The Comprehensive Aramaic Lexicon

(1) 10:92 בְשַתָא עֲסִרֵיתָא בַעֲסִירָאָה בִתרֵי עֲסַר לְיַרחָא הֲוָה פִתגָם נְבוּאָה מִן קְֹדָם יוי עִמִי לְמֵימַר׃
(1) 20:92 בַר אָדָם קַבֵיל נְבוּאָה עַל פַרעֹה מַלכָא דְמִצרָיִם וְאִתנַבִי עֲלוֹהִי וְעַל מִצרָאֵי כוּלְהוֹן׃
(1) 30:92 אִתנַבִי וְתֵימַר כִדנָן אֲמַר יוי אֲלֹהִים הָאֲנָא שָלַח רֻגזִי עֲלָך פַרעֹה מַלכָא דְמִצרַיִם דְאַת דָמֵי לְתַנִינָא רַבָא דְשָרֵי בְגוֹ נַהרָוָתָא דַאֲמַר דִילִי מַלכוּתָא וַאֲנָא כַבשֵית׃
(1) 40:92 וְאַתֵין שֵירִין בְלִסתָך וַאֲקַטֵיל שִלטוֹנֵי תוּקפָך עִם גִיבָרָך וַאֲבָטְלִנָך מִמַלכוּתָך וְיָת כָל שִלטוֹנֵי תוּקפָך עִם גִיבָרָך יִתקַטלוּן׃
(1) 50:92 וְאַרטְשִינָך לְמַדבְרָא יָתָך וְיָת כָל שִלטוֹנֵי תוּקפָך עַל אַפֵי בָרָא״חקלא#3#״ארעא#3#״ תִתרְמֵי נְבֵילְתָך לָא תִתכְנֵיש וְלָא תִתקְבַר לְחַיַת אַרעָא וֻלעוֹפָא דִשמַיָא מְסַרתָך לְאִשתֵיצָאָה׃
(1) 60:92 וְיִדְעוּן כָל יָתְבֵי מִצרַיִם אֲרֵי אֲנָא יוי חֲלָף דַהֲווֹ סְמַך קַניָא רְעִיעָא לְבֵית יִשרָאֵל׃
(1) 70:92 בְאִתכְנָיוּתְהוֹן בָך בְיַד מַלַך תַקִיף תִתמְסַר וְיֵיבַד בֵית רוּחצָנְהוֹן וֻבאִסתְמָכוּתְהוֹן עֲלָך תִיתְבַר וְלָא תְהֵי לְהוֹן לְבֵית סוּמכָן׃
(1) 80:92 בְכֵין כִדנָן אֲמַר יוי אֲלֹהִים הָאֲנָא מֵיתֵי עֲלַך דְקָטְלִין בְחַרבָא וַאֲשֵיצֵי מִינָך אֲנָשָא וֻבעִירָא׃
(1) 90:92 וֻתהֵי אַרעָא דְמִצרַיִם לְצָדוּ״לְאִשתְמָמוּ#3#״ וְחָרבָא וְיֵדְעוּן אֲרֵי אֲנָא יוי חֲלָף דַאֲמַר מַלכוּתָא דִילִי וַאֲנָא כַבשֵית׃
(1) 01:92 בְכֵין הָאֲנָא שָלַח רוּגזִי עֲלָך וְעַל מַלכוּתָך וְאַתֵין יָת אַרעָא דְמִצרַיִם לְחוֹרַב צָדוּ וְאִשתְמָמוּ מִמִגדוֹל סְוֵנֵי וְעַד תְחוּם כוּש׃
(1) 11:92 לָא תִעבַר בַה רְגַל אֲנָשָא וֻרגַל בְעִירַא לָא תִעבַר בַה וְלָא תִתיַתַב אַרבְעִין שְנִין׃
(1) 21:92 וְאַתֵין יָת אַרעָא דְמִצרַיִם לְצָדוּ״לחורבא צדו ואישתממו#3#״ בְגוֹ מְדִינָן צָדיָן וְקִרוַהָא בְגוֹ קִרוִין דַהֲוַאָה חָרבָן יִהוְיָן לְצָדוּ אַרבְעִין שְנִין וְאַגלֵי יָת מִצרָאִי לְבֵינֵי עַמְמַיָא וַאֲבַדְרִינוּן בִמדִינָתָא׃
(1) 31:92 אֲרֵי כִדנָן אֲמַר יוי אֲלֹהִים מִסוֹף אַרבְעִין שְנִין אֲכַנֵיש יָת מִצרָאֵי מִבֵינֵי עַמְמַיָא דְאִתבַדַרוּ לְתַמָן׃
(1) 41:92 וַאֲתֵיב יָת גַלְוָת מִצרַיִם וַאֲתֵיב יָתְהוֹן לַאֲרַע פַתרוֹס עַל אֲרַע תוֹתָבוּתְהוֹן וִיהוֹן תַמָן מַלכוּ חַלָשָא׃
(1) 51:92 מִן מַלכְוָתָא תְהֵי חַלָשָא וְלָא תִתרָרַב״תתרברב#3#״ עוֹד עַל עַמְמַיָא וְאַזעֲרִינוּן בְדִיל דְלָא יִפלְחוּן <עוד#3#> בְעַמְמַיָא׃
(1) 61:92 וְלָא יְהוֹן עוֹד לְבֵית יִשרָאֵל לְאִתרְחָצָא עֲלֵיהוֹן לְאַדכָרָא חוֹבִין בְאִתפְנָיוּתְהוֹן בָתְרֵיהוֹן וְיִדְעוּן אֲרֵי אֲנָא יוי אֲלֹהִים׃
(1) 71:92 וַהֲוָה בְעִסרִין וֻשבַע שְנִין בְקַדמָאָה בְחַד לְיַרחָא הֲוָה פִתגָם נְבוּאָה מִן קְֹדָם יוי עִמִי לְמֵימַר׃
(1) 81:92 בַר אָדָם נְבוּכַדרַצַר מַלכָא דְבָבַל אַפלַח יָת מַשרְיָתֵיה פֻלחַן רַב עַל צֹר כָל סְעַר רֵיש נְתַר וְכָל כְתַף אִתמְרֵיט וַאֲגַר לָא הֲוָה לֵיה וֻלמַשרְיָתֵיה מִצֹר עַל פֻלחָנָא דְאַפלַח עֲלַה׃

(1) 91:92 בְכֵין כִדנָן אֲמַר יוי אֲלֹהִים הָאֲנָא יָהֵיב לִנבוּכַדנַצַר מַלכָא דְבָבַל יָת אַרעָא דְמִצרַיִם וְיִשבֵי אִתרְגוֹשְתַה וְיִבוֹז בִיזַה וְיִעדֵי עֲדָאַה וֻתהֵי אֲגַר לְמַשרְיָתֵיה׃

(1) 02:92 אַגרֵיה דְאַפלַח בַה יְהַבִית לֵיה יָת אַרעָא דְמִצרַיִם דְחָבוּ קְֹדָמַי לְאִתפְרָעָא מִנְהוֹן אֲמַר יוי אֲלֹהִים׃
(1) 12:92 בְעִדָנָא״ביומא#3#״ הַהוּא אֲקִים״אְרֵים#3#״איתי#3#״ פֻרקָן לְבֵית יִשרָאֵל וְלַך אַתֵין מַפתַח פוּמָא בִנבוּאָה בֵינֵיהוֹן וְיִדְעוּן אֲרֵי אֲנָא יוי׃