The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:72 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 20:72 וְאַת בַר אָדָם טוֹל עַל צוֹר אִליָא׃
(1) 30:72 וְתֵימַר לְצוֹר דְיָתְבָא עַל מִגרַש מְחוֹזֵי יַמָא מְסַפְקָא סְחוֹרָא לְעַמְמַיָא לִנגָוָון סַגִיאִין כִדנָן אֲמַר יוי אֲלֹהִים צוֹר אַת אֲמַרת אֲנָא מְשַכלְלָא בְשוּפרִי׃
(1) 40:72 בְגוֹ יַמְמַיָא״עַמְמַיָא#3#״ תְחוּמַך אַרדֵיכְלַך שַכלִילוּ בִניְנִיך׃
(1) 50:72 בֵירָוָון מִסנִיר בְנוֹ לִיך יָת כָל גִשרַך אַרזִין מִלִבנָן נְסִיבוּ לְמַעֲבַד תֻרנִין״תוֹרָנִין#2#״ עֲלַך׃
(1) 60:72 בַלוּטִין מִמַתנַן עֲבַדוּ מְשוֹטֵי סְפִינַך תֵירוּמֵי תַרעַך דַפִין דְאַשכְרָעִין מְכַבְשִין בְשֵין דְפִיל בֵית חוֹפָאָה לְאִתיָטְרוֹן מִמְדִינַת אֲפוּלַיָא׃
(1) 70:72 בוּץ וְצִיוּרִין מִמִצרַיִם הֲוָה פְרָסִיך לְמִהוֵי לִיך לְאָת תַכלָא וְאַרגְוָנָא מִמְדִינַת אִיטַליָא הֲוָת כְסוּתִיך׃
(1) 80:72 יָתְבֵי צִידוֹן וְאַרוָד הֲווֹ שָיְטִין וֻמֵיתַן סְחוֹרָא לְגַוִיך חַכִימַך צוֹר הֲווֹ בִיך אִנוּן פַרנָסַך׃
(1) 90:72 סָבֵי גְבָל וְחַכִימַהָא הֲווֹ בִיך מְתַקְפֵי צוּרכַך כָל נָחֲתֵי סְפִינֵי יַמָא וְסַפָנֵיהוֹן הְווֹ <ביך#3#> שָיְטִין וֻמֵיתַן סְחוֹרָא לְגַוִיך׃
(1) 01:72 פַרסָאֵי וְלוּדָאֵי וֻפוּטָאֵי הֲווֹ בְמַשרְיָתִיך גֻברֵי עָבְדֵי קְרָבִיך עֲגִילִין וְקוֹלְסִין תְלוֹ בִיך אִנוּן אַסגִיאוּ זִיוִיך׃
(1) 11:72 בְנֵי אַרוָד וֻמַשרְיָתִיך״וכל משיריתיך#3#״ עַל שוּרַך סְחוֹר סְחוֹר וְאַף קְפוּטקָאֵי בְמִגדָלַך הְווֹ שָלְטֵיהוֹן תְלוֹ עַל שוּרַך סְחוֹר סְחוֹר אִנוּן שַכלִילוּ שוּפרִיך׃
(1) 21:72 מִן יַמָא מֵיתַן סְחוֹרָא לְגַוִיך מִסְגֵי כָל עוֹתַר בִכסַף בַרזַל בְעֵיץ״עְבַץ#3#״ וַאֲבָר יְהַבוּ בְבֵית גִנזַך׃
(1) 31:72 יָוָן תוּבָל וֻמַשַך אִנוּן תַגָרַך בְנַפשָא דַאֲנָשָא וֻמָנֵי נְחָשָא מֵיתַן סְחוֹרָא לְגַוִיך׃
(1) 41:72 מִמְדִינַת גַרמַמיָא סוּסָוָן וֻפָרָשִין וְכוֹדְנָוָון מֵיתַן סְחוֹרָא לְגַוִיך׃
(1) 51:72 בְנֵי דְדָן תַגָרַך יָתְבֵי נְגָוָון סַגִיאָן מֵיתַן סְחוֹרָא לְגַוִיך בְקַרנִין דְיַעלִין שֵין דְפִיל וֻטוָסִין אֲתִיבוּ קוּרבָנַך׃
(1) 61:72 מִן אֲרַם מֵיתַן סְחוֹרָא לְגַוִיך מִסְגֵי עוּתרִיך בְתַכרִיכִין דְאַרגְוָן\״ורקם ובוץ#3#״ וְצִיוּרִין וֻבוּץ וְאַבנִין טָבָן וֻמַרגַליָן יְהַבוּ בְבֵית גִנזַך׃
(1) 71:72 יְהוּדָה וְאַרעָא דְיִשרָאֵל אִנוּן תַגָרַך בְחִיטֵי דִיחוּש״רִיחוּש#3#״ וְקֹלַויָא״וְקִילוּיָא#3#״ וֻדבַש וֻמשַח וֻשעֵיף יְהַבוּ בְחַנְוָתִיך׃
(3) 71:72 בְחִיטֵי דחושלא וקלמא
(1) 81:72 מִן דַמַשַק מֵיתַן סְחוֹרָא לְגַוִיך בִסגֵי עוּתרִיך מִסְגֵי כָל עוֹתַר בְחֲמַר חֵילַת מְבֻשַל וְעַמַר מֵילַת כְבֵינָא׃
