The Comprehensive Aramaic Lexicon

(1) 10:43 פִתגָם נְבוּאָה דַהֲוָה עִם יִרמְיָה מִן קְֹדָם יוי וֻנבוּכַדנַצַר״נבוכדראצר#3#״ מַלכָא דְבָבַל \וְכָל מַשרְיָתֵיה ״#3#״ וְכָל מַלכְוָת אֲרַע״ארעא#3#״ שֻלטַן יְדֵיה וְכָל עַמְמַיָא מְגִיחִין קְרָבָא״קרב#3#״ עַל יְרוּשלַם וְעַל כָל קִרוַהָא״קִרוַיהָא#2#״ לְמֵימַר׃
(1) 20:43 כִדְנָן אֲמַר יוי אֲלָהָא דְיִשרָאֵל אִיזֵיל וְתֵימַר לְצִדקִיָה מַלַך שִבטָא דְבֵית יְהוּדָה וְתֵימַר לֵיה כִדְנָן אֲמַר יוי הָאֲנָא מָסַר יָת קַרתָא הָדָא בְיַד <נבוכדנצר#3#> מַלכָא דְבָבַל וְיוֹקְדִנַה בְנוּרָא׃
(1) 30:43 וְאַת לָא תִשתֵיזַב מִן יְדֵיה אֲרֵי אִתִאֲחָדָא תִתאֲחַד וֻבִידֵיה תִתמְסַר״תִתְמְסַר#2# וְעֵינָך יָת עֵינֵי מַלכָא דְבָבַל יְחֲזְיָן וֻפוּמֵיה עִם פוּמָך יְמַלֵיל וֻלְבָבַל תִתוֹבַל׃
(1) 40:43 בְרַם קַבֵיל פִתְגָמָא דַיוי צִדקִיָה מַלַך שִבְטָא דְבֵית יְהוּדָה כִדְנָן אֲמַר יוי עֲלָך לָא תִתְקְטֵיל בְחַרבָא׃
(1) 50:43 בִשלָמָא״בשלם#3#״ תָמוּת וְכִיקֵידוּת״וביקידות#3#״וביקידת#3#״ אֲבָהָתָך מַלכַיָא קַדמָאֵי״קדמי#3#״ דַהֲווֹ קְדָמָך כֵין יוֹקְדוּן עֲלָך״לך#3#״ וְוָי עַל מַלכָא יִספְדוּן עֲלָך״לך#3#״ אֲרֵי פִתגָמָא אֲנָא מַלֵילִית אֲמַר יוי״וי#3#״׃
(1) 60:43 וֻמַלֵיל יִרמְיָה נְבִיָא עִם צִדקִיָה מַלַך שִבטָא דְבֵית יְהוּדָה יָת כָל פִתגָמַיָא הָאִלֵין בִירוּשלַם׃
(1) 70:43 וֻמַשרְיָת מַלכָא דְבָבַל מְגִיחָן קְרָבָא״#3#״ עַל יְרוּשלַם וְעַל כָל קִרוַיָא דְבֵית יְהוּדָה ״#3#״ דְאִשתְאַרָא עַל לָכִיש וְעַל עֲזֵקָה אֲרֵי אִנִין״אינון#3#״ אִשתְאַרָא בְקִרוַיָא דְבֵית יְהוּדָה קִרוִין כְרִיכָן׃
(1) 80:43 פִתגָם נְבוּאָה״#3#״ דַהֲוָה עִם יִרמְיָה מִן קְֹדָם יוי בָתַר דִגזַר מַלכָא צִדקִיָה קְיָם עִם כָל עַמָא דְבִירוּשלַם לְמִקרֵי לְהוֹן חֵירוּ׃
(1) 90:43 לְשַלָחָא גְבַר יָת עַבדֵיה וֻגבַר יָת אַמתֵיה בַר יִשרָאֵל וֻבַת יִשרָאֵל \בְנֵי חוֹרִין ״בְנֵי חירו#3#״ בְדִיל דְלָא יִפלְחוּן בְהוֹן גְבַר״#3#״ בַאֲחוּהִי יְהוּדָאָה״יהודי#3#״׃
(1) 01:43 וֻשמַעוּ כָל רַברְבַיָא וְכָל עַמָא דְעָלוּ בִקיָמָא לְשַלָחָא גְבַר יָת עַבְדֵיה״עבדין#3#״ וֻגבַר יָת אַמתֵיה בְנֵי חוֹרִין בְדִיל דְלָא יִפְלְחוּן בְהוֹן עוֹד וְקַבִילוּ וְשַלַחוּ׃
