CAL CODE HELP CLICK HERE
click on the file description for more information

51014: TgJ Ez

click on a word for lexical analysis
Click on a red-colored coordinate for comments and/or translations of the line

previous chapter


(1) 10:71 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 20:71 בַר אָדָם חוֹד חוּדִיתָא וֻמתוֹל מַתלָא עַל בֵית יִשרָאֵל׃
(1) 30:71 וְתֵימַר כִדְנָן אֲמַר יוי אֲלֹהִים נִשרָא רַבָא רַב גַפִין אֲרִיך אַברִין חָפֵי כַנפִין דְלֵיה צִיוּרִין אֲתָא לְלִבנָן וֻנסֵיב יָת עוֹבַרתָא דְאַרזָא רָמָא׃
(1) 40:71 יָת רֵיש שֵיבָשתֵיה נְסֵיב וְאוֹבְלֵיה לְאַרעָא דְבָטְלָא מִפֻלחַנָא בְאַרעָא דִכנַעַן עַד לָא יֵיעֲלוּן לֵיה״בַה#3#״ בֵית יִשרָאֵל בְקִריַת תַגָרִין שַויֵיה׃
(1) 50:71 וֻנסֵיב מִזַרעָא דְאַרעָא וְיַהבֵיה בַחֲקַל טָב לְמִזרַע נִצבֵיה עַל מַיִין סַגִיאִין גַפַן נִסבָא״נצבא#3#״נַסכָה#3#״ שַויֵיה׃
(1) 60:71 וֻצמַח וַהֲוָה לִגפַן תַקִיף מַכִיך בְקוֹמָה לְכָפָפָא עוֹבְרָתֵיה לֵיה וְשֻרשוֹהִי תְחוֹתוֹהִי יְהוֹן וַהֲוָה לִגפַן וַעֲבַד שִבקִין״שיבשין#3#״ וֻשלַח עוֹבְרָן׃
(1) 70:71 וַהֲוָה נִשרָא חַד רַבָא רַב גַפִין וְחָפֵי כַנפִין וְהָא גוּפנָא הָדָא כְפָת שוּרשַהָא עֲלוֹהִי וְעוֹבְרָתֵיה שְלַחַת לֵיה לְאַשקָאָה יָתַה מֵעוֹגִית נִצבְתַה׃
(1) 80:71 בַחֲקַל טָב עַל מַיִין סַגִיאִין הִיא שְתִילָא לְמַעֲבַד עֲנַף וֻלמִטעַן פֵירִין לְמִהוֵי לִגפַן״פַגלִן#3#״ תַקִיף׃
(1) 90:71 אֵימַר כִדנָן אֲמַר יוי אֲלֹהִים תַצלַח הֲלָא יָת שוּרשַה יְפַסִיק וְיָת אִבַה יְקַטֵיף וְיִיבְשוּן כָל טַרפֵי צִמחַה וְיִתְרוּן וְלָא בְמַשרְיָן סַגִיאָן וֻבעַם סַגִי יֵיתוֹן לְמִעקַר יָתַה מִשוּרשַהַא׃
(1) 01:71 וְהָא שְתִילָא הֲתִצלַח הֲלָא כְמִקרַב בַה רוּחַ קִדוּמָא תִיבַש מִיבָש עַל עוֹגִית נִצבְתַה תֵיבַש׃
(1) 11:71 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 21:71 אֵימַר כְעַן לְעַמָא סַרְבָנָא הֲלָא יָדְעִיתוּן מָא אִלֵין אֵימַר הָא אֲתָא מַלכָא דְבָבַל לִירוּשלַם וֻדבַר יָת מַלכַה וְיָת רַברְבַהָא וְאוֹבֵיל יָתְהוֹן לְוָתֵיה לְבָבַל׃
