The Comprehensive Aramaic Lexicon

(1) 10:94 קַבִילוּ נְגָווָן לְמֵימְרִי וְאַצִיתָא מַלכְוָן מֵרַחִיק יוי עַד לָא הְוֵיתִי זָמְנַנִי מִמְעֵי אִמִי אַדכַר שְמִי׃
(1) 20:94 וְשַוִי פִתגָמוֹהִי בְפוּמִי כַחְרַב חָרִיפָא בִטלַל גְבוּרְתֵיה אַגֵין עְלַי וְשַויַנִי״דְשַויַנִי#2#״ כְגִיר בְחִיר דִבבֵית אְזָנִין מְסֻתַר׃
(1) 30:94 וַאְמַר לִי עַבדִי אַת יִשׂרָאֵל דְבָך אַשתַבַח׃
(1) 40:94 וַאְנָא אְמַרִית לְרֵיקָנוּ לְאֵיתִי לְלָמָא וְלָא מִדָעַם חֵילִי שֵיצִיתִי בְרַם דִינִי גְלֵי קְֹדָם יוי וַאְגַר עוּבָדַי קְֹדָם אְלָהִי׃
(1) 50:94 וֻכעַן אְמַר יוי דְאַתקְנַנִי מִמְעַיִן לְמִהוֵי עַבַד פָלַח קְֹדָמוֹהִי לְאָתָבָא דְבֵית יַעְקֹב לְפֻלחָנֵיה וְיִשׂרָאֵל לְדַחלְתֵיה יִתקָרַב וְאַתיַקַר״וְיַקִירנָא#2#״ קְדָם יוי וֻמֵימַר אְלָהִי הְוָה בְסַעְדִי׃
(1) 60:94 וַאְמַר הַזְעֵיר לְכוֹן דְאַתוּן מִתקְרַן עַבדַי לַאְקָמָא יָת שִבטֵי יַעְקֹב וְגָלְוָת יִשׂרָאֵל לְאָתָבָא וְאַתְנִינָך לְנֵיהוֹר עַמְמִין לְמִהוֵי פוּרקָנִי עַד סְיָפֵי אַרעָא׃
(1) 70:94 כִדנָן אְמַר יוי פָרְקֵיה דְיִשׂרָאֵל קַדִישֵיה לְדִבסִירִין בֵינֵי עַמְמַיָא לְדִמטֻלטְלִין בֵינֵי מַלכְוָותָא לְדַהְווֹ עַבדִין לְשִלטוֹנִין לְהוֹן מַלכִין יִחזוֹן וִיקוּמוּן רַברְבִין וְיִסגְדוּן בְדִיל יוי דִמהֵימָן קַדִישָא דְיִשׂרָאֵל וְאִתרְעִי בָך׃
(1) 80:94 כִדנָן אְמַר יוי בְעִדָן דְאַתוּן עָבְדִין רְעוּתִי אְנָא מְקַבֵיל צְלוֹתְכוֹן וֻביוֹם עָקָא אְנָא מְקִים פֻרקָן וֻסעֵיד״וְסָעֵיד#2#״ לְכוֹן וַאְתַקְנִינָך וְאַתְנִינָך לִקיָם עָם לַאֲקָמָא צַדִיקַיָא דְשָכְבִין עַפרָא לְאַחסָנָא יְרוּתָן דְצָדיָן׃
(1) 90:94 לְמֵימַר לְדַאְסִירִין בֵינֵי עַמְמַיָא פוּקוּ לְדַעְגִינִין בֵינֵי מַלכְוָתָא כִד בְקַבלָא אִתגְלוֹ לְנֵיהוֹר עַל אוֹרחָן יִשרוֹן וֻבכָל נִגדִין בֵית מִשרֵיהוֹן׃
(1) 01:94 לָא יִכפְנוּן וְלָא יִצהוֹן לָא יַלקֵינוּן שַרבָא וְשִמשָא אְרֵי דַעְתִיד לְרַחָמָא עְלֵיהוֹן יְדַבְרִינוּן וְעַל מַבוּעֵי מַיָא יַשרֵינוּן׃
(1) 11:94 וַאְשַוֵי טוּרַיָא כְבִישִין קְֹדָמֵיהוֹן כְאוֹרַח וְכִבשַיָא יִראְמוּן׃
(1) 21:94 הָא אִלֵין מֵרַחִיק יֵיתוֹן וְהָא אִלֵין מִצִיפוּנָא וֻמִמַערְבָא וְאִלֵין מֵאְרַע דָרוֹמָא׃
(1) 31:94 שַבַחוּ שְמַיָא וֻבוּעִי אַרעָא וְדוּצוּ טוּרַיָא תֻשבְחָא אְרֵי עְתִיד יוי לְנַחָמָא עַמֵיה וְעַל עִנוְתָנוֹהִי יְרַחֵים׃
(1) 41:94 עַל דַאְמַרַת צִיוֹן סַלֵיק \שְכִינְתֵיה יוי ״יוי שְכִינְתֵיה#2#״ מִנִי וַיוי רַחְקַנִי׃
(1) 51:94 הְאִפשָר דְתִתנְשֵי אִתְתָא בְרַה מִלְרַחָמָא עַל בַר מְעַהָא אַף אִם אִלֵין יִתנַשיָן מֵימְרִי לָא יְרַחְקִנִיך׃
(4) 51:94 מתיבה כנישתא דישׂראל ואמרת אם לית קדמוהי אתנשאה דלמא לא מתנשי לי ית דעבדית עגלא דדהב אמר לה נביא אף ית אלין יתנשין ואמרת ליה אם אית קדמוהי אתנשאה דלמא יתנשי לי ית דאמרית בסיני נעביד ונקבל מתיב ואמר אף אלין לא יתנשין
(1) 61:94 הָא כִד עַל יְדִין אַת צָיְרָא קְֹדָמַי שוּרַך לְקִבלִי תְדיִרָא׃
(1) 71:94 יוֹחוֹן יִבנוֹן חָרבָתִיך מְפַגְרַך וֻמַחרְבַך מִנִיך יִגלוֹן׃
(1) 81:94 זְקוּפִי יְרוּשלַם סְחוֹר סְחוֹר עֵינַך וֻחזַא כָל בְנֵי עַם גָלְוָתִיך מִתכַנשִין״דְמִתכַנשִין#2#״ וְאָתַן לְגַוִיך קַייָם אְנָא אְמַר יוי אְרֵי כוּלְהוֹן לִיך כִלבוּש דִיקָר וְעוֹבָדֵיהוֹן בְגַוִיך כְקִשוֹט״כְקִשוּט#3#״ כַלְתָא׃
(1) 91:94 אְרֵי חָרבָתִיך וְצַדיוּתִיך וַאְרַע מְפַגְרוּתִיך אְרֵי כְעַן תִדַחקִין מִיָתִיב וְיִתרַחְקוּן מְסַלעְמַך׃
(1) 02:94 מִכְעַן יֵימְרוּן חַד חַד בְגַוִיך בְנֵי עַם גָלְוָתִיך עָק לִי אַתרָא רְוַח לִי וְאַתֵיב׃
(1) 12:94 וְתֵימְרִין בְלִבִיך מַן רַבִי לִי יָת אִלֵין וַאְנָא תָכְלָא וִיחִידָא גַליָא וֻמטֻלטְלָא וְאִלֵין מַן רַבִי \הא אֲנָא ״הָאְנָא#2#״ אִשתְאַרִית בִלחוֹדַי אִלֵין אֵיכָא הְווֹ׃
(1) 22:94 כִדנָן אְמַר יוי אְלֹהִים הָא אְגַלֵי בְעַמְמַיָא גְבוּרְתִי וְעַל מַלכוּתָא״מַלכְוָותָא#2#״ אְרִים נִסִי וְיַיתוֹן בְנַך בְצַבִין וֻבנָתַך עַל פְרָוָן יִתנַטלוּן׃

