The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:25 אִתגַלַא אִתגַלַא לְבַשִי תוּקפִיך צִיוֹן לְבַשִי לְבוּשֵי תוּשבַחתִיך יְרוּשלַם קַרתָא דְקוּדשָא אְרֵי לָא יוֹסְפִין דְיִעדוֹן״יִעדוֹן#2#״ בִיך עוֹד עַרלִין וֻמסָאְבִין׃
(1) 20:25 אִתנַפַצִי מֵעַפרָא קוּמִי תִיבִי עַל כוּרסֵי יְקָרִיך״יְקָרָא#2#״ יְרוּשְלַם אִתפְסַקוּ חְנָקֵי צַורֵיכוֹן שְבוּיֵי כְנִשתָא דְצִיוֹן׃
(1) 30:25 אְרֵי כִדנָן אְמַר יוי מַגָן אִזדַבַנתוּן וְלָא בִכסַף תִתפַרקוּן׃
(1) 40:25 אְרֵי כִדנָן אְמַר יוי אְלֹהִים לְמִצרַיִם נְחַת עַמִי בְקַדמֵיתָא לְאִתוֹתָבָא תַמָן וְאַתוּרָאָה בְלָמָא אַנסֵיה׃
(1) 50:25 וֻכעַן עְתִדנָא לְמִפרַק אְמַר יוי אְרֵי אִזדַבַן עַמִי מַגָן עַמְמַיָא דִשלִיטוּ בֵיה״בְהוֹן#3#״ מִשתַבְחִין אְמַר יוי וֻתדִירָא כָל יוֹמָא עַל פֻלחַן שְמִי מַרגְזִין׃
(1) 60:25 בְכֵין יִתרַבַא בְעַמְמַיָא שְמִי בְכֵין בְעִידָנָא הַהוּא תִידְעוּן אְרֵי אְנָא הוּא מַלֵילִית וֻמֵימְרִי קַייָם׃
(1) 70:25 מָא יַאְיָן עַל טוּרֵי אַרעָא דְיִשׂרָאֵל רַגלֵי מְבַסַר מַשמַע שְלָם מְבַסַר טָב מַשמַע פוּרקָן אְמַר״אָמַר#3#״ לִכנִשתָא דְצִיוֹן אִתגְלִיאַת מַלכוּתָא דַאְלָהִיך׃
(1) 80:25 קָל פַרנָסַך דִמרִימִין קָלְהוֹן כַחדָא מְשַבְחִין אְרֵי בְעֵינֵיהוֹן יִחזוֹן גְבוּרָן דְיַעְבֵיד יוי כַד יָתִיב שְכִינְתֵיה לְצִיוֹן׃
(1) 90:25 בוּעוּ וְשַבַחוּ כַחדָא חָרבָת יְרוּשלַם אְרֵי עְתִיד יוי לְנַחָמָא עַמֵיה פְרַק יְרוּשלַם׃
(1) 01:25 גְלָא״גַלָא#3#״ יוי יָת דְרָע קוּדשֵיה לְעֵינֵי כָל עַמְמַיָא וְיִחזוֹן כָל דְבִסיָפֵי אַרעָא יָת פוּרקָנָא דַאְלָהַנָא׃
(1) 11:25 אִתפָרַשוּ אִתפָרַשוּ פוּקוּ מִתַמָן בִמסָאַב לָא תִקרְבוּן פוּקוּ מִגַוַה אִתבְחַרוּ נָטְלֵי מָנֵי בֵית מַקדְשָא דַיוי׃
(1) 21:25 אְרֵי לָא בִבהִילוּ תִיפְקוּן מִבֵינֵי עַמְמַיָא וֻבעֵירוּקֵי״וֻבעֵירוּקָא#2#״ לָא תִתוֹבְלוּן לַאְרַעכוֹן אְרֵי מְדַבַר קְֹדָמֵיכוֹן יוי וַעְתִיד לְכַנָשָא גָלְוָתְכוֹן אְלָהָא דְיִשׂרָאֵל׃
(1) 31:25 הָא יַצלַח עַבדִי מְשִיחָא יִראַם וְיִסגֵי וְיִתקַף לַחדָא׃
(1) 41:25 כְמָא דְסַבַרוּ לֵיה בֵית יִשׂרָאֵל יוֹמִין סַגִיאִין דַהְוָה חְשוֹך בֵינֵי עַמְמַיָא חִזוְהוֹן וְזִיוְהוֹן מִבְנֵי אְנָשָא׃

(1) 51:25 כֵין יְבַדַר עַמְמִין סַגִיאִין עְלוֹהִי יִשתְקוּן מַלכִין יְשַווֹן יַדהוֹן״יְדֵיהוֹן#2#״ עַל פוּמְהוֹן אְרֵי דְלָא אִשתַעִיאוּ לְהוֹן חְזוֹ וֻדלָא שְמַעוּ אִסתַכַלוּ׃