(1) 91:72 וְדָן וְיָוָן בִשיָרָן סְחוֹרְתִיך מֵיתַן בְעַרקִין״בעדקין#3#״ דְבַרזַל קִידָא וֻקנֵי בְסַם בְחָנְוָתִיך יְהַבוּ׃
(1) 02:72 מִן דְדָן מֵיתַן סְחוֹרָא לְגַוִיך בִלבוּש דִיקָר לִרתִיכִין׃
(1) 12:72 עֲרָב וְכָל רַברְבֵי נְבָט״קֵדָר#3#״ אִנוּן תַגָרַך בְתוֹרִין וְדִכרִין וֻגדִין בְהוֹן הֲוָת סְחוֹרְתִיך׃
(1) 22:72 תַגָרֵי שְבָא וְרַעמָה אִנוּן תַגָרַך בְרֵיש כָל בוּסמִין וֻבכָל אַבנִין טַבָן וְדַהָבָא יְהַבוּ בְבֵית גִנזַך׃
(1) 32:72 חַרוֹן״חַרזָן#3#״ וֻנצִיבִין וְחַדיָב תַגָרֵי שְבָא מְדִינַת אַתוּר וֻמָדַי אִנוּן תַגָרַך׃
(1) 42:72 אִנוּן תַגָרַך בִגמָר מִינֵי כָל תֻשבְחָא בְגוֹזְזִין״בְגוֹזַגזִין#2#״ דְתַכלָא בְכוֹשְפִין \דִי וַרדָא ״דְיוַֹרדָא#2#״דארזא#3#״ בְאַימְלִין״באִימְרִין#3#״ דִזהוֹרִיתָא מַחֲתִין בְקַמטְרוֹן חָפַן״חלפן#3#״ גִלדִין מְאַסְרִין \דִי בוּצָא ״דְבוּצָא#2#״ מְחֻתְמִין״מַחֲתִין#3#״ בְעִזקָת גְלָב״גלף#3#״ עֲבִידַת יַמָא מַחֲתִין בְמִגדְלֵי אָעֵי הֲדַסִין בְהוֹן הֲוָת סְחוֹרְתִיך׃
(1) 52:72 בִספִינֵי יַמָא הֲווֹ שָיְטִין וֻמֵיתַן סְחוֹרָא לְגַוִיך וַעֲתַרת וֻתקֵיפת לַחדָא בְגוֹ יַמָמַיָא׃
(1) 62:72 בְמַיִין סַגִיאִין עָלוּ עֲלַך דְבָזוּ יָתִיך מַלַך דְתַקִיף כְרוּחַ קִידוּמָא תְבָרִיך בְגוֹ יַמְמַיָא׃
(1) 72:72 עוּתרִיך וְנִכסַך סְחוֹרְתִיך סַפָנַך וֻפַרנָסַך מְתַקְפֵי צֻרכַך וֻמֵיתַן סְחוֹרַת חָנְוָתִיך וְכָל גֻברֵי עָבְדֵי קָרַבִיך דְבִיך וֻבכָל מָשרְיָתִיך דִבגַוִיך יִפְלוּן״יִתרְמוֹן#3#״ בְגוֹ יַמְמַיָא בְיוֹם מַפְלַת קְטִילַך׃
(1) 82:72 לְקָל צִוחַת פַרנָסַך יְזוּעוּן פַרוָרַיָא׃
(1) 92:72 וְיֵיחֲתוּן מִסְפִינֵיהוֹן כָל אָחֲדֵי מָשוֹט סַפָנִין כָל פַרנָסֵי יַמָא עַל אַרעָא יְקוּמוּן׃
(1) 03:72 וְיַשמְעוּן עֲלַך בְקָלְהוֹן וְיִצוָחוּן בִמרָר וְיַסְקוּן עַפרָא עַל רֵישֵיהוֹן בְקִטמָא יְהוֹן חֲפִיפִין״חפיאין#3#״׃
(1) 13:72 וְיִמרְטוּן עֲלַך מְרָט וְיֵיסְרוּן סַקִין וְיִבכוֹן עֲלַך בִמרָר נְפַש וְיִעבְדוּן מִספַד מַרִיר׃
(1) 23:72 וְיִטְלוּן עֲלַך בְעֲנוֹיְהוֹן״בעיצתהון#3#״ אִליָא וְיֵילְלוּן עֲלַך מַן כְצוֹר לֵית דְדָמֵי לַה בְגוֹ יַמְמַיָא׃
(1) 33:72 בְמִפַק סְחוֹרְתִיך מִבֵינֵי יַמְמַיָא״עממיא#3#״ סַבַעת עַמְמִין סַגִיאִין בִסגֵי עוּתרִיך וְנִכסַך אַעתַרת״אַתְעַרת#3#״ מַלכֵי אַרעָא׃
(1) 43:72 כְעַן אִתְבַרת דַהֲוֵית \יַתְבָא בְגוֹ יַמְמַיָא ״דהוָת מספקא סחורה לעממיא#3#״ בְעוּמקֵי מַיָא״ימא#3#״ סְחוֹרְתִיך וְכָל מַשרְיָתִיך בְגַוִיך נְפַלוּ׃

(1) 53:72 כָל יָתְבֵי נְגָוָתָא צַדִיאוּ עֲלַך וֻמַלכֵיהוֹן זָעוּ זְיָע אִתרְשִימוּ אַפֵיהוֹן׃

(1) 63:72 תַגָרִין בְעַמְמַיָא צַדִיאוּ עֲלַך כִיד לָא הֲוֵית אַתְנִינִיך וְכֵין תְהַן עַד עַלְמָא׃