין כְזַחלָא יִחפוֹנִיך כְקִמצָא יַחסְנוּנִיך״יחסלונך#3#״ כְגוֹבָא׃
(1) 61:30 אַסגִית תַגָרַך כְכוֹכְבֵי״מִכוֹכְבֵי#2#״ שְמַיָא הָא״#2#״ כְזַחלָא דְשָלַח וֻפָרַח׃
(1) 71:30 הָא טַסַך מְצַלהֲבִין כְגוֹבָא וְטַפסְרַך כִזחֵיל גוֹבַי דְשָרַן בְכוּתלַיָא בְיוֹם קְרִיר״קריך#3#״ דְכַד שִמשָא דָנְחָא עֲלֵיהוֹן מִתבַדְרִין וְלָא אִתיְדַע אַתרְהוֹן <לאן#3#> עָרְקִין׃

(1) 81:30 אִיתְבַרוּ גִיבָרַך מַלכָא דְאַתוּר גְלוֹ עַם מַשרְיָתָך אִתבַדַרוּ עַמָך עַל טוּרַיָא וְלֵית דִמכַנֵיש׃

(1) 91:30 לֵית דִכאִיב לך״#2#״ עַל תְבָרָך מְמָרְעָא מַחֲתָך כָל שָמְעֵי שִמעֲתָך טְפַחוּ יְדֵיהוֹן עֲלָך חֲדִיאוּ אֲרֵי עַל מַן לָא עֲדָת מַחָת בִשתָך תְדִירָא׃