(1) 11:43 וְתָבוּ בָתַר כֵין וַאֲתִיבוּ יָת עַבדַיָא וְיָת אַמהָתָא דִפטַרוּ״דפטרֻנון#3#״ \בְנֵי חוֹרִין ״בְנֵי חירו#3#״ וֻכבַשוּנוּן לְעַבדִין וֻלאַמהָן׃
(1) 21:43 וַהֲוָה פִתְגָם נְבוּאָה \מִן קֻ יוי ״#3#״ עִם יִרמְיָה \מִן קֻ יוי ״#3#״ לְמֵימַר׃
(1) 31:43 כִדנָן אֲמַר יוי אֲלָהָא דְיִשרָאֵל אֲנָא גְזַרִית קְיָם עִם אֲבָהָתְכוֹן בְיוֹמָא דְאַפֵיקִית יָתְהוֹן מֵאַרעָא דְמִצרַיִם מִבֵית עַבדוּתָא לְמֵימַר׃
(1) 41:43 מִסוֹף שְבַע שְנִין תְשַלְחוּן גְבַר יָת אֲחוּהִי בַר יִשרָאֵל דְיִזדַבַן לָך וְיִפלְחִינָך שֵית שְנִין וְתִפטְרִנֵיה בַר חוֹרִין מֵעִמָך וְלָא קַבִילוּ אֲבָהָתְכוֹן לְמֵימְרִי וְלָא אַרכִינוּ יָת אֻדנְהוֹן׃
(1) 51:43 וְתַבתוּן אַתוּן יוֹמָא דֵין וַעֲבַדתוּן יָת דְכָשַר קְֹדָמַי לְמִקרֵי חֵירוּ גְבַר לְחַברֵיה וֻגזַרתוּן קְיָם קְֹדָמַי בְבֵיתָא דְאִתקְרִי שְמִי עֲלוֹהִי׃
(1) 61:43 וְתַבתוּן וַאֲחֵילְתוּן יָת שְמִי וַאֲתֵיבתוּן גְבַר יָת עַבדֵיה וֻגבַר יָת אַמתֵיה דִפטַרתוּן בְנֵי חוֹרִין לְנַפשְהוֹן וֻכבַשתוּן יָתְהוֹן לְמִהוֵי לְכוֹן לְעַבדִין וֻלאַמהָן׃
(1) 71:43 בְכֵין כִדנָן אֲמַר יוי אַתוּן לָא קַבֵילתוּן לְמֵימְרִי לְמִקרֵי חֵירוּ גְבַר לַאֲחוּהִי וֻגבַר לְחַברֵיה הָאֲנָא מַכלֵי לְכוֹן חֵירוּ אֲמַר יוי מִן חַרבָא מִן מוֹתָא״מותנא#3#״ וֻמִן כַפנָא וְאַתֵין יָתְכוֹן לִזיָע״לזוע#3#״ לְכָל מַלכְוָת אַרעָא׃
(1) 81:43 וְאַתֵין יָת גֻבְרַיָא דַעֲבַרוּ״ועברתון#3#״ עַל קְיָמִי דְלָא קַיִימוּ יָת פִתגָמֵי קְיָמָא דִגזַרוּ קְֹדָמַי עִגלָא דִפְסַקוּ לִתְרֵין וַעֲבָרוּ בֵין פַלְגוֹהִי׃
(1) 91:43 רַברְבֵי יְהוּדָה וְרַברְבֵי יְרוּשלַם רַברְבַיָא״רברבניא#3#״ וְכָהֲנַיָא וְכָל עַמָא דְאַרעָא דַעֲבַרוּ בֵין פִלגֵי עִגלָא׃
(1) 02:43 וְאַמסַר יָתְהוֹן בְיַד בַעֲלֵי דְבַבֵיהוֹן וֻביַד דְבָעַן לְמִקטַלהוֹן וֻתהֵי נְבֵילַתהוֹן מְשַגְרָא לְמֵיכַל לְעוֹפָא דִשמַיָא וְלִבעִירָא דְאַרעָא׃

(1) 12:43 וְיָת צִדקִיָה \מַלַך שִבטָא ״מלכא#3#״ דְבֵית יְהוּדָה וְיָת רַברְבוֹהִי״רברבנוהי#3#״ אַמסַר בְיַד בַעֲלֵי דְבָבֵיהוֹן וֻביַד דְבָעַן לְמִקטַלהוֹן וֻביַד מַשרְיָת מַלכָא דְבָבַל דְאִסתַלַקָא מִנְכוֹן׃

(1) 22:43 הָאֲנָא מְפַקֵיד אֲמַר יוי וַאֲתֵיבִנוּן״ואתיכתון#3#״ עַל קַרתָא הָדָא וִיגִיחוּן קְרָבָא עֲלַה וְיִכבְשוּנַה וְיוֹקְדוּנַה בְנוּרָא וְיָת קִרוַיָא דְבֵית יְהוּדָה אַתֵין לְצָדוּ מִבְלִי יָתִיב׃