The Comprehensive Aramaic Lexicon

(1) 10:80 נְבִיָא בְחִכָך״בגרונך#3#״ אַכלִי כַד בְשוֹפָרָא אֵימַר הָא כְנִשרָא דְמִשתְדֵי כֵין יִסַק מַלַך בְמַשרְיָתֵיה וְיִשרֵי עַל בֵית מַקדְשָא דַיוי חֲלַף דַעֲבַרוּ עַל קְיָמִי וְעַל אוֹרָיתִי מְרַדוּ׃
(1) 20:80 בְכָל עִידָן ״דַאֲנָא מֵיתֵי״דְאַתיַא#3#״ עֲלֵיהוֹן עָקָא קְֹדָמַי מְצַלַן וְאָמְרִין כְעַן יָדַענָא אֲרֵי לֵית לַנָא אֲלָה בָר מִנָך פְרוֹקְנָא אֲרֵי אֲנַחנָא עַמָך יִשרָאֵל׃
(1) 30:80 טְעוֹ בֵית יִשרָאֵל מִבָתַר פֻלחָנִי דִבדִילֵיה אֲנָא מֵיתֵי עֲלֵיהוֹן טוּבָא מִכְעַן סָנְאָה יִרדוֹפִינוּן׃
(1) 40:80 אִנוּן אַמלִיכוּ וְלָא מִמֵימְרִי רַבִיאוּ וְלָא מֵירְעוּתִי כַספְהוֹן וְדַהבְהוֹן דְאַסִיקוּ לְהוֹן מִמִצרַיִם עֲבַדוּ לְהוֹן טָעֲוָן בְדִיל דְיִשתֵיצוֹן׃
(1) 50:80 טְעוֹ בָתַר עַגלָא דְשוֹמְרוֹן תְקֵיף רוּגזִי בְהוֹן עַד אִימַתִי לָא יִכְלוּן לְמִזכֵי׃
(1) 60:80 אֲרֵי מִיִשרָאֵל וְהוּא גְבַר אוּמָן הוּא עָבְדֵיה דַחלָא דְלֵית בֵיה צְרוֹך הוּא אֲרֵי לְנִסרֵי״לְנָסְרֵי#2#״ לוּחִין יְהֵי עִגלָא דְשוֹמְרוֹן׃
(1) 70:80 בֵית יִשרָאֵל דָמַן לִדרוּחַ זָרַע וְעַלעוּל חָצֵיד קָמָא לֵית לֵיה נוֹב לָא יַעֲבֵיד מָא אִם יִקנוֹן נִכסִין עַמְמַיָא יִבְזוּנוּנוּן׃
(1) 80:80 אִתבְזֵיז יִשרָאֵל כְעַן הֲווֹ בְעַמְמַיָא כְמָנָא דְלֵית צְרוֹך בֵיה׃
(1) 90:80 אֲרֵי אִנוּן גְלוֹ לְאַתוּר עַל דְהַלִיכוּ בִרעוּת נַפשְהוֹן כַעֲרָד מָרוֹד בֵית יִשרָאֵל אִתמְסַרוּ בְיַד עַמְמַיָא דִרחִימוּ׃

(1) 01:80 אַף אִם יְשַווֹן בֵית יִשרָאֵל דַחלְתִי עַל לִבְהוֹן מִבֵינֵי עַמְמַיָא אֲקָרֵיב גָלְוָתְהוֹן וְאַפִילוּ יַחכְמוּן כִזעֵיר אַעדִי מִנְהוֹן מַרוַת מַלכִין שִלטוֹנִין׃

(1) 11:80 אֲרֵי אַסגִיאוּ דְבֵית אַפרַיִם אֵיגוֹרִין לְמִחטֵי הֲווֹ לְהוֹן אֵיגוֹרֵי טָעֲוָתְהוֹן לְתַקלָא׃
(1) 21:80 כְתַבִית לְהוֹן סַגיוּת \״אוֹרָיתִי#3#״ וְאִנוּן כְעַמְמַיָא אִתחְשִיבוּ׃
(1) 31:80 דָבְחִין דְמַגבַן מִן אוֹנֵיס דָבְחִין בְסַר וְאָכְלִין וֻקדָם יוי לָא רַעֲוָא בְהוֹן כְעַן יַסעַר חוֹבֵיהוֹן וְיִתפְרַע עֲוָיָתְהוֹן אִנוּן לְמִצרַיִם יְתוּבוּן׃
(1) 41:80 וֻשבַק יִשרָאֵל יָת פוּלחַן עָבְדֵיה וֻבנָא הֵיכְלִין לְטָעֲוָתָא וֻדבֵית יְהוּדָה אַסגִיאוּ קִרוִין כְרִיכָן וַאֲשַלַח אִישָתָא בְקִרווֹהִי וֻתשֵיצֵי בִירָניָתֵיה׃