The Comprehensive Aramaic Lexicon

(1) 10:45 שַבְחִי יְרוּשלַם דַהֲוָת כְאִתָא עַקרָא דְלָא יַלדַת בוּעִי תֻשבְחָא וְדוּצִי דַהְוָת״#2#״ כְאִיתָא דְלָא עַדִיאַת אְרֵי סַגִיאִין יְהוֹן בְנֵי יְרוּשלַם צָדִיתָא מִבְנֵי רוֹמֵי יָתֵיבתָא אְמַר יוי׃
(1) 20:45 אַפתַא אְתַר בֵית מִשרַך וְקִרוֵי אַרעִיך יַתִיבִי לָא תִמנְעִין אַסגַא עַם מַשרְיָתִיך וְשִלטוֹנַך תַקִיפִי׃
(1) 30:45 אְרֵי לְדָרוֹמָא וֻלצִפוּנָא תִתַקפִין וֻבנַך עַמְמִין יֵירְתוּן וְקִרוִין דְצָדיָן יִיַתבוּן׃
(1) 40:45 לָא תִדחַלִין אְרֵי לָא תִבַהתִין וְלָא תִתכַנעִין אְרֵי לָא תִתכַלמַן״תִתכַלמִין#3#״ אְרֵי בַהתַת עוֹלֵימוּתִיך תִתנְשַן וְחִסוּדֵי אַרמְלוּתִיך לָא תִדכְרִין עוֹד׃
(1) 50:45 אְרֵי מָרִיך דְעָבְדִיך יוי צְבָאוֹת שְמֵיה וֻפָרְקִיך קַדִישָא דְיִשׂרָאֵל אְלָה כָל אַרעָא יִתקְרֵי׃
(1) 60:45 אְרֵי כְאִיתָא שְבִיקָא וְעָיְקַת רוּחַ עָרְעַת שְכִינְתָא דַיוי וֻכאִיתַת עְלוּמִין דְאִתרַחַקַת אְמַר אְלָהִיך׃
(1) 70:45 בִרגַז זְעיֵר רַחֵיקתִיך וֻברַחְמִין סַגִיאִין אְקָרֵיב גָלְוָתִיך׃
(1) 80:45 בְשָעָא זְעיֵרָא סַלֵיקִית אַפֵי שְכִינְתִי זְמָן מִנִיך וֻבטָבוָת עָלַם דְלָא פָסְקָן אְרַחֵים עְלַך אְמַר פָרְקִיך יוי׃
(1) 90:45 כְיוֹמֵי נֹחַ דָא קְֹדָמַי דְקַייֵמִית בְמֵימְרִי דְלָא יִעדוֹן מֵי טוֹפָנָא דַהֲווֹ בְיוֹמֵי נֹחַ עוֹד עַל אַרעָא כֵין קַייֵמִית <בְמֵימְרִי#2#> דְלָא יְחוּל רוּגזִי עְלַך וְלָא אַזוֹף בִיך׃
(4) 90:45 אפילו אם זכוות אבהת עלמא דמתילין לטוריא עדאן וצידקת אימהת עלמא דמתילין לגלימתא פסקן וטובי ממך כנישתא דישׂראל לא יעידי וקיים שלמי לא יפסוק אמר בשבועת דעתיד לרחמא עלך ייי
(1) 01:45 אְרֵי טוּרַיָא יִעדוֹן וְרָמָתָא יִתפָרְקָן וְטוּבִי מִנִיך יְרוּשלַם לָא יִעדֵי וֻקיָם שְלָמִי לָא יִתרַחַק אְמַר דַעְתִיד לְרַחָמָא עְלַך <אְמַר#2#> יוי׃
(1) 11:45 חַשִיכְתָא מְקַבַלַת עוּלבָן קַרתָא דְאָמְרִין עְלַה עַמְמַיָא לָא תִתנַחַם הָאְנָא כָבֵיש בִצדִידָא אַבנֵי רִצפָתִיך וַאְשַכלְלִינִיך בְאַבנִין טָבָן׃
(1) 21:45 וַאְשַוֵי כְמַרגַליָן אָעַך וְתַרעַך לְאַבנֵי גְמָר וְכָל תְחוּמַך לְאַבנֵי צְרוֹך׃
(1) 31:45 וְכָל בְנַך יְהוֹן אָלְפִין בְאוֹרָיתָא דַיוי וְסַגִי יְהֵי שְלָם בְנַך׃
(1) 41:45 בְזָכוּתָא תִתַקְנִין אִתרַחְקִי מֵעוּשקָא אְרֵי לָא תִדחְלִין וֻמִתְבָרָא אְרֵי לָא יֵיעוֹל עְלָך׃

(1) 51:45 הָא אִתכַנָשָא יִתכַנשוּן לִיך גָלְוָת עַמִיך לְסוֹפָא״בְסוֹפָא#3#״ מַלכֵי עַמְמַיָא דְמִתכַנשִין לְאַעָקָא לִיך יְרוּשלַם בְגַוִיך יִתרְמוֹן׃

(1) 61:45 \הָא אֲנָא ״הָאְנָא#2#״ בְרֵית נַפָחָא נָפַח נוּר בְשִיחוֹרִין וֻמַפֵיק מָנָא לְצוּרכֵיה וַאְנָא בְרֵית מְחַבְלָא לְחַבָלָא׃
(1) 71:45 כָל זֵין דְיִתַקַן עְלַך יְרוּשלַם לָא יַצלַח וְכָל לִישָן דִיקוּם עִמִיך לְדִינָא תְחַיְיבִינֵיה דָא אַחסָנַת עַבדַיָא דַיוי וְזָכוּתְהוֹן מִן קְֹדָמַי אְמַר יוי׃