(1) 31:71 וְדבַר מִזַרעָא דְמַלכוּתָא וֻגזַר עִמֵיה קְיָם וְאַעֵיל יָתֵיה בְמוֹמֵי וְיָת רַברְבֵי אַרעָא דְבַר׃
(1) 41:71 לְמִהוֵי מַלכוּ חַלָשָא בְדִיל דְלָא לְאִתרַברָבָא לְמִיטַר יָת קְיָמֵיה לְמִפלְחֵיה׃
(1) 51:71 וֻמרֵיד בֵיה לְשַלָחָא אִזגַדוֹהִי״איסגדוהי#3#״ לְמִצרַיִם לְמִיתַן לֵיה סוּסָוָן וְעַם סַגִי הֲיִצלַח הֲיִשתֵיזַב דְעָבֵיד אִילֵין וֻמשַנֵי קְיַם הֲיִשתֵיזַב׃
(1) 61:71 קַיָים אֲנָא אֲמַר יוי אֲלֹהִים אִם לָא בְאַתרָא דְמַלכָא דְאַמלֵיך יָתֵיה דְבַסַר עַל מוֹמָתֵיה וֻדאַשנִי יָת קְיָמֵיה עִמֵיה בְגוֹ בָבַל יְמוּת׃
(1) 71:71 וְלָא בְמַשרְיָן סַגִיאָן וֻבעַם סַגִי יַעֲבֵיד עִמֵיה פַרעֹה קְרָב בְמִצבַר מִלֵיתָא וֻבמִבנֵי כַרקוֹם לְשֵיצָאָה מְדִינָן סַגִיאָן׃
(1) 81:71 וֻבַסַר עַל מוֹמֵי לְאַשנָאָה קְיָם וְהָא אַמטִי יְדֵיה לְפַרעֹה וְכָל אִלֵין עֲבַד לָא יִשתֵיזַב׃
(1) 91:71 בְכֵין כִדְנָן אֲמַר יוי אֲלֹהִים קַיָים אֲנָא אִם לָא מוֹמָתִי דְבַסַר וֻקיָמִי דְאַשנִי וְאַתֵין פוֹרעָנוּת אוֹרחֵיה בְרֵישֵיה׃
(1) 02:71 וְאַפרוֹס עֲלוֹהִי מְצָדְתִי וְיִתאֲחַד בִסרִיגְתִי וְאַגלֵינֵיה לְבָבַל וְאַתפְרַע מִנֵיה תַמָן שִקרֵיה דְשַקַר קְֹדָמַי״בי#3#״׃
(1) 12:71 וְיָת כָל גִבָרוֹהִי בְכָל מַשרְיָתֵיה בְחַרבָא יִתקַטלוּן וֻדיִשתַאֲרוּן לְכָל רוּחַ יִתבַדְרוּן וְתִידְעוּן אֲרֵי אֲנָא יוי גְזַרִית בְמֵימְרִי׃
(1) 22:71 כִדנָן אֲמַר יוי אֲלֹהִים וַאֲקְרֵיב אֲנָא מִמַלכוּתָא דְבֵית דָוִיד דִמתִיל בְאַרזָא רָמָא וַאֲקַיְימִנֵיה מִבְנֵי בְנוֹהִי יָנֵיק אֲרַבֵי וַאֲקַיְימִנֵיה בְמֵימְרִי כְטוּר רָם וֻמנַטַל׃

(1) 32:71 בְטוּר קוּדשָא דְיִשרָאֵל אֲקַיְמִנֵיה וִיכַנֵיש מַשרְיָן וְיַעֲבֵיד סוּמכָוָן וִיהֵי לְמַלַך תַקִיף וְיִסתַמכוּן עֲלוֹהִי כָל צַדִיקַיָא וְכָל עִנוְתָנַיָא בִטלַל מַלכוּתֵיה יִשרוֹן׃

(1) 42:71 וְיִדְעוּן כָל מַלכֵי עַמְמַיָא אֲרֵי אְנָא יוי <גזרית#3#> אַמאֵיכִית מַלכוּת דַהֲוָת תַקִיפָא תַקֵיפִית מַלכוּתָא דַהְוָת חַלָשָא אַמאֵיכִית מַלכוּת עַמְמַיָא דְהֲוָת תַקִיפָא כְאָע רַטִיב וְתַקֵיפִית מַלכוּת בֵית יִשרָאֵל דַהֲוָת חַלָשָא כְאָע יַבִיש אֲנָא יוי גְזַרִית בְמֵימְרִי וַאֲקַיֵים׃


next chapter