(1) 11:06 וְיִתפַתְחוּן תַרעַך תְדִירָא יִימַם וְלֵילֵי לָא יִתאַחְדוּן לְאַעָלָא לְגַוִיך נִכסֵי עַמְמַיָא וֻמַלכֵיהוֹן זְקִיקִין׃

(1) 21:06 אְרֵי עַם וֻמַלכוּ דְלָא יִפלְחוּנִיך יְרוּשלַם יֵיבְדוּן וְעַמְמַיָא אִשתֵיצָאָה יִשתֵיצוֹן׃
(1) 31:06 יְקָר לִבנָן לְגַוִיך יִתָעַל בֵירָוָן מוֹרָניָן וְאַשכְרָעִין כַחדָא לְשַבָחָא אְתַר בֵית מַקדְשִי וַאְתַר בֵית אַשרָיוּת שְכִינְתִי אְיַקַר׃
(1) 41:06 וִיהָכוּן לְגַוִיך כְפִיפִין בְנֵי מְשַעבְדַך וְיִשתַטחוּן לְמִבעֵי מִנִיך עַל פַרסַת רַגלַך כָל דַהְווֹ מַרגְזִין לִיך וְיִקרוֹן לִיך קַרתָא דַיוי צִיוֹן דְאִתרְעִי בַה קַדִישָא דְיִשרָאֵל׃
(1) 51:06 חְלָף דַהֲוֵית שְבִיקָא וֻמטֻלטְלָא וְלֵית דְעָדֵי וַאְשַוֵינִיך לִיקָר עָלַם בֵית דְיָץ דָר וְדָר׃
(1) 61:06 וְתִסבְעִין נִכסֵי עַמְמַיָא וֻבבִיזַת מַלכֵיהוֹן תִתפַנְקִין וְתִידְעִין אְרֵי אְנָא יוי פָרְקִיך וֻמשֵיזְבִיך תַקִיפָא דְיַעְקֹב׃
(1) 71:06 חְלָף נְחָשָא דְבַזוּ מִנִיך יְרוּשלַם אַיתִי דַהבָא וֻחלָף בַרזְלָא אַיתִי כַספָא וֻחלָף אָעַיָא נְחָשָא וֻחלָף אַבנַיָא בַרזְלָא וַאְשַוֵי פַרנָסַך שְלָם וְשִלטוֹנַך בְזָכוּ׃
(1) 81:06 לָא יִשתְמַע עוֹד חִטפָא בְאַרעִיך בִזָא וֻתבָרָא בִתחוּמַך וִיעָרְעוּן פֻרקַן עַל שוּרַך וְעַל תַרעַך יְהוֹן מְשַבְחִין׃
(1) 91:06 לָא תִצטַרכִין עוֹד לְנֵיהוֹר שִמשָא בֵימָמָא וְאַף לָא״#2#״ לְזֵיהוֹר סֵיהְרָא בְלֵיליָא וִיהֵי לִיך יוי לְנֵיהוֹר עָלַם וַאֲלָהֵיך לְתֻשבַחתִיך׃
(1) 02:06 לָא תִבטַל עוֹד מַלכוּתִיך וִיקָרִיך לָא יִעדֵי אְרֵי יוי יְהֵי לִיך לְנֵיהוֹר עָלַם וְיִשלְמוּן יוֹמֵי אַבלִיך׃
(1) 12:06 וְעַמִיך כוּלְהוֹן זַכָאִין לְעָלַם יַחסְנוּן אַרעָא נִצבָא דְחַדוְתִי עוֹבָד גְבוּרְתִי לְאִשתַבָחָא׃
(1) 22:06 דִזעֵיר בְהוֹן יְהֵי לְאַלפָא וֻדחַלָש לְעַם תַקִיף אְנָא יוי בְזִמנַה אַיתֵינַה׃