The Comprehensive Aramaic Lexicon

(1) 10:06 קוּמִי אַנהַרִי יְרוּשלַם אְרֵי מְטָא זְמָן פֻרקָנִיך וִיקָרָא דַיוי עְלַך יִתגְלֵי׃
(1) 20:06 אְרֵי הָא חְשוֹכָא יִחפֵי אַרעָא וְקַבלָא לְמַלכְוָתָא וֻבִיך יַשרֵי שְכִינְתֵיה״שְכִינְתָא#3#״ יוי״דַיוי#3#״ וִיקָרֵיה עְלַך יִתגְלֵי׃
(1) 30:06 וִיהָכוּן עַמְמַיָא לְנֵיהוֹרִיך וֻמַלכַיָא לָקְֹבֵיל זֵיהוֹרִיך׃
(1) 40:06 זְקוּפִי יְרוּשלַם סְחוֹר סְחוֹר עֵינַך וֻחזַא כָל בְנֵי עַם גָלְווָתִיך מִתכַנשִין״דְמִתכַנשִין#2#״ וְאָתַן לְגַוִיך בְנַך מֵירַחִיק יֵיתוֹן וֻבנָתַך עַל גִססִין יִתנַסבָן׃
(1) 50:06 בְכֵין תִחזַן וְתִנהְרִין״וְתִתנַהרִין#2#״ וְתִדחְלִין וְיַפתֵי לִבִיך בְדַחלַת חִטאִין אְרֵי אִתחַלַף לִיך עוֹתַר מַערְבַא נִכסֵי עַמְמַיָא יִתָעְלוּן לְגַוִיך׃
(1) 60:06 שְיָרַת עַרבָאֵי תִחפֵי סַחרָנַך הוּגנֵי מִדיָן וַחְוָלַד כֻלְהוֹן מִשְבָא יֵיתוֹן דְהַב וֻלבוֹנָה יְהוֹן טְעִינִין וֻדאָתַן עִמְהוֹן בְתֻשבְחָתָא דַיוי יְהוֹן מִשתָעַן׃
(1) 70:06 כָל עָן עַרבָאֵי יִתכַנשָן לְגַוִיך דִכרֵי נְבָט יְשַמְשוּנִיך יִתַסקוּן לְרַעְוָא עַל מַדבְחִי וֻבֵית תוּשבַחתִי אְשַבַח׃
(1) 80:06 מַן אִלֵין דְאָתַן בִגלַי כַעְנָנִין קַלִילִין וְלָא לְאִתעַכָבָא גָלְוָתָא דְיִשרָאֵל דְמִתכַנשִין וְאָתַן לַאְרַעהוֹן הָא כְיוֹנִין דְתָיְבָן לְגוֹ שוֹבַכֵיהוֹן׃
(1) 90:06 אְרֵי לְמֵימְרִי נְגָוָון יְסַבְרוּן וְנָחְתֵי סְפִינֵי יַמָא אֵידַא פָרְסָא קִלעַהָא בְקַדמֵיתָא לְאֵיתָאָה בְנַך מֵרַחִיק כַספְהוֹן וְדַהבְהוֹן עִמְהוֹן לִשמָא דַיוי אְלָהִיך וֻלקַדִישָא דְיִשרָאֵל אְרֵי שַבְחַך׃
(1) 01:06 וְיִבנוֹן בְנֵי עַמְמַיָא שוּרַך וֻמַלכֵיהוֹן יְשַמְשוּנִיך אְרֵי בְרוּגזִי אַלקִיתִיך וֻבִרעוּתִי אְרַחֵים עְלַך׃
(1) 11:06 וְיִתפַתְחוּן תַרעַך תְדִירָא יִימַם וְלֵילֵי לָא יִתאַחְדוּן לְאַעָלָא לְגַוִיך נִכסֵי עַמְמַיָא וֻמַלכֵיהוֹן זְקִיקִין׃
(1) 21:06 אְרֵי עַם וֻמַלכוּ דְלָא יִפלְחוּנִיך יְרוּשלַם יֵיבְדוּן וְעַמְמַיָא אִשתֵיצָאָה יִשתֵיצוֹן׃
(1) 31:06 יְקָר לִבנָן לְגַוִיך יִתָעַל בֵירָוָן מוֹרָניָן וְאַשכְרָעִין כַחדָא לְשַבָחָא אְתַר בֵית מַקדְשִי וַאְתַר בֵית אַשרָיוּת שְכִינְתִי אְיַקַר׃
(1) 41:06 וִיהָכוּן לְגַוִיך כְפִיפִין בְנֵי מְשַעבְדַך וְיִשתַטחוּן לְמִבעֵי מִנִיך עַל פַרסַת רַגלַך כָל דַהְווֹ מַרגְזִין לִיך וְיִקרוֹן לִיך קַרתָא דַיוי צִיוֹן דְאִתרְעִי בַה קַדִישָא דְיִשרָאֵל׃
(1) 51:06 חְלָף דַהֲוֵית שְבִיקָא וֻמטֻלטְלָא וְלֵית דְעָדֵי וַאְשַוֵינִיך לִיקָר עָלַם בֵית דְיָץ דָר וְדָר׃

(1) 61:06 וְתִסבְעִין נִכסֵי עַמְמַיָא וֻבבִיזַת מַלכֵיהוֹן תִתפַנְקִין וְתִידְעִין אְרֵי אְנָא יוי פָרְקִיך וֻמשֵיזְבִיך תַקִיפָא דְיַעְקֹב׃

(1) 71:06 חְלָף נְחָשָא דְבַזוּ מִנִיך יְרוּשלַם אַיתִי דַהבָא וֻחלָף בַרזְלָא אַיתִי כַספָא וֻחלָף אָעַיָא נְחָשָא וֻחלָף אַבנַיָא בַרזְלָא וַאְשַוֵי פַרנָסַך שְלָם וְשִלטוֹנַך בְזָכוּ׃
(1) 81:06 לָא יִשתְמַע עוֹד חִטפָא בְאַרעִיך בִזָא וֻתבָרָא בִתחוּמַך וִיעָרְעוּן פֻרקַן עַל שוּרַך וְעַל תַרעַך יְהוֹן מְשַבְחִין׃
(1) 91:06 לָא תִצטַרכִין עוֹד לְנֵיהוֹר שִמשָא בֵימָמָא וְאַף לָא״#2#״ לְזֵיהוֹר סֵיהְרָא בְלֵיליָא וִיהֵי לִיך יוי לְנֵיהוֹר עָלַם וַאֲלָהֵיך לְתֻשבַחתִיך׃
(1) 02:06 לָא תִבטַל עוֹד מַלכוּתִיך וִיקָרִיך לָא יִעדֵי אְרֵי יוי יְהֵי לִיך לְנֵיהוֹר עָלַם וְיִשלְמוּן יוֹמֵי אַבלִיך׃
(1) 12:06 וְעַמִיך כוּלְהוֹן זַכָאִין לְעָלַם יַחסְנוּן אַרעָא נִצבָא דְחַדוְתִי עוֹבָד גְבוּרְתִי לְאִשתַבָחָא׃
(1) 22:06 דִזעֵיר בְהוֹן יְהֵי לְאַלפָא וֻדחַלָש לְעַם תַקִיף אְנָא יוי בְזִמנַה אַיתֵינַה׃