The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:14 וַהֲוָה בְיַרחָא שְבִיעָאָה אֲתָא יִשמָעֵאל בַר נְתַניָה בַר אֲלִישָמָע מִזַרעָא דְמַלכוּתָא וְרַברְבֵי מַלכָא וְעַסרָא גֻברִין עִמֵיה לְוָת גְדַליָה בַר אֲחִיקָם לְמַצפְיָא וַאֲכַלוּ תַמָן לַחמָא כַחדָא בְמַצפְיָא׃
(1) 20:14 וְקַם יִשמָעֵאל בַר נְתַניָה וְעַסרָא גֻברִין דַהֲווֹ עִמֵיה וֻמחוּ יָת גְדַליָה בַר אֲחִיקָם בַר שָפָן בְחַרבָא וֻקטַל״וקטלו#3#״ יָתֵיה דְמַנִי מַלכָא דְבָבַל בְאַרעָא׃
(1) 30:14 וְיָת כָל יְהוּדָאֵי דַהֲווֹ עִמֵיה עִם גְדַליָה בְמַצפְיָא וְיָת כַסדָאֵי דְאִשתְכַחוּ תַמָן יָת גֻברֵי עָבְדֵי״מגיחי#3#״ קְרָבָא קְטַל״מְחָא#2#״ יִשמָעֵאל׃
(1) 40:14 וַהֲוָה בְיוֹמָא תִניָנָא לְמִקטַל יָת גְדַליָה וַאֲנָש לָא יְדַע׃
(1) 50:14 וַאֲתוֹ גֻברַיָא מִשְכַם מִשִילוֹ וֻמִשֹמְרוֹן תְמָנַן גֻברָא״גברין#3#״גבריא#3#״ כַד״כִד#2#״ מְגַלְחִין דִקנֵיהוֹן וֻמבַזְעִין לְבוּשֵיהוֹן וֻמִתהָמְמִין וְקֻרבָנָא וֻלבוֹנְתַא בְיַדהוֹן לְאֵיתָאָה לְבֵית מַקדְשָא דַיוי׃
(1) 60:14 וֻנפַק יִשמָעֵאל בַר נְתַניָה לְקַדָמוּתְהוֹן מִן מַצפְיָא אָזֵיל מֵיזָל וֻבָכֵי וַהֲוָה כַד עָרַע יָתְהוֹן וַאֲמַר לְהוֹן עוּלוּ לְוָת גְדַליָה בַר אֲחִיקָם׃
(1) 70:14 וַהֲוָה כְמֵיעַלהוֹן״במיעלהון#3#״ לְגוֹ קַרתָא וְנכַסִינוּן יִשמָעֵאל בַר נְתַניָה לְגוֹ גוּבָא הוּא וְגֻברַיָא דְעִמֵיה׃
(1) 80:14 וְעִסרָא גֻברִין אִשתְכַחוּ בְהוֹן״בקרתא#3#״ וַאֲמַרוּ לְיִשמָעֵאל לָא תִקטְלִנַנָא אֲרֵי אִית לַנָא מַטמוֹרִין״מטמונין#3#״ בְחַקלָא חִטִין וֻסעָרִין וֻמשַח וֻדבַש וְאִתמְנַע וְלָא קַטֵילִינוּן בְגוֹ אֲחֵיהוֹן׃
(1) 90:14 וְגוּבָא דִרמָא תַמָן יִשמָעֵאל יָת כָל פִיגרֵי גֻברַיָא״מיתיא#3#״ דִקטַל בְיַד גְדַליָה הוּא דַעֲבַד מַלכָא אָסָא כַד צָר עֲלוֹהִי בַעשָא מַלכָא דְיִשרָאֵל יָתֵיה מְלָא יִשמָעֵאל בַר נְתַניָה קְטִילִין׃
(1) 01:14 וֻשבָא יִשמַעֵאל יָת כָל שְאָרָא דְעַמָא דִבמַצפְיָא״דאשתארו במצפיא#3#״ יָת בְנָת מַלכָא וְיָת כָל עַמָא דְאִשתְאַרוּ בְמַצפְיָא דְמַנִי נְבוּזַראֲדָן רַב קְטוֹלַיָא עִם״יָת#2#״על#3#״ גְדַליָה בַר אֲחִיקָם וֻשבָנוּן יִשמָעֵאל בַר נְתַניָה וַאֲזַל לְמִעבַר״לְמַעַבַר#2#״ לְוָת בְנֵי עַמוֹן׃
(1) 11:14 וֻשמַע יְהוֹחָנָן בַר קָרֵחַ וְכָל רַבָנֵי חֵילָוָתָא דְעִמֵיה יָת כָל בִשתָא דַעֲבַד יִשמָעֵאל בַר נְתַניָה׃
(1) 21:14 וֻדבַרוּ יָת כָל גֻברַיָא <האילין#3#> וַאֲזַלוּ לַאֲגָחָא״לְאָגָחָא#2#״ <קְרָבָא#3#> עִם״על#3#״ יִשמָעֵאל בַר נְתַניָה וְאַשכַחוּ יַתֵיה עַל בְרֵיכַת מַיִין סַגִיאִין דִבגִבעוֹן׃
(1) 31:14 וַהֲוָה כַד חֲזוֹ״חזא#3#״ כָל עַמָא דְעִם יִשמָעֵאל יָת יוֹחָנָן בַר קָרֵחַ ויָת כָל רַבָנֵי חֵילָוָתָא״רַברְבֵי חֵילָוָתָא#3#״ דְעִימֵיה וַחדִיאוּ׃
(1) 41:14 וְאִסתְחַרוּ כַל עַמָא דִשבָא יִשמָעֵאל <בר נתניה#3#> מִן מִצפְיָא וְתָבוּ וַאֲזַלוּ לְוָת יוֹחָנָן בַר קָרֵחַ׃
(1) 51:14 וְיִשמָעֵאל בַר נְתַניָה אִשתֵיזַב בִתמָניָא״בתמני#3#״ גֻברִין מִן קְֹדָם יוֹחָנָן <בר קרח#3#> וַאֲזַל <למיעבר#3#> לְוָת בְנֵי עַמוֹן׃
(1) 61:14 וֻדבַר״ונסיב#3#״ יוֹחָנָן בַר קָרֵחַ וְכַל רַבָנֵי חֵילָוָתָא״רַברְבֵי חֵילָוָתָא#3#״ דְעִמֵיה יָת כָל שְאָרָא דְעַמָא דַאֲתֵיב מִלְוָת יִשמָעֵאל בַר נְתַניָה מִן מַצפְיָא בָתַר דִקטַל יָת גְדַליָה בַר אֲחִיקָם גִיבָרִין גֻברֵי עָבְדֵי קְרָבָא וֻנשַיָא וְטַפלָא וְרַברְבַיָא דַאֵתֵיב מִגִבעוֹן׃
(1) 71:14 וַאֲזַלוּ וִיתִיבוּ בְגֵירוּת דִיהַב דָוִיד לְכִמהָם בַר בַרזִלַי גִלעֲדָאָה דְבִסטַר בֵית לָחַם לְמֵיזַל לְמֵיעַל״לְמֵיטַל#3#״ לְמִצרָיִם׃

(1) 81:14 מִן קְֹדָם כַסדָאֵי אֲרֵי דְחִילוּ מִן קְֹדָמֵיהוֹן אֲרֵי קְטַל״קַטֵל#2#״ יִשמָעֵאל בַר נְתַניָה יָת גְדַליָה בַר אֲחִיקָם דְמַנִי מַלכָא דְבָבַל בְאַרעָא״על ארעא#3#״׃