(1) 32:94 וִיהוֹן מַלכַיָא תוּרבְיָנַך וֻמַלכָתְהוֹן יְשַמְשוּנִיך עַל אַפֵיהוֹן עַל אַרעָא יִשתַטחוּן לְמִבעֵי מִנִיך וַעְפַר רַגלַך יְלַחְכוּן וְתִדְעִין אְרֵי אְנָא יוי דְלָא יִבַהתוּן צַדִיקַיָא דִמסַבְרִין לְפֻרקָנִי׃

(1) 42:94 הְאִפשָר דְיִתנְסֵיב מִגִיבָרָא עְדַי וְאִם דִשבוֹ זַכָאִין יִשתֵיזַב׃
(4) 42:94 אמרת ירושלם האיפשר דתינסיב מן ידוי דבני עשׂו גיברא עדאה דבית ישׂראל ואם ניכסין דשבו בנוי דישמעאל תקיפא מן צדיקיא ישתיזב כידנן אמר ייי אף מא דשבו גיבריא דבית עשׂו מן עמי ישׂראל יתותב להון ומא דעדו תקיפיא דבית ישמעאל מדבית יעקב ישתיזב וית פורענות ירושלם אנא איתפרע וית בנייך אנא אפרוק מביני עממיא
(5) 42:94 אמרת ירושלם האפשר דיתנסב מעשׂו רשיעא ית דאמיר עליה ועל חרבך תיחי עדאה דעדי מני ואם שביא דשבא ישמעאל דאמיר עליה דצדיקיא הוא ישתיזב
(1) 52:94 אְרֵי כִדנָן אְמַר יוי אַף דִשבוֹ גִיבָרִין אְתִיב וְדַעְדוֹ תַקִיפִין אְשֵיזֵיב וְיָת פוֹרעָנוּתִיך אְנָא אַתפְרַע וְיָת בְנַך אְנָא אַפרוּק׃
(5) 52:94 אף עדאה דעדא מניך עשׂו גיברא יתנסיב מיניה ושביא דשבא מיניך ישמעאל גיותנא דאמיר עליה ערוד באינשא ישתיזב
(1) 62:94 וְאַתֵין יָת בְסַר דַהֲווֹ מוֹנַן לִיך מֵיכַל לְכָל עוֹפָא דִשמַיָא וֻכמָא דְמִתרְוַן מֵיחְמַר מְרִית כֵין חַיַת בָרָא מִדַמהוֹן תִתרְוֵי וְיִדְעוּן כָל בְנֵי בִסרָא אְרֵי אְנָא יוי פָרְקִיך וֻמשֵיזְבִיך תַקִיפָא דְיַעְקֹב׃