The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:91 וְאַת טוֹל אִליָא עַל רַברְבֵי יִשרָאֵל׃
(1) 20:91 וְתֵימַר מָא כְנִשתָא דְיִשרָאֵל דַהָוָת דָמיָא לְלֵיתָא בֵינֵי מַלכַיָא רְבָת בֵינֵי שִלטוֹנַיָא רַבִיאַת בְנַהָא׃
(1) 30:91 וְרַבִיאַת חַד מִבְנַהָא מַלכָא הֲוָה וְאֵילֵיף לְמִקטַל קְטוֹל אֲנָשָא קְטַל׃
(1) 40:91 וֻשמַעוּ עַלוֹהִי עַמְמַיָא בִסרִיגַתהוֹן אִתאֲחַד וְאַיתְיוּהִי בְשֵישְלָן״בשלשלן#3#״בשירין#3#״ לְאַרעָא דְמִצרָיִם׃
(1) 50:91 וַחֲזָת אֲרֵי פְסַק אֲבַד סִבוּרַה וְרַבִיאַת חַד מִבְנַהָא מַלכָא שַוִיתֵיה׃
(1) 60:91 וְהַלֵיך בֵינֵי״בְגוֹ#3#״ מַלכַיָא מַלכָא הֲוָה וְאֵילֵיף לְמִקטַל קְטוֹל אֲנָשָא קְטַל׃
(1) 70:91 וְאַצדֵי בִירָניָתֵיה וְקִרוֵיהוֹן אַחרֵיב וְצַדִיאַת אַרעָא וֻמלָאַה מִקָל אִתרְגוֹשָתֵיה׃
(1) 80:91 וְאִתכְנִישוּ עֲלוֹהִי עַמְמַיָא סְחוֹר סְחוֹר מִמְדִינָתָא וֻפרַסוּ עֲלוֹהִי מְצָדַתהוֹן בִסרִיגַתהוֹן אִתאֲחַד׃
(1) 90:91 וְיַהבוּהִי בְקוּלָרִין בְשֵישְלָן״בשילשלן#3#״בשירין#3#״ וְאַיתְיוּהִי לְוָת מַלכָא דְבָבַל אַיתְיוּהִי בִמצָדַיָא בְדִיל דְלָא יִשתְמַע קָלֵיה עוֹד עַל טוּרֵי יִשרָאֵל׃
(1) 01:91 <אמרת#3#> כְנִשתָא דְיִשרָאֵל בְמַעבְדַה אוֹרָיתָא דָמְיָא כְגוֹפַן דִשתִילָא עַל מַבוּעַ דְמַיִין דְנוֹפַה שַפִיר וְסוּכַה מְטַלָן הִיא שְתִילָא עַל מַיִין סַגִיאִין׃
(1) 11:91 וַהֲווֹ בַה שִלטוֹנִין תַקִיפִין מַלכִין דְגִיבָרִין לְשַעבָדָא מַלכוּ וֻראֵים בְתוּקפֵיה עַל מַלכְוָתָא וְאִתנְצַח בְסֻמכְוָתֵיה בִסגֵי גִבָרוֹהִי׃
(1) 21:91 וְאִתעֲקַרַת בִתקוֹף מֵאֲרַע בֵית שְכִינְתָא לַאֲרַע אוּחרִי אִתַגִליאַת וֻמַלַך דְתַקִיף כְרוּחַ קִדוּמָא קַטֵיל עַמַה אִטַלטַלוּ <וֻגלוֹ#3#> שִלטוֹנֵי תוּקפַה וְעַמְמַיָא דְתַקִיפִין כְאִישָתָא שֵיצִיאוּנוּן׃
(1) 31:91 וֻכעַן דָמיָא לְגוֹפַן דִשתִילָא בְמַדבְרָא בַאֲרַע צָדיָא וְחֻרבָא׃

(1) 41:91 וַאֲתוֹ עַמְמַיָא דְתַקִיפִין כאִישָתָא מֵחוֹבֵי זְדוֹנַה עַמַה קַטִילוּ וְלָא הֲווֹ בַה שִלטוֹנִין תַקִיפִין מַלכִין דְגִיבָרִין לְשַעבָדָא מַלכוּ אֲמַר נְבִיָא אִליָא הִיא נְבוּאֲתָא וֻתהֵי לְאִליָא׃